fabrica
Agenda
: Tota la creacion occitana
fabrica
Aqueles festèja la sortida de son primièr album, Punk's not born, lo dimenge 7 de mai a comptar de 11h a la bòrda marina dels Aresquièrs.
L'i ofriràn mosclas e vin blanc, mentre que los amis faràn la musica, fins a un pichon repais en cançon, amb los produchs de la bòrda.
"Comprenent qu'èretz pas preissats e qu'aimàvetz melhor un disc plan finit, prenguèrem lo temps. D'alhors la cobèrta es acordada al cèl de prima.
La candèla ne val la resulta e nos fretam las mans a l'idea de vos esquatar las escotilhas dins pauc.
E gardatz-n'en per las miradas ! Aqueles debarca en format bèl, planejant al collodion, aucèls de mala mena que se mèsclan de tot en contant que que siá. En cantant tanben, de còps juste e en ritme, çò qu'es quand mema melhor. Quora o recebretz, dobrissètz-lo lèu, la tropelada de personatges se preissa e espèra pas qu'un signe per vos emportar."