Sabiatz que la vila de Pigüe situada dins la província de Buenos Aires foguèt construida per una colonia avaironesa en 1894 ? 

Pr'amor que demòra una cabreta fabricada per Costeroste al musèu de la vila e de noms occitans suls las parets del cementari.

Sabiatz que Carlos Gardel, lo compositor lo mai grand de tango es nascut a Tolosa ? Sabiatz que dins las annadas 1900, la vila de Buenos Aires aviá per chafre "La Paris d'America latina" ?  

Guillaume Lopez es un cantaire e musician tolosan. Canta los Países d'òc e l'Espanha de son istòria familhala dempuèi mai de 20 ans. 

Marco Grancelli e Luciano Gimenez Luna son dos cantaires e musicians argentins installats en País d'òc. Son especialistas del folclòr argentino que brequèt lor enfança. 
Los tres musicians se son encontrats dins la comunautat latino-americana de Tolosa e an decidit de mesclar lors tradicions musicalas e de crear "Enlaces" (ligams) dins una volontat de teissar de palancas entre los ritmes e los sons, las lengas e los mots, las danças e l'estransi. 

Sus scèna, tres cantaires enrodats de lors instruments acostics (guitarra, flaütas, cabretas, percussions) vos convidan per un viatge musical e poetic que torna crear ligams entra las doas ribas de l'ocean.  

Descobrir la craacion per d'extraits 
Vidèo Youtube Enlaces : AQUI

Guillaume Lopez - cant, flaütas, cornemusa
Marco Grancelli - cant, guitarra, percussion
Luciano Luna - percussions, cant
Alfonso Bravo - son 

Cie Guillaume Lopez : https://www.guillaume-lopez.fr

Tèl : +33 (0)6 22 44 19 97

Mèl : contact@lecamom.com