fabrica

Basa : Tota la creacion occitana
Licéncia Licence Ouverte
Peiraguda

Peiraguda

Domaine d'activité : Groupe / Collectif
Genre : Trad/populaire Chanson
Secteur : Musique
Aire culturelle : Languedoc
Occitan : Tot en òc
Support : Spectacle vivant
Date : 1978
Membres : Patrick Salinié : chant, guitare, composition
Jean Bonnefon : chant, guitare, composition
Jacques Gandon : guitares
Laurent Chopin : batterie
Patrick Descamps : basse
Thierry Roques : accordéon
Fait partie de : Prod'Oc
Ligams



Peiraguda es un grop del Periregòrd fondat en 1978 per Joan Bonnefon, Patric Salinié e Joan Loís Garrigue. Lo grop canta exclusivament en occitan e causís una orientacion musicala resoludament folk (doás guitarras, dos cants, una bassa) per la mai gròssa majoritat de sas cançons.

Los Peiraguda se desmarcan a l'epòca per lo fach de pas botar en avant nonmàs dels tèxtes militants occitans mas tanben de las cançons dichas de varietat. Se fan remarcar alara per lor riquessa poetica e la qualitat de lors adobaments armonics a l'entorn de las guitarras e de las votz, en privilegiar los timbres naturals a las compausicions electricas, mai de mòda d'aquel temps.

Desseparats en 1988 (notadament per montar lo projèct parallèl Bigaròc emb Joan Pau Verdier), se tòrnan formar en 2033 e jògan totjorn dempuèi.

Dempuèi sa debuta, lo grop segiguèt una evolucion lenta, al grat de l'arribada/partença de sos musicians, totjorn a l'entorn dels duòs de basa Salinié/Bonnefon e cançon/guitarra. Podèm ental comptar mai d'una "periòda" dins la vita del grop :

-De 1977 e lo prumièr concèrt d'aquel grop alara desconegut mas plan aculhit a-z-Albi dusc'a 1980 lo grop es un triò resoludament folk acostic, que fai solament intervenir GIlbert Guillaume a la flauta sus qualques bocins (comapusarà Campesino dins lo prumièr disc Leberon).

-De 1980 a 1983, Peiraguda se fai mai folk-trad, emb notadament l'arribada de Bernard Gilet a l'acordeon, al violon e a la contrabassa. Donarà la coloracion musicala de l'album Raiç (1980). Sus La dama pijonièra (1982) Peiraguda se dirigís mai vèrs las cançons tradicionalas, i enregistraràn tanben La Perinqueta emb dels dròlles de Calandreta.

-En 1983, Joan Loís Garrigue, un dels tres fondators de Peiraguda, laissa lo grop per seguir sa carrièra de medecin. A l'entorn del duò que demòra venon dels musicians professionals e reconeguts, coma Jean Laguionia a l'cordeon o al pianò (Varsovia), o encara Jean-Marc Pernon a la guitarra electrica, donant un costat mai folk-rock que se pòt ausir en aprticular sus lo disc De mai en mai. Aquel d'aquí serà a l'origina del rencontre entre Peiraguda e Francis Cabrel, e de l'amistat, notadament musicala, que segiguèt. Lo grop se separa finalament en 1988-1989.

-Quora Peiraguda se tòrna formar en 2003, tornem trobar a l'entorn del duò Salinié/Bonnefon lo guitarrista Jacques Gandon e lo bassista François Paoli. Enregistraràn un disc a quatre, Lo temps de la memòria (2004) onte Peiraguda tornarà a on folk-cançon occitana soslinhat de guitarras melodicas.

-Dempuèi 2003, Peiraguda camjèt mai d'un còp de formacion, a l'ocasion de concèrts-eveniments onte se produisen als costats del Choeur des Hommes du Périgord, de Joan de Nadau, de Marti...

Lo grop es uèi compausat de Joan Bonnefon (guitarra, cant, compausicion), Patric Salinié (guitarra, cant, compausicion), Jacques Gandon (guitarras), Laurent Chopin (batariá), Patrick Descamps (bassa) et Thierry Roques (acordeon).

Una bona part del grop Peiraguda participa tanben a "L'Affaire Brassens", un espectacle musical (en francés aqueste còp) a l'entorn del cantaire de Sèta.


Contactez nous a propos de cette page