fabrica

Basa : Tota la creacion occitana
Licéncia Licence Ouverte
Christian Philibert

Christian Philibert

Domaine d'activité : Réalisateur
Genre : Documentaire Fiction Spectacle d'humour
Secteur : Audiovisuel
Aire culturelle : Provence
Occitan : Un peu
Support : Spectacle vivant
Date : 1991
Fait partie de : Les Films d'Espigoule
Ligams




Christian Philibert es naissut en 1965 a Brinhòlas dins Var. Es a 20 ans que decida de venir cineasta. Realiza donc mai d'un cort-metratge que seràn recompensats dins de festenaus. Remarcat per Canal+, realiza son promièr lòng-metratge Les 4 saisons d’Espigoule, rodat dins son vilatge de naissença, que sòrt sus lei telas francesas en 1999. Plebiscita per una critica quasi-unanima, lo filom recamparà mai de 100 000 espectators en salas e serà premiat dins mai d'un festenau internacionau (Marselha, Manheim, Namur, Belfòrt). Aquesta comèdia documentària, a la frontièra dau reau e de la ficcion, es venguda puèi un filme culte.

Refusant de s’exilar a París per perseguir sa carrièra, crèa en 2002 sa societat de produccion, Les Films d’Espigoule. La mema annada, realiza son segond lòng-metratge, Travail d’Arabe, una comèdia sociala en forma de oestèrn modèrn, sortida en 2003. Seleccionat au festenau de San Sebastian, prèmi de la melhora promièra òbra de ficcion au festenau de Namur, lo film es difusat sus Canal+ e sus Arte.

En 2013, il produís e realiza Afrik’aïoli. Aquela seguida africana e burlesca dei 4 saisons d’Espigoule es un vertadièr feel-good movie que cònta leis aventuras de dos provençaus en viatge au Senegau.

Apassionat d'Istòria, es tanben l'autor de nombrós documentaris : Gaspard de Besse (1993), 1851, ils se levèrent pour la République (2000), Français à part entière (2001), Le complexe du santon (2005), Provence, août 1944, l’autre débarquement (2014), L’affaire Yann Piat (en preparacion).

Christian Philibert bastís film après film un univèrs barròc e umanista, emprent a l'encòp de referéncias au cinèma provençau e d'una estonanta modernitat. Aquela òbra originala e militanta jòga un ròtle de promièr plan dins l'emergéncia d'un vertadièr cinèma dau Miègjorn.

FILMOGRAFIA

Corts, mejans metratges e documentaris

  • 1993 : Gaspard de Besse
  • 1995 : La Revanche de M. Seguin
  • 2000 : 1851, ils se levèrent pour la République
  • 2001 : Français à part entière
  • 2005 : Le Complexe du santon
  • 2014 : Provence août 1944, l’autre débarquement
  • 2017 : L’affaire Yann Piat (en preparacion)

Lòngs metratges

  • 1999 : Les 4 saisons d’Espigoule
  • 2003 : Travail d’arabe
  • 2013 : Afrik’aïoli
  • 2016 : Massilia Sound System, Le Film
  • 2018 : Pizzaïolo (en escritura)

 







Contactez nous a propos de cette page