Explorar los documents (15571 total)

La prima sembla en fin espelir e amb ela, lo CIRDOC torna suls camins al rencontre dels publics. Lo grand festenal maritim d’Escala a Sèta dobrirà lo bal lèu seguit de la Passem. L’establiment acompanharà la granda corsa navigant entre regions Novèla Aquitània e Occitània, menant pel primièr còp sus aquelas rotas, lo camion Escotar Parlar (dispositiu Cité des Langues / DGLFLF). 

Dos bels temps de rencontre amb los publics, notadament joinesa, que seràn completats per rendètz-vos culturals e artistics. CinèÒc, Cont’o’folies, exposicions… d’eveniments permetent de valorizar la creacion actuala en lenga nòstra. Una prima tanben marcada per d’unes projèctes estructurants, portats per l’establiment o amb son concors. Formacions, assisas culturalas, projèctes europèus… lo CIRDOC - Institut occitan de cultura perseguís de portar sa contribucion per tirar la rega de las practicas futuras.

Libe-revista qui prepausa articles en occitan sus las granas questions actuaus. E aquò, dens la pluralitat lingüistica e disciplinària (filosofia, arts, sciéncias sociaus, sciéncias duras…). Aqueste numèro 4 qu'ei consacrat a las sciéncias: çò que son las sciéncias e la lor evolucion pendent los sègles, com se hargan las coneishenças dens diferentas disciplinas com las matematicas o l'arqueologia, com se'us pòt manipular, e presenta quauquas pistas sus la lor plaça doman. E tostemps dens ua volontat spinozista: “Ni ríder, ni plorar, [mes] compréner”.

Tant s’empòrta... la Tramontana es un roman jos fòrma de scenari escrit per una saga televisada. Los autors ne son dos joves inscrits en master a l’universitat d’Ais de Provença, Angèla e Frederic, amics despuèi la terminala. Lor passa pel cap d’escriure un scenari que de societats de television generalista poirián crompar... mas lor creatura lor escapa lèu : la saga qu’an imaginada genre FR3 vira a la cacofonia deliranta e satirica.

L’arqueta del divenc Marqués es un roman d’intriga policièra, que la trama n’es la descobèrta supausada, dins los darrièrs meses del sègle XX, d’un manuscrit desconegut del marqués de Sade, escrit en occitan provençal. Aquò engendra controvèrsias e intrigas dins los mitans universitaris, sustot occitans, aital coma compòrtaments incontrolables de societats secretas e la preocupation dels poders politics. Aquel roman d’ambient gotic es l’escasença d’un questionament sus l’influéncia de la literatura. 

País negat es l’istòria de Simian, un jovent nascut en Aubrac e que torna de la guèrra d’Argeria. S’i mesclan los sieus remembres d’enfança, çò que visquèt pendent la guèrra e un projècte de barratge que va negar lo país.

Viatges es un recuèlh de racontes inspirats per las peregrinacions de l’autor en Russia e en Irlanda. Es lo recuèlh que ven completar en trilogia los dos primièrs publicats a l’IEO-IDECO : Champeiradas (2005) e Ciutats (2008).

Marieta e Joantòt que viven dab los pairs dens ua bòrda de la campanha landesa. Un matin, que s'aperceben que l'Aucòta, la lor petita auca, qu'a desapareishut. Lavetz que decideishen de la cercar e qu'ei un Guiva-roi, l'ausèth qui sap tot deus dias e de las nueits, qui'us va guidar peu país misteriós de la Lenga perduda. Com dens los contes mei bons, lo temps que'us ei comptat e las espròvas hèra nombrosas. Los dus eròis que van muishar coratge e intelligéncia entà tornar trobar la lor lenga e atau sauvar la lor amiga.

Avignonnaise, Henriette Dibon fut comptable, journaliste, et, enfin, archiviste au Palais du Roure. Proche du marquis de Baroncelli et de Joseph d’Arbaud, c’est une voix essentielle de la littérature provençale du vingtième siècle. Si elle reçut le Prix Mistral en 1952 pour son roman Ratis, elle entra très jeune en poésie, et l’écriture l’a accompagnée tout au long de sa vie. Exprimant une inlassable quête de liberté dans l’attrait pour les étendues sauvages de Camargue, les montagnes du Valais ou dans ses élans vers l’ailleurs, ses poèmes sont surtout une méditation sensible sur l’existence.

Édition établie par Estelle Ceccarini