En 2016, a l'iniciativa de las universitats de Montpelhièr – Paul Valéry e de Tolosa – Jean Jaurès, se metèt en plaça una formacion de màster titolada « Expertisa etnologica en patrimòni immaterial ». Constituissiá alara una responsa als besonhs, exprimits pels actors (associacions, collectivitats territorialas, Estats), en competéncias etnologicas per identificar, expertisar e valorizar de biaisses de dire e de faire que la comunautat o un grop exprimís per aqueles un sentiment fòrt d'identitat, e notadament d'identitat dins lo temps. Çò que se recampa sovent d'un biais practic, mas pas totjorn satisfasent, jol tèrme de « tradicions ».
Es dins lo quadre d'aquesta formacion universitària que dintran los Talhièrs del Patrimòni Cultural Immaterial organizats dins los locals de l'etnopòl GARAE, que sas òbras foguèron pionièras en matèria de patrimòni etnologic e d'etnologia del patrimòni. En aculhir los estudiants de Montpelhièr e de Tolosa pels quals constituisson una part importanta de lor ofèrta de formacion, aqueles talhièrs s'adreiçan tanben als professionals e actors socitoses de dispausar de las aisinas necitas a l'apreension de la nocion de « Patrimòni Cultural Immaterial ».
Venents dels servicis centrals del ministèri de la Cultura, de la DRAC Occitània, del païsatge associatiu, de las universitats, del CNRS o del mond dels musèus, los diferents intervenents rendràn compte de lors accions e de lors reflexions sus un tèma qu'a largament tornat compausat las linhas de fòrça del mond patrimonial.

Diluns 15 de genièr

14h : Acuèlh e introduccion a las diferentas sessions
Nicolas Adell, Arnauld Chandivert

15h - 17h : En practica : un estagi dins lo domeni del PCI o cossí conciliar recèrca e expertisa
Christelle Nau, Claudie Voisenat [reservat als estudiants especialistas]
o Introduccion al Patrimòni cultural immaterial
Arnauld Chandivert [tot public]

Programa del dimars 16 de genièr
Programa del dimècres 17 de genièr
Programa del dijòus 18 de genièr
Programa del divendres 19 de genièr