PRESENTACION
Lo 29 de junh de 1944, Pont de Salars en Avairon foguèt salvat del chaple mercés al coratge de son conse, Jean Amans, que s'interpausèt tota una nuèit, per fin d'entravar la volontat del lòctenent Boeger de la Gestapo, cargat d'organizar las represalhas contre la populacion recampada sul fieiral, lo maquís qu'ataquèt una colomna alemanda pendent la matinada.
Sus aquela basa, Joan Loís Courtial creèt una ficcion, en particulièr en cambiant los noms dels personatges e dels luòcs. A flor e a mesura que la pèça « Pont-de-Viaur, juin 1944 » se debana, los eveniments d'aquela nuèit tragica son jogats pels actors. Puèi, de « tablèus » son regularament intercalats dins lo raconte coma de còps de projectors qu'illustran de moments passats o actuals. L'idèa es aital de temptar de comprene lo per qué e lo cossí de las causas, viure la terror dels josieus percaçats, analisar l'embrigadament dels joves alemans dins la mecanica mortala del nazisme dins las annadas 1930, sentir lo patiment de las victimas.
EQUIPA ARTISTICA
Flavie Castagné : conservatòri d’art dramatic de Montpelhièr
Jean-Louis Courtial : cantaire e comedian occitan.
Composicion de las musicas : Jean-Louis Courtial.
Mesa en scèna : Yves Durand
Costumes : Sarah Langner
jean.courtial@laposte.net
