Explorar los documents (15418 total)

Contributeur : CIRDOC - Institut occitan de cultura

La montada de las vacas : découvrir la transhumance

Parc naturel régional de l'Aubrac
CIRDOC-Institut occitan de cultura

Sandra Juan, CIRDOC - Institut occitan de cultura

Tornar trobar lo passapòrt : https://www.toulouse.fr/web/cultures/passeport-pour-l-art

PRESENTACION :

Lo Passapòrt per l'Art ofrís als enfants un percors artistic e cultural que contribuíß a lor formacion artistica e a lor accès a la conéissença.

La Vila de Tolosa met en òbra aquel dispositiu d'Educacion Artistica e Culturala per favorizar l'accès a las arts e a la cultura, dins la diversitat de las disciplinas e de las practicas.

Organizat sul temps escolar, lo Passapòrt per l'Art s'apuja sus un partenariat construit entre la Vila de Tolosa e l'Educacion nacionala e a per objectiu de favorizar l'accès a la cultura dels joves tolosencs, per la mesa a disposicion cada an d'un percors de descobèrta o de practica d'una activitat artistica e culturala. Aqueles percorses s'adreçan exclusivament als escolans de las classas de la Granda seccion de l'escòla Mairala als CM2 de las escòlas publicas de la vila de Tolosa.

CANDIDATAR :

Podètz despausar la vòstra candidatura fins al diluns 21 de febrièr de 2022, 12h a l'adreça seguenta : passeportpourlart@mairie-toulouse.fr

Entresenhas > contacte per telefòn al 05 62 27 43 22.

CIRDOC - Institut occitan de cultura

Aquí es vengut lo temps de la metamorfòsi, lo del grand bolegadís. Aital s’acaban las nòstras certituds, descubrissèm un monde ont se petaçan l’eveniment e l’inatendut per butar en avant las frontièras del concebable. Sabèm pas se nos demòra un dedins e un defòra, un envèrs e un endreit, un òrdre e un caòs, un futur que siague pas un present repapiant. Pasmens, los artistas perseguisson lor òbra, l’autor d’escriure, la cantaira de compausar, lo contaire de dire. Alara cal pas creire que dins lo revolum actual del monde se fargue pas, de per en dejós, una paraula novèla. E se nos sembla de còps que las parets de la necessitat se rapròchen dangierosament de nosautres, nos demòran la lectura, l’escota e las experiéncias sensitivas de totas menas per nos en desliurar. Las sorsas de meravilhament son inagotablas e la nòstra cultura ne manca pas, aqueste numerò de Tè ! ne fa encara la demonstracion. Que, païses de Carnaval e del borlesc, sabèm qu’una vitalitat prigonda, creativa e poderosa se manifesta dins los marges e contribuís al novelum. La prima apròcha !

Qu’es aquò, Tè! ?

Al fial de las paginas, classadas per grandas tematicas mas que los contenguts dialògan entre els d'un domeni a l'autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion...), mas tanben quand se fa lo miralh de la granda diversitat de l'expression occitana dins totas sas formas dialectalas, del provençal al gascon en passent pel lengadocian.

« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d'artistas inedits, tot en demorant al mai pròche de l'actualitat.

Per fin de vos ajudar dins las vòstras causidas d'aquisicion e de programacion, aquelas presentacions seràn acompanhadas d'informacions tecnicas e de pictogramas que lo detalh es presentat sus la primièra pagina del catalòg. Caduna d'entre ela remanda tanben, a una presentacion en linha, al còr del portal de la creacion occitana actuala : fabrica.occitanica.eu, per una presentacion detalhat (e bilingüa).

E, plan segur, esitètz pas a sollicitar las equipas del CIRDÒC - Institut occitan de cultura per vos acompanhar dins las vòstras cèrcas, las vòstras presas de contacte, o per beneficiar dels servicis e otisses propausats dins lo quadre de l'ofèrta a las collectivitats (detalh en pagina 27 del catalòg).

Consultar lo primièr numèro del catalòg Tè! en linha : AQUI

Bona lectura e bona immersion !