Lo 7 de febrièr de 1939, Francesc Vidal quitèt Espanha : un exiliat demest d'unes milièrs d'autres que, durant aquel ivèrn, franquiguèron a pè Pirenèus. An pres lo risque de l'exili, que supausava l'abandon de lor familha, amics, ostal per fin de poder simplament contunhar de viure.

Francesc Vidal es un d'aqueles milièrs d'exiliats que « tissant la trame des relations et des amitiés qui te font peu à peu accueillir le pays qui t’accueille jusqu’à t’y sentir bien »*, lo cosinatge de las culturas e de las lengas d'Espanha e d'Occitània a d'un còp fòrça ajudat, se son definitivament ancorats dins lor tèrra d'acuèlh.

Guillaume Lopez, son felen, a publicat en 2014 son preciós testimoniatge. Ne propausa uèi amb sa companhiá, lo CAMOM, un espectacle musical e visual en forma d'omenatge, plen de nostalgia mas tanben d'espèr e de libertat, de poesia, de fòga e de folia. * Claude Marti, Prefaci a Francesc Vidal, La Retirada et l’exil.  

Lo raconte de Francesc Vidal servís de trama a l'espectacle, n'i descobrissèm d'unes detalhs de sa vida que fan lum sus l'istòria de milierats de personas, d'anecdòtas, de la nostalgia mas tanben de l'umor, de moments de bonaür retrobat. Es en quartet que Guillaume Lopez (cantaire e director artistic) interprèta d'un biais modèrne, esmovent e de còps festiu, las cançons de la guèrra civila espanhòla. Los poètas Lorca e Machado son tanben evocats. « Recuerdos – La Retirada e l'Exil » daissa una part granda a las creacions personalas, cantadas e instrumentalas, autors e compositors, los artistas s'exprimiràn. Sus scèna, Morgan Astruc fait sonar sa guitarra, rebat de sas originas espanhòlas e de sa tecnica de classica tintada de flamenco-jazz, Louis Navarro a la contrabassa, Simon Portefaix a las percussions pòrtan una color definitivament contemporanèa. Bernard Cauhapé, plastician, improvisa als pincèls sus la tematica de la Retirada.  

Lo 26/09 a 21h al Teatre municipal (Alèas Paul Riquet, 34500 Besièrs)

Espectacle gratuit, propausat pel CIRDOC - Institut occitan de cultura  dins lo quadre de las Commemoracions de la Region Occitània per lo 80en anniversari de la Retirada.

Lo CIRDOC merceja la Vila de Besièrs per la mesa a disposicion del teatre municipal e l'implicacion de las equipas municipalas.