A l'escasença de l'edicion de 2019 del festenal regional de las lengas e culturas occitanas e catalanas, la Region Occitània a decidit de lançar una crida a candidaturas per l'organizacion del Final Total Festum.
CRITÈRIS DE LA CRIDA
Lo projècte de Final deurà respectar los critèris seguents :
- Organizacion de l'eveniment sus una jornada (2 jorns maximum), la dimenjada del 6 de julhet ;
- lo projècte presentat deu metre en valor las lengas e culturas regionalas sens penalizar la compreneson del public grand,
- deu metre en evidéncia un vertadièr partenariat entre la comuna, las associacions e/o los comèrcis locals ;
- deu faire apèl a divèrs domenis del Patrimòni Cultural Immaterial, que las tradicions e expressions oralas (i compres la lenga coma vector del patrimòni cultural immaterial), las arts de l'espectacle, los rituals e eveniments festius, las practicas que concernisson la natura, etc...
- deu comportar una dimension festiva dins sa programacion ;
- la Region Occitània / Pirenèus-Mediterranèa pren en carga la publicacion d'un document de comunicacion que presenta las manifestacions organizadas dins lo quadre de Total Festum tan coma las bandairòlas, d'unes panèls de senhalizacion temporaris e eventualament, d'autres otisses de comunicacion. Los candidats s'engatjan, de lor costat, a promòure l'eveniment sul territòri concernit e a l'entorn.
CANDIDATAR
Las associacions e collectivitats que desiran portar aquel eveniment pòdon adreçar lor candidatura a la
Region (languesregionales@laregion.fr) abans lo 20/01/2019, mercés al dorsièr prepausat
çai-junt. Una subvencion de 20000 euros serà versat per la Region Occitània a l'estructura que serà retenguda per l'organizacion del Final. Per l'escasença, totas las candidaturas seràn prepausadas a la votacion dels ciutadans de la Region Occitània pel biais d'una plataforma participativa entre lo 1èr e lo 15 de febrièr.
ENTRESENHAS
Direction de la Culture et du Patrimoine Site de Montpellier
Tel. 04 67 22 81 11 / 04 34 35 77 26 / 04 67 22 93 10
Fax : 04 67 22 90 98
Mail :
languesregionales@laregion.fr
