Una exposicion de la colleccion Dague-Sormail

Aquela rara colleccion compòrta près de 5’000 pèças de textiles e d’accessòris autentics que 240 costumes complèts. Illustra una vasta aire geografica de cultura occitana : Lengadòc, Gasconha, Guiena, Lemosin, Comtat de Foish, de la fin del sègle XVIII fins a la debuta del sègle XX.
Sus la basa de recèrcas documentàrias aprigondidas, totes aqueles elements reculhits e salvats de la destruccion e de l’oblit conferisson per lo lor viscut an aqueles costumes, una seduccion eloquenta que nos embarca. La colleccion nos entraina dins lo corrent de l’evolucion de las mòdas vestimentàrias sus près de dos sègles. Nos revèla los vestits al fial de las sasons e de las circonstàncias de la vida, dels paisans, artesans, obrièrs, comerçants e de la petita borgesiá. Per la lor beutat, lor riquesa e lor evocacion espectaculara, aqueles costumes tòcan e esmòurse un fòrça larg public.
Aquela colleccion al servici d'una identitat occitana, de son istòria e de son raionament cultural, nos liura una òbra patrimoniala essenciala, de coneissença e de reconeissença a transmetre e a metre en valor, amb amor e respèct.

Lo costume regional : eiretatge cultural a transmetre e a faire fructificar

Cargat d'umanitat e d'istòria, lo costum regional ocupa una plaça preponderanta dins lo nòstre patrimòni. Lo costume regional s'inscriu dins l'etnologia e las arts de la mòda.  
Es ligat a la tradicion, a la costuma de las populacions d'un territòri donat, sens èsser per aquò complètament exclús de la movença de la mòda parisenca, dita « mòda nacionala ».
Es lo rebat dirècte de lors mors e de lors mentalitats. En mai de sa foncion primièra de proteccion, lo costum es un lengatge. Es un element fòrt de comunicacion.
Permet a l'individú de s'afirmar e de pareisser amb dignitat dins sa posicion sociala al sen d'un grope, tot en respectant los còdis comuns establits.
Testimonatge d'istòria, lo costum tradicional nos toca e nos esmòu : cada pèça vestimentària es un tròç de memòria. Uèi, nos captiva e nos sedutz per son originalitat, son estetica susprenenta. Amb fòrça, desgatja una fertila atractivitat propícia a li assegurar una plaça dinamica dins l'avenidor.

L'exposicion es compausada d'un ensemble fotografic que representa e illustra un extrait de la colleccion Dague-Sormail, jos la forma de :   

• 34 posters e 20 fòtos grand format de costums femenins ;
• 3 posters per 24 dessenhs d'estudí de costums masculins ;
• 6 posters-panèls didactics sul costum regional.

L'Art de se vêtir en Occitània
Concepcion e realisacion de l'exposicion : Françoise e Lucien Sormail
Fòtografias : Alain Braud, Daniel Molinier, Lucien Sormail
Grafisme-edicion-Labo fòto : OGHAM, ABCD Picture
Produccion : RESSOC
Amb lo sosten del Departament de Naute-Garona et de la Region Occitània.