fabrica

Agenda : Tota la creacion occitana
Licéncia Licence Ouverte
Inauguracion del festenal Total Festum - CRAC de Sèta

Inauguracion del festenal Total Festum - CRAC de Sèta

Secteur : Musique Arts plastiques/Arts visuels Patrimoine
Aire culturelle : Languedoc
Occitan : Moitié-Moitié
Date : 2023-05-13 16:00:00
2023-05-13 22:00:00
Créateur : Centre régional d'art contemporain de Sète
Région Occitanie / Pyrénées-Méditerranée
CIRDOC - Institut occitan de cultura
Fait partie de : Isabelle François
Rodín
Ajouter a mon calendrier +


PROGRAMA

Lo Crac aculhís lo lançament de la 18ena edicion de Total Festum, la granda fèsta de las lengas e culturas catalanas e occitanas d'en pertot en Occitània e celèbra aital la Nuit européenne des Musées ! 

Dins los espacis del centre d’art : 
* a 16:00 : Descobrissètz las exposicions Fernand Deligny, légendes du radeau e Manifeste assisté de Florian Fouché mercés a una visita menada de cotria per un mediator del centre d'art en francés e per una interprèta del CIRDÒC - Institut occitan de cultura en occitan. Aquela visita vos permetrà d'entendre cossí doas lengas se completan per comentar las òbras d’art, los filmes e los documents expausats. Dins las doas exposicions, lo lengatge, coma relacion, s'espandís en abolir las frontièras entre los mots, los espacis e los objèctes del nòstre quotidian. La visita prepausarà d'evocar aquel despassament en passar tanben las barrièras entre las lengas ! 
 
* a 18:00 : dins lo quadre de Total Festum, Eliott Evaki Lézard (alias Julie Jardel), l’artista qu'a realizat l’aficha de l’edicion de 2023, presenta una mòstra de sas òbras.
* a 20:00, 21:00, 22:00 e 23:00 : Visitas flash (15 minutas environ) de las mòstras Fernand Deligny, légendes du radeau e Manifeste assisté de Florian Fouché, en companhiá d’un.a mediator.tritz.


Sul parvís e a proximitat del centre d’art :

* Entre 16:00 e 18:00 : Patrimòni maritime
> Iniciacions ramas tradicionalas dins los canals del pòrt de Sète, amb los equipatges de Cettarames de Sèta e Muscat ramas de Frontinhan.
> Demostracion e passejadas en batèls tradicionals dins los canals del pòrt de Sèta amb las embarcacions de las Voiles du bassin de Thau e de las Armejaduras lengadocianas.

* Entre 17:00 e 18:00 : Navirada, parada dins los canals del pòrt de Sèta amb los musicians de Chiviraseta e las barcas tradicionalas de las associacions Gréements languedociens e Voiles du bassin de Thau.

* 18h15 : Baptisme de la Serena de Brassens realizada pel escultor Jean-Louis Borg, acompanhat per la corala Brassens e lo Gyss, darrièr batèl del cantaire restaurat per los  Gréements Languedociens. Aquel eveniment simbolic serà seguit de discorses oficials sul parvís del Crac.

* 19h : Taulada inaugurala e Balèti amb los musicians de Chiviraseta e Christophe Nevado, mèstre de dança. L'escasença de descobrir danças e musicas tradicionalas, sul parvís del Crac. 

* 20h : Blindtest catalan per Julio Leone qu'interpretarà mantuna cançon incontornabla, sul parvís del Crac.

* 21h : Mini-concèrt de Rodín per un abans-tast de son segond album (de venir en 2024, tèxtes en occitan, mèsclant lo trap a las musicas urbanas latinas) sul parvís del Crac. 



Aqueles eveniments son propausats dins lo quadre de :   
La Nuèit Europenana dels Musèus
Total festum, fèsta de las culturas catalana e occitana, accion menada per la Region Occitània, dins lo quadre de Total Festum pel sosten a las lengas regionalas, en partenariat amb lo CIRDOC - Institut occitan de cultura.
Programa complèt de Total festum sul site de la Region Occitània.
Per sa novèla edicion, l'eveniment portat per la region Occitània / Pirenèus-Mediterranèa amb los ciutadan.a.s e las associacions, investís encara e totjorn l'ensemble de sos territòris amb près de 100 rendètz-vos al long del mes de junh, a l'entorn del solstici d'estiu e dels fuòcs de la Sant Joan. En dobèrtura, Total Festum e lo CRAC provòcan lo rencontre entre art contemporanèu e patrimòni cultural al fial dels canals e desvèlan l'aficha creada per aquela edicion de 2023. 

Parlem una cultura viva !


INFORMACIONS PRACTICAS

Gratuit, tot public.
Dissabte 13/05 a CRAC de Sèta : 26, quai Aspirant Herber
34 200 Sèta - França
crac@laregion.fr
Tèl : +33 (0)4 67 74 94 37 


Contactez nous a propos de cette page