Explorar los documents (15390 total)
Ganhaire, Joan
Goya visquet a Bordeu e i es mòrt lo 17 d’abriu 1828. Es saboturat au cementeri de La Chartreuse dins lo caveu de son amic Goïcoechea. Quante, a la fin dau segle XIX, Anfós XIII ordona lo retorn dau còrs dau pintre en Espanha, una meschanta surpresa espera los fossejaires. Lo còrs de Goya a pus de testa...
Amorós de Goya e medecin, Joan Ganhaire prenguet grand plaser a escriure un scenario possible. Entre imaginacion e realitat, nos permena dos segles de temps dins l’òbra, la vita e la mòrt dau grand pintre, e dins la malediccion que sembla pejar a son òbra la mai negra.
Amorós de Goya e medecin, Joan Ganhaire prenguet grand plaser a escriure un scenario possible. Entre imaginacion e realitat, nos permena dos segles de temps dins l’òbra, la vita e la mòrt dau grand pintre, e dins la malediccion que sembla pejar a son òbra la mai negra.
Josiane Ubaud
PRESENTACION
Analisi de qualques giratòris lengadocians e provencals e de lor integracion o pas dins los paisatges :
* Los giratòris unicament paisatgièrs (los giratòris solament paysagers (estetica anglosaxona, clichat de sud, reconstitucion d'un biotòp, colleccion sens logica de vegetals, fetichizacion de l'olivièr vièlh, palmomania, etc.)
* Los giratòris a messatges : culturals, economics, politics, expressions del poder, megalomania, musèus de plen aire, etc.
Après un periòde pro catastrofic de mesas en scèna particularament mancadas, se dessenha pauc a cha pauc un novelum paysager racional, qu'intègra la diversitat de las formas, las colors mediterranèas ( e pas unicament lo blau-roge-jaune), la necessària restriccion d'aiga, e enfin l'admission dins los esperits que "sec" pòt rimar amb « polit » e « creatiu » !
S'agís de faire pensar a la necessària integracion paisatgièra d'aquels luòcs venguts tròp sovent l'expression d'un poder local, sens faire cas de l'environament, de l'estetica e de la simbolica de nòstres paisatges. E sola França a la mania dels giratòris !
Après un periòde pro catastrofic de mesas en scèna particularament mancadas, se dessenha pauc a cha pauc un novelum paysager racional, qu'intègra la diversitat de las formas, las colors mediterranèas ( e pas unicament lo blau-roge-jaune), la necessària restriccion d'aiga, e enfin l'admission dins los esperits que "sec" pòt rimar amb « polit » e « creatiu » !
S'agís de faire pensar a la necessària integracion paisatgièra d'aquels luòcs venguts tròp sovent l'expression d'un poder local, sens faire cas de l'environament, de l'estetica e de la simbolica de nòstres paisatges. E sola França a la mania dels giratòris !
FICHA TECNICA
Durada : conferéncia d'una ora e mièjaCada conferéncia compta entre 60 e 110 fòtos numèricas.
Francés, occitan o bilingüe.
CONTACT DIFFUSION
Josiane UBAUD, etnobotanista en domeni occitan
34920 LO CRÈS
jb.ubaud@wanadoo.fr o jb.ubaud2@orange.fr per nos contactar
http://josiane-ubaud.com per veire nòstras publicacions e exposicions fòtos.
Josiane Ubaud
PRESENTACION
Son totjorn las meteissas espècias d'arbres que venan signar las arquitecturas del miègjorn (ostals borgeses, bòrias, ostals de vinha, portals, tombas, ....). D'unas son pas aquí que per atestar d'un reng social, d'autres an una foncion sacrada antica. Noms occitans e rampèls dels simbolics grècas e latinas, citacions d'autors occitans. Aquela analisi a balhat luòc a un obratge, Dels Arbres e dels Òmes (Edisud, 1997, agotat ; reedicion 2017)
Per la riquesa del subjècte, aquela conferéncia necessita d'èsser partejada en doas partidas de 1h30.
Per la riquesa del subjècte, aquela conferéncia necessita d'èsser partejada en doas partidas de 1h30.
1èra partida - * Los marcaires socials : cèdre e palmièr
* Los marcaires culturals sacrats : ciprès, micocolièr, laurièr, olivièr
2nda partida - * Los marcaires d'usatge : platana, marronièr, telh, amorièr, olm, sofòra,…
* Los marcaires de convivialitat e noiriguièr de proximitat : ametlièr, figuièr, ginjorlièr, trelha
* Los marcaires d'embelinament : glicina, rosièr banks, vinha verge, bignone, polygonum
* las sègas mineralizadas de las zònas residencialas
Autrat possibilitat, una version resumida de las doas conferéncias.
FICHA TECNICA
Durada : dos conferéncias d'una ora e mièja / o una conferéncia que condensa las doas.Cada conferéncia compta entre 60 e 110 fòtos numèricas.
Francés, occitan o bilingüe.
CONTACT DIFFUSION
Josiane UBAUD, etnobotanista en domeni occitan
34920 LO CRÈS
jb.ubaud@wanadoo.fr o jb.ubaud2@orange.fr per nos contactar
http://josiane-ubaud.com per veire nòstras publicacions e exposicions fòtos.
Au Païs de las cantas
Castéret, Jean-Jacques (1970-....)
Guida realizat per l'Institut occitan entà presentar la tradicion polifonica e balhar claus de transmission.
Banda Sagana a la Fèria de Carcassonna - Tè Vé Òc
Gros, Lise. Metteur en scène ou réalisateur
Emission del 2 de setembre de 2024
A la Fèria de Carcassona lo grop occitan Banda Sagana es vengut faire una animacion de carrièra ben precejada per lo public. Lo seguissem a travèrs lo centre de la Bastida. La musica occitana raja e lei gens dau quartièr Trivala cantan amb lo grop !
Un reportatge de Lise Gròs
[résumé : Tè Vé Òc]
Alibert, Laurenç
Lo recuelh qu'amassa la màger part deus poèmas escriuts per Laurent Alibert enter 2003 e 2020. De genres hòrt divèrs, aquestes que tròban la lor hont dens l'experiéncia de la vita e deus soviéners de l'autor e tanben dens la musica e la lectura d'òbras literàrias de l'Edat Mejana dinc a uei. Eric Fraj, qui prefàcia l'obratge, que relata atau la soa experiéncia de lectura : "me parlava una votz prigondament umana, terriblament umana, una votz-monda."
Tauriac, Pèire
Pierre Tauriac, paysan retraité, est né en 1951 à Broquiès et a vécu toute sa vie au Périé, sur cette même commune. L’occitan fut sa première langue, mais elle s’est longtemps effacée devant le français. La voici de retour. Ce livre a une clé, ami lecteur je te la donne : « La Terre n’est pas à nous, c’est nous qui sommes à la Terre. » Ses personnages, Occitans et Quechuas, portent ce message chacun à leur façon. Si toi, lecteur, tu le reçois, son écriture n’aura pas été vaine.
Un viatge entre Avairon e America del Sud contat dins una lenga saborosa.
Un viatge entre Avairon e America del Sud contat dins una lenga saborosa.
Lo DVD Mondas de Bohas qu'a vocacion a presentar e valorizar la boha, la boha de Gasconha. Filmat au hestau Lo Son continú d'Ars en 2018, que's ved se succedir sus la scèna deus sonaires, sols o acompanhats de cantaires, jogadors de tamborins e autes bramotopins,, acordeonistas e violonaires. Lo concèrt que mescla los jogadors de mantua generacion e apròchis entà desenrotlar l'istòria estetica de la boha, despuish lo periòde fòlc a la renavida trad d'uei dens la desmarcha ecumenica prepausada per Jacques Baudoin. Lo liberet d'acompanhament que presenta la desmarcha de las Bohaires de Gasconha e las honts utilizadas : las referéncias deus collectatges o de las particions que son indicadas entà cadun deus 22 tròç interpretats.
Los Sauts qu'ei ua familha de danças emblematica qui Bearn partatja dab los sons vesins bascos. Iniciaument practicada peus òmis dispausats en cercle e evoluant dens lo sens invèrse de las agulhas d'ua mòstra, aquera dança aus encadenaments motors complèxes que's distingueish d'un aute costat peus sons contèxtes de proessa a hòrta dimension cérémonielle o de representacion de la comunautat.
Si la tradicion deus Sauts a pas coneishut d'interrupcion irreversibla en Bearn, la soa transmission despuish las annadas 1980 e la soa practica contemporanèa dens “la societat deus lésers” qu'interrògan necessàriament tà çò deus sons fondamentaus e au son aviéner.
Dens l'encastre deu son programa d'Etnopòle, lo CIRDÒC - Institut occitan de cultura e los Menestrèrs Gascons que'vs convidan a'n debàter pendent un Cafè Etno, a l'entorn de grans testimònis de la practica e de la transmission deus sauts.
Dab la participacion de Marie-Claude Hourdebaigt (musiciana, collectora e formatora ne dança), Jean-Loup Fricker (elejut, musician e collector), Jean-Claude Arrosères (musician e danseur, formator e collector), Matiu Dufau (ensenhant de musicas tradicionaus) e Joan-Frances Tisner (compositor e musician).
La discussion que serà seguida d'ua serada cantèra au cafè-libreria Aqueras Montanhas !
Si la tradicion deus Sauts a pas coneishut d'interrupcion irreversibla en Bearn, la soa transmission despuish las annadas 1980 e la soa practica contemporanèa dens “la societat deus lésers” qu'interrògan necessàriament tà çò deus sons fondamentaus e au son aviéner.
Dens l'encastre deu son programa d'Etnopòle, lo CIRDÒC - Institut occitan de cultura e los Menestrèrs Gascons que'vs convidan a'n debàter pendent un Cafè Etno, a l'entorn de grans testimònis de la practica e de la transmission deus sauts.
Dab la participacion de Marie-Claude Hourdebaigt (musiciana, collectora e formatora ne dança), Jean-Loup Fricker (elejut, musician e collector), Jean-Claude Arrosères (musician e danseur, formator e collector), Matiu Dufau (ensenhant de musicas tradicionaus) e Joan-Frances Tisner (compositor e musician).
La discussion que serà seguida d'ua serada cantèra au cafè-libreria Aqueras Montanhas !
CIRDOC - Institut occitan de cultura
Lo CIRDÒC - Institut occitan de cultura : sosten a la creacion en occitan
Lo CIRDÒC - Institut occitan de cultura a per mission la salvagarda, la coneissença e la promocion de la cultura occitana. La creacion artistica representa un vector important que contribuís directament als programas d'accion del CIRDÒC - Institut occitan de cultura en matèria de valorizacion e de desvolopament cultural, en particulièr dins lo cas de projèctes : - qu'òbran al renovèlament de las coneissenças e dels agaches portats sus las òbras e documents que constituísson las colleccions del Centre ; - que participan a la valorizacion de las colleccions e mai largament del patrimòni cultural occitan vèrs de publics novèls en França e a l'internacional ; - que constituísson d'accions de transmission de las expressions, practicas e saber-far que relèvan del patrimòni cultural immaterial occitan ; - que participan al renovèlament e a l'enriquiment de las expressions culturalas e intellectualas occitanas, de las capacitats de la lenga occitana e de sos usatgièrs (artistas, practicians, participants e publics) a exprimir una concepcion a l'encòp originala e universala del monde contemporanèu. L’acuèlh d'una residéncia artistica al CIRDÒC - Institut occitan de cultura es concebuda coma un acte de cooperacion entre l'establiment, sas equipas e los artistas e intervenents aculhits. Son organizacion deu visar a l'escambi e al partatge d'informacions, de competéncias e de coneissenças.
Candidats
An accès a la presenta crida a projècte :
- tot artista o gropa d'artistas occitanofònes o pas, dins la mesura ont lo projècte artistica pòrta sus l'occitan lenga e/o cultura ;
- tot projècte de residéncia de recèrca o d'escritura. Seràn pas pres en compta los projèctes artistics de mesa en espaci o en lum, que los espacis restrents del CIRDÒC - Institut occitan de cultura sauprián pas respóner als besonhs.
de projèctes que propausan una vision innovanta e actuala de la lenga e de la cultura occitanas, propausan notadament lo rencontre amb d'autras culturas, l'adaptacion e la transmission del patrimòni cultural occitan e/o l'usatge dels mòdes d'expressions inedits.
Objècte de la residéncia :
Projèctes de creacion liuras - lo.a.s artistas seràn menat.da.s a propausar la creacion de lor causida, sens tematica impausada.
Condicions d'acuèlhs e engatjaments respectius :
L'albergament, los desplaçaments e fraisses de bocas sols son preses en carga per l'establiment dins lo quadre de sos acuèlhs en residéncia, segon las modalitats precisadas dins lo document partejat çai contra, e per una envolopa totala als alentorns de 1200 èuros TTC (carta d'acuèlh de las residéncias ) : AICÍ
Los salaris e/o retribucions demòran a la sola carga de l'equipa artistica.
Dobèrtura de las candidaturas per l'acuèlh de residéncia de creacion - Primièr semèstre de 2025
Dorsièr de candidatura :
Per cadun lo.a.s artistas deuràn propausar un dorsièr que comprendrà :
- Presentacion del projècte artistic jos la forma d'una nòta d'intencion :
- forma, objectius, contenguts e collaboracions,
- modalitat de relacions entre lo projècte e los publics
- enjòcs e rasons de sa tenguda al CIRDÒC – Institut occitan de cultura
- Presentacion e percors de la companhiá / tropa / artista e de sas precendentas creacions
- Corta presentacion tecnica del projècte e elements tecnics desirats
- Budgèt previsional detalhat, qu'inclurà d'eventuals co-finançaments (recebuts e en cors)
- Proposicion de datas de residéncia (dins lo periòde determinat) e luòc d'acuèlh sollicitat : site de Besièrs o site de Pau. Se s'escai, los artistas precisaràn se son dobèrts a l'acuèlh sus un o l'autre dels dos sites sens preferéncias logistica o documentara ;
- Detalh dels artistas associats e qualques linhas de CV,
- Lista dels difusaires potencials e qu'an mostrat un interès per la creacion
- Detalh de las despensas envisatjadas dins lo quadre de la residéncia jos la forma d'un devis.
Mandadís de la candidatura :
Mandadís del dorsièr complèt per mèl a l'adreça : info@oc-cultura.eu del 1èr al 31 d'octòbre de 2024.
Entresenhas : info@oc-cultura.eu / 04.67.11.85.10.
Prene coneissença de la carta d'acuèlh de las residéncias artistica dins son integralitat : AQUI