Originari d'una familha auvernhata, Michel Esbelin nasquet a Parí en 1961. Descubra la musica tradicionala a la fin de las annadas 70 emb lo folk revivial. Comença emb l'espineta de las Vòjas, lo violon e la sonsaina. Se perfecciona aupres de musicians parisencs dau folk-club Le Bourdon. Atirat per lo repertòri d'Auvernha, entrepren en 1982 l'estudi de la cabreta emb daus especialistas coma Pierre Ladonne e Jean Bona. En 1983, ganha la medlha d'aur au concors nacionau de cabreta a París. A la mesma epòca, rejunh lo grope daus Musiciens Routiniers, una associacion especializada dins lo collectatge e la rechercha d'enregistraments istorics. Collabora emb Daniel Denécheau, los fraires Désaunay, Jean-François Vrod, Marc Anthony. Entre diferentas òbras de collectatge coma
L’accordéon en Auvergne publicat en 1995 e, recentament,
Violons du Cézallier, enregistrements inedichs d’Alexandre Savignat e d’Antonin Pécoil en 1946, participa a daus projects musicaus variats dins los quaus
Paris-Musette emb lo guitarrista Didier Roussin. En 1996 enregistra emb l'acordeonista Didier Pauvert
Quand on fait le même chemin. Emb l'arribada de Patrick Désaunay au dintre dau duò, crean Les costauds de la Lune, triò que juguet per mai d'un festenau frances, european e canadian, publiquet en 2002 son prumier CD.
Font : http://lafeuilleamta.fr/2013/06/duo-pauvertesbelin/
