fabrica
Agenda
: Tota la creacion occitana
fabrica
La 37ena edicion de Las Rapatonadas nos prepausa de nos passejar en companhiá d’aucèls passadís, sus las ribas d’Occitania, del Maròc, de la Mesopotamia tanplan coma del Venesuèla, en se rire de las foranas.
L’art dels contaires es pas tancat : lor paraula quita pas d’evoluïr, de se renovelar. Nos duèrb de camins desconeguts, jos nòstres quites pès. Cresiatz de conéisser los Pirenèus ? Qui as Diallò que nos las fa tornar descubrir ambe son uèlh de jove dels barris de vilas grandas. Se sètz segur que Peirigòrd vos es familhièr, Danièl Chavaroche vos estonarà pr’aquò. Per çò qu’es de l’amor, l’Enric Gougaud, vos n’aprendrà de bravas sus la seduccion e lo desir…
Amai Rapaton vos mena aquest an en Amasonia per vos far la pròba que hip-hòp e conte s’endevenon mai que plan. Un pescaire d’aucèls, un gibós ambiciós, un ògre que se jòga dels ensenhaments del Ramadan… Qui avètz l’aire de libertat que van far bufar las 37enas Rapatonadas.
Prèstes pel viatge ?
Amb “La lèbre e lo leberon”, serem estabosits per las aventuras fantascas d’una lèbre dins la campanha perigòrda. I trobarem lo Lop Blanc, lo Tais entrapat, lo menaire de lops, l’Ors d’Isidòr… Mès atanben Baptista Bufavent, lo cabretaire, lo Trobador de Comarque, Ferrant lo carbonièr, Simeon lo gabarrièr e quitament lo jogaire de rugbí que fa un maissant rencontre en tornar de la tresena mitat… En evocar los mestièrs dispareguts, l’amistat, l’amor, la vida d’ièr e d’auèi, lo Danièl Chavaroche nos convida a descobrir quauques mites de l’imaginari perigòrd, dels secrets de las sanhas de Granda Beuna a la passion terribla dels gabarrièrs de Dordonha.
Tot public a partir de 6 ans
Durada : 1h
Centre social de Marmiers – Orlhac
Entrada gratuita
Contactez nous a propos de cette page