« Las istòrias que conti, legendas, mites e contes, son eissidas del repertòri tradicional. Aqueles racontes son nascuts dins de societats ruralas faiçonadas pels quatre elements e per lor environament pròche que siá mineral, vegetal e animal. Aquel rapòrt incontornable a la natura a aital noirrit aqueles racontes. Uèi, l'Òme es immergit dins un monde que lo copa d'aquela experiéncia. Pertant, los racontes tradicionals pòrtan aquela memòria ont l'òme viviá en relacion estreita amb la natura.
La literatura orala a un ròtle a jogar dins teissatge de ligams entre l'Òme e la Natura. Contar, es compausar los imatges d'una istòria dabans sos uèlhs, per mièlh los revelar a son auditòri que caminarà a son torn dins son imaginari pròpri. Aquela composicion orala se fa a travèrs dels cinc sens, çò que permet al public de viure una experiéncia poetica e sensitiva. »
FICHA TECNICA
Tot public : a partir de 10 ans, a partir de 8 ans, Adulte, fòrça jove public
Durada : 1 h + durada de la passejada
Al travèrs de l’imaginari, las passejadas contadas permetan al public :
- de descobrir e/o tornar descobrir luòcs,
- d’obrir de pòrtas per viure la natura e non pas la conceptualizar,
- d’inscriure son caminament pròri dins de racontes ancians,
- de nosar de ligam intimes amb la natura,
- de pausar un agach sensible sus l'environament,
- de s’apropriar autrament un luòc, un paisatge, un patrimòni bastit,
- de s’interrogar sus nòstra plaça dins la natura e la plaça que desiram daissar a la natura.
Las passejadas contadas son adaptablas, que que siá lo territòri. Çaquelà, cada projècte demanda un temps de preparacion, de cèrca, de reperatge, de rencontre amb d'eventuals partenaris per fin de prene en compta l'environament natural, lo patrimòni bastit e la dimension umana.
06.82.19.66.38
lesfeesduazart@gmail.com
www.lesfeesduazart.com
