L'Escrivèire Public / Yves Rouquette

Auteur	Rouquette, Yves
Editeur	Aura - Occitània Productions
Date d'édition	2008
Sujet	Poésie occitane
Source	Mediatèca occitana, CIRDOC-Béziers. Cote : ROQU i P. Lg
Type de document	Sound document sonore
Langue	oci
Format	audio/mpeg 1 CD audio
Extent	00:01:40
Droits	Tous droits réservés Occitània Produccions
Permalien	http://occitanica.eu/omeka/items/show/1870 ROQU i P.Lg
Accéder à la notice au format	atom dcmes-xml json omeka-xml

Yves Rouquette dit « L'Escrivèire public » [Son documentaire]

Lectura per Ives Roqueta d'un extrach de son poèma L'escrivèire public. Extrach sonòr publicat dins lo disc de la colleccion Trésors d'Occitanie (ne saber mai) consacrat a Ives Roqueta, produch per Aura - Occitània Productions.

Transcripcion del texte :

Quand aurai tot perdut

ma memòria ma lenga e lo gost de luchar

me virarai encara un còp cap a vosautres

òmes mieus

carretièrs jornadièrs pastres varlets de bòria

visatges doblidats esperduts renegats

dins un temps que vòl pas

que pòt pas espelir

e traparai dins vòstre agach

dins lo quichar de vòstras mans

dins vòstres crits mandats de lònga

de fons a cima de la terra

e que degús pòt far calar

una rason de creire encara

Tornarai èsser per vosautres

abitants pesucs e maladrechs

d'un païs de la votz d'enfança e de tèrra

lo mainatge qu'ai pas quitat d'èsser

un enfant de la vila en cerca de l'amor

del pibol plegadís coma un cant de lauraire

trevant los nauts pelencs

de la vòstra memòria

d'òmes que sabon tot sens aver ren legit

que lo libre del temps que fai (fin de l'extrach sonòr)

Quilharai una taula

contra lo vam dels serres

e me farai per vautres

escrivèire public

Contributeur:

Colleccion:

Mots-claus:

Embed