fabrica
Basa
: Tota la creacion occitana
fabrica
A vosautres que vesètz pas sa majestat carnaval que coma un aimable rei del divertiment d'un jorn – un tal dimars gras – al melhor, en una vision sociologica singularament reductritz e fin finala rasseguranta, coma mèstre del grand liberar e de l'inversion ajudant a la digestion de totas las colòbras engolidas long de l'an, aqueste libre a pas acabat d'obrir de grandas e bèlas perspectivas, de tant qu'envasís lo calendièr, desbordant quitament plan dels jorns sornes e freges.
E si l'autor parla de religion carnavalesca, es pas per pura provocacion, es a bon drech, aquelas practicas pagano-chamanicas se passèsson de libre sacrat, de dògma, de clergat instituit en Glèisa... e d'Inquisicion, n'an pasmens una paraula, mai anciana que l'escritura, una vision del mond e mai de l'autre mond, una espiritualitat, una simbolica, de rituals, de capelans a l'autoritat efemèra, dels dieus foguèsson oblidats.
Contactez nous a propos de cette page