Lo Chant Végétal es una mesa en scèna, jos forma d'un recital poetic e musical, d'un recuèlh eponime de Marcèla Delpastre. Aqueste espectacle se sòmia coma un imne viu e poetic al regne vegetal e a son extraordinari riquesa biologica, sensibla e simbolica. 

S'inscriu dins una cèrca artistica a l'entorn d'un teatre coral, noirrit de poesia e de musicalitat. La nocion de "Choralitat" essenciala, significa en primièr luòc una coralitat de la paraula poetica. Es lo còr que pòrta lo tèxte, dins un trabalh de l'oralitat que permet d'esprovar la dimension musicala inerenta a tota poesia. 
Aquesta paraula es teissada amb los païsatges sonors e los ritmes que provenon d'un instrumentarium brut e vegetal, creat especificament pel projècte. 

L'espectacle constituís en una particion originala compausada per Juliette Kempf a partir del tèxte de Marcela Delpastre e de las possibilitats musicalas de l'instrumentarium. Un trabalh afinat de sonorizacion de las voses e dels instruments es realizat per Lucas Pizzini, musician e ingeniaire del son, qui acompanha tanben la practica musicala. Una scenografia vegetala es realizada en partida amb los actors-pacients per l'artista Esther Mirjam Griffioen. Enfin, una mesa en lum per Isabelle Ardouin sublima l'ensemble de la creacion.