Presentacion Lo projècte recampa l'associacion dels escrivans del PEN Occitan e l'associacion R.A.P.P.E.L Parole-Création, qu'es un regropament d'autors de la vila de Laval, al Quebèc. Lo projècte bilateral, serà l'escasença pels escrivans de participar a una residéncia d'escritura, de far conéisser lor cultura e tanben de participar al desvolopament de la cultura en region e promòure la literatura. Los tèmas màgers de las residéncias per las doas associacions son la promocion de la literatura femenina e la mesa en valor e proteccion de l'aiga e de las ribièras.
Al Quebèc an tanben lo projècte d'alestir una publicacion en òc e en fr d'aqueles tèxtes dins una revista literària prestigiosa, Femmes de parole que serà publicada a l'escasença de la residéncia occitana al Quebèc en setembre.
Quatre artistas del Quebèc arribaràn doncas tanben en residéncia a l'Ostal Occitan de Cailhavel, luòc de residéncias artisticas occitanas a costat de Carcassona, del 9 de Julhet fins al 23 de Julhet de 2022.
D'eveniments seràn organisatz amb lo CIRDOC, l'IEO Aude e la vila de Cailhavel, cadun es convidat a venir rescontrar los poètas e participar al projècte !
CandidatarTrobaretz
aquí la crida de projèctes, pels escrivans e artistas de slam e spoken word que vòlon mandar lor candidatura pel 15 de mai per participar a la residéncia al Quebèc, a la fin del mes de setembre 2022.