Mai de 600 000 manifestantas dins las carrièras de Montpelhièr per protestar contre lor misèria comuna : « Fòra lo frau ! Estòp al sucratge ! »
Vaquí la cronica d'un cofle « tsunami » en plen còr del Miègjorn que faguèt tremolar la IIIena Republica.
La votz contaira rapòrta la revòlta viticòla de las annadas 1900 dins lo Miègjorn, principalament a travèrs lo prisme de son leader - Marcelin Albert - en i imbricant anecdòtas, contes e cants pròpris an aqueles temps.
Creacion oratòria :
Aprèp una intensa consultacion dins divèrs documents istorics, de la granda Istòria, contes e istòrias popularas an poscut s'entermesclar sens perdre lo fial.
L'espectacle es doncas : « la remembrença multi-tonala de Marcelin ».
Una marcha de la memòria en fin d'annada de 1907 alara que la revòlta es ja passada : Marcelin qu'a reviscolat las folas, marcha sol dins Argelièrs. Aprèp aver saludat al lavador la darnièra contaira del vilatge, contunha son percors per nos embarcar al grat de sos passes dins sos sovenirs, partidas participantas de l'Istòria meridionala.
« Lo sovenir es un poèta, ne'n fagatz pas un istorian » se disèm, e l'astre aquí es que Marcelin Albert a mai d'una casquetas, la del poèta notadament. Costejam aital los estats d'arma del « redemptor de la viticultura » - mas tanben, recèptas insolitas, cants, discorses de l'epòca – e evidentament, de contes que se mesclan a la trama en ofrissent una subtila reculada analogica sul debanament d'aquela revòlta.
La contaira es pas una istoriana, garda l'equilibri entre los faits reals e los contes, companhons de camin estimats e causits sens asard.
La contaira es pas pus una musiciana, mas « musicala ». Dos mbiras, un saxo-flûte e un acordeon acompanhan lo raconte, qu'es contat en sièis partidas – coma aitant de colors per abordar la vida de la vinha, la pauperizacion del pòble, sas revendicacions, la montada en fòrça de l'epopèa dels «gusses », son estonant desnosament e l'epilòg al lavador del vilatge.
FICHA TECNICA
Durada : 1h15
Public : Adultes (+de 10 ans)
Espaci scenic :
2x3m
Autonomia en luses e sons.
Alimentacion electrica demandada
Possibilitat de faire l'espectacle en exterior.
Site internet : lav-lac.org
Tèl : 06 45 95 45 14
