Indians ? Los darrièrs locutors natius de l'occitan en son pas un pauc ? Agonia d'un monde, d'una mitologia tota, d'una cultura... a l'entorn de la fin de las annadas 20, badalhonam Pili e totes los enfants dins las corts de las escolas lemosinas...

A travèrs de cants de montanhòls insomesses, blues de fin de temps, poèma grafiti que martèla las nafras del monde, ERMS, acampat a l'entorn del masc "lemosidian" Bernat Combi, s'ataca a reviudar las darrièras brasas d'una memòria nafrada, umiliada... Aquel espectacle mescla la poesia a la musica, dins un univèrs a l'encòp barròc, mistic, tribal, enrasigat dins la tradicion.