Espectacle musical e contat
Tot public a partir de 8 ans

Dempuèi l'Edat Mejana, los aucèls e lor lengatge entran per una part non negligibla dins la poesia cantada occitana. Las poesias dels trobadors i fan referéncia de contun, coma es tanben lo cas dins las cançons de tradicion orala. Aquele ric patrimòni eissit dels collectatges realizats dempuèi 40 ans per l'associacion es estat sabentament articulat per propausar un viatge feeric dins l'univèrs dels aucèls. 
Los musicians de la Talvera vos embarcan per aqueste viatge dins lo monde meravilhós dels aucèls e de lors messatges amorós. Cançons, mimologismes, instruments, piulets, imitacions... se mèclan e s'entremèsclan dins un concèrt migratòri que vos menarà als quatre cantons d'Occitània. 

En fons de scèna, de fòtos de collectatge a l'entorn de la tematica dels aucèls e del siulet son projectadas. 

A l'entorn de la creacion
Descobrir la creacion en vidèo : AQUI

D’autras activitats pòdon èsser declinadas a l'entorn d'aqueste espectacle. 
Contes tradicionals occitans per Daniel Loddo e Guilhem Boucher (en espectacle o en passejada contada).
Talhièr de fabricacion d'instruments (1h30) : ne saber mai AQUI

6 artistas al platèu 

Daniel LODDO (autor-compositor) : diableton (acordeon diatonic), craba

Céline RICARD : pifre, cant

Fabrice ROUGIER : cacaròt e clarigòla, saxòfon

Aelis LODDO : cant, violon

Guilhem BOUCHER : cant, violon

Mathieu PHAURE : son

Amb la participacion de l'imitaire d'aucèls Bruno MERCAT

Aqueste concèrt serà tanben desvelopat en version « enfant », amb 4 musicians e un tecnician.

Contactatz-nos per tota demanda.