fabrica
Basa
: Tota la creacion occitana
fabrica
Tiennet Simonnin comença a l'acordeon cromatic en 1988. A l'adolescéncia, s'apassiona per la musica irlandesa e sentís lèu l'enveja d'aprene lo repertòri e l'estil irlandés. Comença lo tin whistle, puèi adapta lo jòc de l'acordeon diatonic irlandés a son acordeon cromatic. Tiennet se lança tanben dins l'aprendissatge del uilleann pipes e del bozoki, jòga fòrça en session e dins des grops de musica irlandesa (Chelta, Bouncing Feet).
A comptar de 2007, trabalha mai sus las musicas tradicionalas francesas, en particular la musica d'Auvernhe. Fa lo rencontre de Michel Esbelin, amb lo qual crèa un duò cabreta/acordeon, e se lança el-meteis dins l'aprendissatge de la cabreta. Tiennet comença tanben a jogar en bal folk : es la naissença del duò TTC en 2009, puèi de Mister Klof en 2010, grop premiat del conconrs "Formations" al Château d'Ars l'annada d'aprèp.
Tiennet s'interessa tanben al museta de las annadas 20/30. En 2013, amb Solen Imbeaud e Camile Raibaud, participa a la creacion d'un espectacle jove public, Les Enfants du Bal, que conta la naissença del genre museta dins los bals populars parisencs de la Bèle Epòca. Fa per alhors la coneissença de la cantaire Sophie Euzen ; amb Antoine Leclercq al banjò, es la debuta d'un novèl projècte musical : Les Papillons de Nuit, triò que tòrna donar vida al repertòri museta de l'entre-doás-guèrras a París.
En parallèl de son activitat de musician, Tiennet dona de corses d'acordeon, de whistle e d'uilleann pipes. Es tanben damandat per animar d'estagis e de master-class.
(Fòto: Véronique Chochon)
Contactez nous a propos de cette page
