Explorar los documents (15384 total)
PRESENTACION
Chansons du troubadour GUIRAUT RIQUIER DE NARBONA (…1230 – 1292…), Doctor de trobar à la cour de Tolède ALFONSO X EL SABIO (1221-1284)
Guiraut Riquier (…1230-1292…)
« Guiraut Riquier es nascut a Narbona als alentorns de 1230 e i visquèt fins a 1270 de son mestièr de trobador a la cort de « l’onratz vescoms Narbones » Amalric IV.
Dins las 48 cançons que son notadas amb las melodias dins lo manuscrit medieval, Guiraut Riquier nos apareis coma un excellent compositor, abil e rafinat, qu'elèva l'art de la monodia al som de la virtuositat. Se n'èra el-meteis l'interprèta, se pòt pensar qu'aquel trobador de la fin del sègle XIII èra un cantaire virtuós.
Dins un trobar classic, compausa sos Verses, Cansos, Retroenchas, Albas… per una dòna nomenada Bel Depòrt, Plan Faita o Bèl Plaser ; per la Dòna dels Cèus o encara per la Vescomtessa Na Felipa D'Anduza. Mas Guiraut Riquier tròba pas de resson a son trobar de maèstria, art poetico-musical complèxe e finament elaborat de sabers e de coneissenças. Aquela polida manièra de trobar que son confraire d'Italia, Sordel de Goito, aviá ja abandonada, es pas mai presada en Lengadòc o en Provença, ont los nobles se son apaurits aprèp la crosada albigesa qu'a decimat Largueza e ricor. Las corts son pas aitant lusentas que pel passat e i a pas mai de plaça pels poètas-cantaires demest aqueles senhors a las manièras frustas importadas amb l'ocupacion dels crosats, ni demest aqueles clercs inquisitor, insensibles a l'art de trobar, e que pensan qu'a s'enriquesir pel pilhatge. Alara Guiraut Riquier s'arrèsta pas de testimoniar suls mors « avilits »de son temps e de denonciar aquel monde enfachilhat.
Lo trobador de Narbona prepara son exili. En 1270, aprèp la mòrt del vescomte, escriu sa primièra retroencha en l'onor dels Catalans en espèrant veire s'installar a la Cort del rei Jacme d'Aragon : Entre·ls catalans Valens / e las domnas avinens...
Mas es a la cort de Toleda, ont emigra, que va trobar un protector en la persona d'Alfonso X El Sabio, rei de Castilla e Leon. Guiraut Riquier sejornarà mai de dètz ans alprèp d'aquel rei sapient e benfactor, e defendrà son estatut de trobador e de doctor de trobar.
An aquela cort ont vivan de musicians nombroses, dansaires o batelaires, Guiraut Riquier propausa al rei, dins una suplicatio, un classament dels artistas en quatre categorias : les bufos (jonglaires amusaires), los joglas (instrumentistas e interprètas de trobar), los trobadors (los que troban motz e sos), e los doctors de trobar, los qu'escrivan vers perfièits, los racontes e las bèlas poesias didacticas, e que transmetan lor saber als gens de valor ; En l'an 1275, aquela declaracion auriá estada adoptada pel rei... o benlèu per Guiraut Riquier el meteis. Que se considerava coma lo digne eretièr dels trobadors famoses.
A la cort de Toleda, 420 cançons en galaïco-portugés, Gallego, son notadas e compiladas per formar un manuscrit enluminat bè representant nombre d'instrumentistas que lo rei dedicarà a la Santa Verge : Las Cantigas per la Santa Maria, un dels cançonièrs los mai importants d'Euròpa medievala ». Gerard Zuchetto, la Tròba, l’invention Lyrique des Tr., Éd. Tròba Vox 2017
EQUIPA ARTISTICA
Amb :
Sandra Hurtado-Ròs : cant, serpati
Mick André Rochard : vièla a ròda, oud, guiterne
Bertrand Bayle : guiterne
Laurence Fraisse : flaüta
Patrice Villaumé : tympanon, vièla tenor
Christophe Montet : percussions
FICHA TECNICA
De contactar lo difusor Trob'Art ProductionsCONTACTE DIFUSION
Troubadours Art EnsembleSite internet : https://www.art-troubadours.com/
Pagina de la creacion : https://www.art-troubadours.com/clamor/
Deroide, Véronique
Giustozzi, Francesco. Ill
Giustozzi, Francesco. Ill
Un poulit album de Véronique Deroide e Francesco Giustozzi que nous conto d’un biais forço pouetique l’alternanço dóu jour e de la nue e que responde eis enfant que volon saupre ce que fa Moussu Jour quouro es nue tant coumo ce que fa Dono Nue quand es jour.
Revirado dóu tèste dóu francés au prouvençau, grafio classico, assegurado pèr Mirèio Combe-Trinquier.
Revirado dóu tèste dóu francés au prouvençau, grafio classico, assegurado pèr Mirèio Combe-Trinquier.
Garnerin, Fabienne
Joan Ganhaire es plan lèu estat reconegut coma l'un dels autors màgers de la literatura occitana contemporanèa. S'exprimissent en dialècte lemosin, l'escrivan bastís un univèrs mi-real mi-imaginari, inspirat dels paisatges de Peirigòrd e d'Aquitània, que se percep primièr per las sensacions. D'òmes i cercan lor vertat. De cap a la mòrt possibla de contunh, de cap a la violéncia omnipresenta, de cap a lors pròpris defalhiments, ont trobar un pauc de reconfòrt ? Las religions son impotentas d'eradicar lo Mal. L'amistat fa pas desaparéisser lo sentiment de solitud. Lo sol secors demòra lo rire, un rire partejat dins lo qual cadun confèssa sas feblesas e reconeis en los autres son parièr. Rire, es s'esprovar amassa dins una comunautat gaujosa, es exorcizar lo Mal, es escapar a l'angoissa e retrobar sa libertat. Per sas nhòrlas, sos romans de capa e d'espasa, e sustot sas novèlas fantasticas e sos romans policièrs, Joan Ganhaire explòra l'arma umana amb totas las ressorsas que li ofrisson la lenga e la cultura occitanas.
Roch, Alan
Aqueste libre vos serà d'una granda utilitat quand passatz a taula o quand bevètz un còp per lançar una convèrsa, per vos mostrar aimable (o desagradiu...), per èsser trufarèl (sus un ton seriós), per alucar una disputa de las bèlas o just per dire quicòm... De mai, prendretz part atal a l'autentificacion populara d'aqueles dos milierats de formulas e obraretz per que los moments de manjar e de beure demòren de temps d'escambis, de paraulas, de sociabilitat e de convivialitat !
Fabien Bages
Hervé Robert
Hervé Robert
PRESENTACION
Se ditz que las mai bonas sopas se fan dins un vièlh topin !
Los contes e racontes de mon pairòl badinaire mitonan dempuèi lo temps que la vièlha Marta fialava la lana blanca.
Son d'istòrias plan relevadas, pebradas, aprestadas d'umor amb un bricon de filosofia. Se las cal tastar e congostar delicadament, coma un gòt de vin vièlh se parteja entre amics, dins la doça claror d'una nuèch d'estiu...
LOS ARTISTAS
Fabien Bages (contaire) - Paroles en chemins
Hervé Robert : sosten per l'occitan.
Hervé Robert : sosten per l'occitan.
FICHA TECNICA
Forma leugièra. Negre dins la sala de preferéncia.
CONTACTE DIFUSION
Fabien Bages
Site internet : http://fabienbagesconte.canalblog.com
Maryse SIBE
Yan COZIAN
Yan COZIAN
PRESENTACION
Un jogador de boha drin polòi e ua broisha en plea reconversion professionala dens un bergamàs de viatge musicau.
Entau plaser deus mainatges de 3 a 6 ans ... e de lors parents.
Desvelament Lausa Jòrgi Gròs, La Placeta Nimes - Tè Vé Òc
Gravier, Michel. Metteur en scène ou réalisateur
Emission del 2 de genièr de 2023
Desvelament Lausa Jòrgi Gròs, La Placeta Nimes
Lo 10 de decembre de 2022, au quartièr de la Placeta de Nimes, fuguèt desvelada una lausa en memòria de Jòrgi Gròs, escrivan, poèta, contaire e ensenhaire occitan nimesenc.
Un documentari de Miquèu Gravier.
[resumit de Tè Vé Òc]
Josiane Ubaud
PRESENTACION
Josiane Ubaud etnobotanista en domeni occitan, vos propausa una conferéncia dedicada als usatges domestics de las plantas.
Amb qué se fabricava d'escobas, dels panièrs, dels bastons, de las canas, dels piquets ? Amb qué s'empalhava las cadièras ? Se fasiá la vaissèla ? Quals usatges dels espinoses ? Quals vegetals, autres que comestibles, balhavan luòc a de culhidas ? Sens comptar los multiples emplecs de la cana de Provença (raquèt, carabena) e de la canavèra (sanha) en bassa plana. Tota la natura èra mesa a contribucion pels divèrses besonhs e amusaments de la vida vidanta. Fòrça realizacions familialas son passadas puèi a l'estadi de l'artisanat. Aqueles objèctes « naturals » tornan en fòrça dins nòstra societat alassada de l'estandard e del plastic.
Amb qué se fabricava d'escobas, dels panièrs, dels bastons, de las canas, dels piquets ? Amb qué s'empalhava las cadièras ? Se fasiá la vaissèla ? Quals usatges dels espinoses ? Quals vegetals, autres que comestibles, balhavan luòc a de culhidas ? Sens comptar los multiples emplecs de la cana de Provença (raquèt, carabena) e de la canavèra (sanha) en bassa plana. Tota la natura èra mesa a contribucion pels divèrses besonhs e amusaments de la vida vidanta. Fòrça realizacions familialas son passadas puèi a l'estadi de l'artisanat. Aqueles objèctes « naturals » tornan en fòrça dins nòstra societat alassada de l'estandard e del plastic.
FICHA TECNICA
Durada : una ora e mièja / doas oras.Cada conferéncia compta entre 60 e 110 fòtos numèricas.
Francés, occitan o bilingüe.
CONTACT DIFFUSION
Josiane UBAUD, etnobotanista en domeni occitan
34920 LO CRÈS
jb.ubaud@wanadoo.fr o jb.ubaud2@orange.fr per nos contactar
http://josiane-ubaud.com per veire nòstras publicacions e exposicions fòtos.
Josiane Ubaud
PRESENTACION
Josiane Ubaud etnobotanista en domeni occitan, vos propausa una segonda seleccion per d'autres usatges dels vegetals pertocant los animals… Qualas son las plantas preferidas de las abelhas, dels motons, dels pòrcs, de las cabras, dels aucèls ? Qualas plantas s'utilizava per sonhar las bèstias ? Cada pastor sabiá/sap qualas son las plantas bonas o marridas per sas bèstias.
En defòra de l'amorièr per los noirir, qualas plantas èran en usatge per l'educacion de las magnans ? Quala incidéncia d'aquelas consomacions animalas suls noms populars de las plantas ?
FICHA TECNICA
Durada : una ora e mièja / doas oras.Cada conferéncia compta entre 60 e 110 fòtos numèricas.
Francés, occitan o bilingüe.
CONTACT DIFFUSION
Josiane UBAUD, etnobotanista en domeni occitan
34920 LO CRÈS
jb.ubaud@wanadoo.fr o jb.ubaud2@orange.fr per nos contactar
http://josiane-ubaud.com per veire nòstras publicacions e exposicions fòtos.
Josiane Ubaud
PRESENTACION
Josiane Ubaud etnobotanista en domeni occitan, vos propausa una conferéncia a l'entorn d'una seleccion d'una centenat de plantas als usatges divèrs :
las plantas alimentariás
las plantas medicinalas
las plantas e la pèsca
las plantas tinctorialas
las plantas de la Sant Joan
l'òli de cade
las plantas e la caça
la recòlta de la resina
Es volontàriament que detalharem pas cada domeni, per qué desirèm mostrar la diversitat dels usatges (dempuèi los usatges privats fins als usatges industrials) e la riquesa dels rapòrts amb la natura.
FICHA TECNICA
Durada : una ora e mièja / doas oras.Cada conferéncia compta entre 60 e 110 fòtos numèricas.
Francés, occitan o bilingüe.
CONTACT DIFFUSION
Josiane UBAUD, etnobotanista en domeni occitan
34920 LO CRÈS
jb.ubaud@wanadoo.fr o jb.ubaud2@orange.fr per nos contactar
http://josiane-ubaud.com per veire nòstras publicacions e exposicions fòtos.