fabrica

Basa : Tota la creacion occitana
Licéncia Licence Ouverte
Liza

Liza

Domaine d'activité : Chanteur
Genre : Chanson
Secteur : Musique
Aire culturelle : Provence
Occitan : Moitié-Moitié
Support : Spectacle vivant
Membres : Liza : Chant
Patrick Cascino : Piano
Charly Thomas : Contrebasse
Luca Scalambrino : Batterie
Ligams



D’origina anglo-danesa e provençala, Liza banha tre l'enfància dins una vida vidanta que s’escriu dins mantuna lenga.

Vidanta e trepidanta tanben, a l’entorn dels balètis animats per sos parents, dels primièrs acòrds de piano e d’un gost per la musica que s’es revelat d’ora. Son piano, jamai la quitarà pas, pasmens Liza viatja fòrça : en Itàlia, en Anglatèrra, al Marròc... abans de tornar dins sa Provença natala. Totjorn compausant, totjorn cantant coma un aucèl de prima, n’arriba a ganhar lo Prèmi del Public a l’Eurovision de las lengas minoritàrias en Suècia (Liet Lavlut International), una distincion que la farà reconéisser e li permetrà de presentar, amb son estrambòrd natural, una emission de television en provençal.

Leugièra, subrevòla los païses e las lengas, en tot sautejar de l’una a l’autra coma tant de brancas ont se repausar.

Tala una trobairitz d’ara, se carra de cantar l’amor, qu’el tanpauc coneis pas de frontièras, d’una votz cauda e enfachilhanta. Un ambient jazzy, doç, calorós e intimista se bastís a l’entorn de son Babèl musical, que balha l’impression agradiva que Liza s’adreça pas qu’a nos, e sonque a nos, coma se nos marmolhava sas baladas ensolelhadas al trauc de l'aurelha.

Creacions


<iframe width="560" height="315" src="https://www.youtube.com/embed/f91a2wylyrA" frameborder="0" allowfullscreen></iframe>

Contactez nous a propos de cette page