Eurorégion Pyrénées-Méditerranée
Parlas occitan sus los malhums socials ? Participa al concors de l'Euroregion Pirenèus-Mediterranèa e empòrta l'un dels prèmis meses en jòc.
Concors d’influençador.a.s en occitan
L’Euroregion Pirenèus-Mediterranèa, que reünís la Region Occitània, Catalonha e las Iles Balearas, desira recompensar las iniciativas de joves que participan a renforçar la preséncia de l’occitan sus los malhums socials. S’es lo cas dels contenguts que publicas, esites pas emplenar lo formulari de candidatura ! Tres categorias son prepausadas : individual, collectiu e entitat, amb de prèmis de 400€ a 1200€ !
Objectius
Valorizar l’usatge de la lenga occitana dins tots los sectors de la societat ;
Encoratjar las iniciativas de la joenessa que favorizan l’utilizacion de la lenga occitana en direccion dels joves sus Internet ;
Far participar los joves, subretot dins lo contèxt de l’Annada europèa de la Joenessa ;
Motivar los escambis lingüistics e culturals entre las regions ;
Sosténer los joves que crèan o presentan de contenguts de tota tematica suls malhums socials en occitan.
Qui pòt participar ?
Podon participar al concours tots los joves :
- de 14 a 30 ans (personas individualas, grops informals o entitats) ;
- qu’animan de perfil/cadena/fials suls malhums socials a l’entorn de la lenga occitana ;
- en ligam amb lo territòri d’Euroregion Pirenèus-Mediterranèa (Occitània, Catalonha, Iles Balearas).
Critèris de seleccion
Los critèris de seleccion son (detalh de tornar trobar dins las basas del concors) :
- Valor euroregionala
- Qualitat lingüistica
- Inclusion sociala e diversitat culturala
- Impacte (Capacitat a atraire publics)
- Originalitat de la proposicion
- Accessibilitat
- Pluridisciplinaritat
Categorias e prèmis
I a doas categorias :
- Categoria catalan
- Categoria occitan
Per caduna d'aquelas categorias (catalan o occitan), doas linhas permeton de participar segon son escalon d'atge :
Linha 1 : de 14 a 18 ans
Linha 2 : de 19 a 30 ans
Cada linha comprendra divèrsas iniciativas (a títol individual, collectiu o portadas per un organisma) que lo detalh es de tornar trobar dins las Basas del concors en telecargament aicí-après.
Calendièr
Dubertura del concors : 29 de setembre de 2023 al 8 de genièr de 2024 per la linha 2 (19-30 ans), e fins al 12 de març de 2024 per la linha 1 (14-18 ans).
Recepcion e tractament de las candidaturas : del 18 al 28 de novembre de 2022
Avaloracion dels projèctes : del 28 de novembre al 9 de decembre de 2022
Publicacion dels resultats : del 16 al 20 de genièr de 2023
Remesa dels prèmis : 23 de febrièr de 2023
Cossí participar ?
Completar lo formulari en linha
aquí (en francés o en occitan) :
Adjuntar la letra d’engatjament e, eventualament, l’autorizacion pels menors ;
Enviar los documents a corrièr@euroregio-epm.eu ;
Completar lo formulàri çai jos s’avètz besonh d’ajuda !
INFORMACIONS PRACTICAS E DOCUMENTS DE TELECARGAR
Formulaire de participation (
CAT/
OCC/
FR)
Lettre d’engagement (
CAT /
FR)
Autorisation mineurs (
CAT /
FR)