fabrica
Agenda
: Tota la creacion occitana
fabrica
La 37ena edicion de Las Rapatonadas nos prepausa de nos passejar en companhiá d’aucèls passadís, sus las ribas d’Occitania, del Maròc, de la Mesopotamia tanplan coma del Venesuèla, en se rire de las foranas.
L’art dels contaires es pas tancat : lor paraula quita pas d’evoluïr, de se renovelar. Nos duèrb de camins desconeguts, jos nòstres quites pès. Cresiatz de conéisser los Pirenèus ? Qui as Diallò que nos las fa tornar descubrir ambe son uèlh de jove dels barris de vilas grandas. Se sètz segur que Peirigòrd vos es familhièr, Danièl Chavaroche vos estonarà pr’aquò. Per çò qu’es de l’amor, l’Enric Gougaud, vos n’aprendrà de bravas sus la seduccion e lo desir…
Amai Rapaton vos mena aquest an en Amasonia per vos far la pròba que hip-hòp e conte s’endevenon mai que plan. Un pescaire d’aucèls, un gibós ambiciós, un ògre que se jòga dels ensenhaments del Ramadan… Qui avètz l’aire de libertat que van far bufar las 37enas Rapatonadas.
Prèstes pel viatge ?
Rapaton dòna carta blanca a Ives Durand e Danièl Chavaroche per una serada tota en òc ! L’un ven dels Causses e dels accents rocalhós. L’autre del país de l’Òme, ont l’imaginari s’alanda entre rius, castèls, baumas e gorgs. Los dos son parièirament apassionats per la lenga occitana, tant per sa truculéncia coma per sa dubertura a la poësia e a l’umor… L’ocasion raivada d’entendre e de tornar descobrir la lenga nòstra !
Tot public a partir de 7 ans
Durada : 1h
Orlhac, Cap cœur
Entrada plena : 7 euros / Tarifa reducha : 3 euros
Entresenhas : 04 71 48 46 58
Contactez nous a propos de cette page