Un raconte epic musical de Gerard Zuchetto pel Troubadours Art Ensemble en occitan,catalan, latin et français en partenariat amb lo 19en Festenal Los trobadors cantan l’art romanic en Occitània 2024.

Als sègles XII e XIII, la cort dels comtes Raimon de Tolosa èra en efervescéncia d'idèas, d'escrits e de cants : trobadors, Cançon de la "Crosada Albigesa", Bolgres, Catars... e Folquet de Marselha, trobador vengut evesque-inquisitor...
Lo destin del trobar e de la cultura occitana s'i joguèt sul plan politic... e poetic. Ne testimònian los biografs e los istoriografs, e las cançons de Peire Vidal, Aimeric de Peguilham, e las cançons de Peire Vidal, Aimeric de Peguilhan, Raimon de Miraval, Peire Cardenal, Guilhem Figueira, Guilhem de Tudela e l’autor anonim de la Canso de la Crozada, qu'espèran « retrobar la Joía qu'an perduda ».

Lo poèta-musician Folquet de Marselha, costèja los trobadors partisans del comte Raimon, totes dobèrtament contre la Crosada albigesa. La Canso de la Crozada, fa estat del testimoniatge del comte de Fois contre lo trobador de Marselha dabans lo concili de Latran : l'evesque-trobador i es presentat coma lo fossaire de las valors cortesas.