Explorar los documents (8212 total)

Títol sancer : Je n’ai plus osé ouvrir la bouche… Témoignages de glottophobie vécue et moyens de se défendre

« Discriminations : combattre la glottophobie, de Philippe Blanchet, parescut en 2016, qu’a recebut ua arcuelhença mediatica hèra favorabla e qu’a valut a l’autor un abondós corrièr de testimònis dont s’i trobarà ací d’amples extrèits.
[…]
Lo present recuelh de testimònis, principaument collectats aquestes tres ans passats per Stéphanie Clerc Conan e Philippe Blanchet, que pren la seguida de Discriminations : combattre la glottophobie entà balhar la paraula a las victimas e prepausar faiçons de’s defénder. » - Lambert-Lucas

Emission del 16 de setembre de 2020

Canti Canta

A Carcassona l'associacion Canti Canta bailejada per Pascale Moreno recampa de cantaires afogats. Cantan en occitan e dins lei lengas dau torn de la Miègterranea. Descubrirètz aquí de cants polifonics bèus.

Un reportatge de Lisa Gròs.

[resumit de Tè Vé Òc]

« Rufa es lo sieisen albom de Du Bartàs. Es una exploracion conteirala, que se noirís a las rasigas de las musicas popularas dels paises d’Òc.

Amb eles la Mediterranèa ven un aire bèl de jòc, que ie cantan percussions a l’encòp potentas e sensiblas, una polifonia imaginada e una instrumentacion eteroclita. Tornan inventar e mestissar lo Lengadòc, crusòl istoric de rescontre de pòbles, lengas e musicas. Lo quartet canta e joga aquela mosaica amb una creativitat sens limita : jòcs de votz, de lenga e armonias inovadoiras.

La poésia de Joan Bodon, de Leon Còrdas e de Laurent Cavalié venon cançons que s’i mesclan vira-lengas, cronicas istoricas e politicas, musica per dançar, percussions salvatges…

La mediterranèa, tèrra de comunion, de jòias e de colèras s’i alena a plen buf. » - Sirventés

La Quinzena Occitana 2020 que’s harà deu 19 de seteme au 4 d’octobre.
Au programa : mustra, concèrts, randolejada urbana, passejadas, velhada, conferéncia, projeccions de filmes...

Deu 19/09 au 03/10 - Marmanda
Ostau Marmandés

• • Deu dimars au dissabte 14 h a 18 h : Mustra « De la natura de quauquas bèstias » (en partenariat dab lo CIRDÒC-Institut occitan de cultura)

Dissabte 19/09 - Folaironas
Espaci culturau Le Galion

• • 18 h - Inauguracion
  • 19 h - Cantèras
  • 20 h 30 - Concèrt polifonias dab La Mal Coiffée

Dimenge 20/09 - Agen
Au pè de la « passerelle du Gravier »

• • 15 h – Randolejada urbana e istorica

Dijaus 24/09 - Marmanda
Ostau Marmandés

• • 20 h 30 – Velhada conferéncia : « Des bêtes et des hommes : un patrimoine à déchiffrer » avec Frédéric Figeac

Dissabte 26/09 - Frespuèg
Souleilles

• • 9 h - Passejada campestra
  • 13 h – Possibilitat de disnar - Reservacion au 06 76 47 32 12 abans lo 24/09
  • 15 h – Vesita deu musèu deu hitge gras

Dijaus 01/10 - Marmanda
Cinèma Le Plaza

• • 20 h 30 - Filme documentari : « Max Lafarga, enfachilhat de poësia » en occitan, sostitolat en francés.

Dissabte 03/10 - Sent Alari de Lusinhan
Sala de las hèstas

• • 21 h – Concèrt dab Dirty Caps' e Adar

Dimenge 04/10 - Pena d'Agenés
Pòrta de Ferracap

• • 15 h – Passejada familiau contada : « Sul caminol de las trèvas / Sur le sentier des apparitions »

Abans e pendent la Quinzena Occitana

• • « Chants à danser... de loin de Gascogne et de Vendée » dab Maxime Chevrier e Joan Francés Tisnèr. https://fr.padlet.com/culturasdoc/Quinzena_occitana

Deu 06/10 au 09/10 – Escòlas mairaus d’Agen, La Ròca Timbaud, Montsempronh e Libòs, e Ròcafòrt

• • Entau joen public escolar : Espectacle "Som som" suu tèma de las sonalhas.

Informacions

Lo collectiu Quinzena Occitana d’Òut e Garona, qu’ei compausat, uei lo dia, de 6 associacions d’Òut e Garona : Culturas d'Òc (ex-ACPA), Agenés tèrra occitana (ATO), Arts et traditions populaires de Marmande (ATP Marmande), Escòla occitana d'estiu – IEO 47 (EOE-IEO 47), Association pour l'enseignement de et en occitan (Oc-Bi 47) e l'Associacion Per doman. Aqueth Collectiu que tribalha en estreta collaboracion dab lo servici Cultura deu Conselh Departamentau d’Òut e Garona.

Lo programa sancèr de la Quinzena Occitana

La Mairetat d’Anglet qu’organiza, dens l’encastre de las Jornadas Europèas deu Patrimòni, ua jornada dedicada a l’identitat gascona, lo dissabte 19 de seteme 2020 :

• De 10h a 12h à Talhèr de polifonias gasconas dab Fanny Chatelain ;
• De 15h a 18h à Mustra « Bascons nous sommes ! Histoires de ressemblances... » de Jean Duverdier ;
• A 15h à Visita guidada de la mustra en basco ;
• A 16h à Visita guidada de la mustra en gascon.

Tot que’s debanarà a l’espaci culturau Uei en Gasconha, situat au Centre culturau Tivoli, 27 arrua d’Euskadi, ad Anglet.

Lo programa sancèr

« Gràcias a una hòrt bona memòria e un grand saber-har de contaira, Francesa « Niní » Dubourg, 88 ans, autant discreta com luminosa, nos hèi partatjar los grands moments de sa vita. Vasuda en 1929 a Lubbon (40), Niní èra la darrèra d’una coada de 9 mainatges. Orfanina de dòra, estot plaçada com goja a Gajac (33) a l’atge de 11 ans e coneishot hòrt viste la vita d’una hemna de la campanha, hèita de hòrt de trabalh : las vacas, los pòrcs, la poralha, lo casau, la cosina, la bugada, etc. Urosa dab son òme, Niní avot la dolor de pérder son sol hilh quan avè sonque 11 ans. Mès maugrat aqueth malhur, a conservada sa doçor, son amabilitat e sa bienvolença. Vesoa dempui un trentenat d’annadas, la quietud es arribada dab la retirada e la vita dens una residéncia per vielhs a Vasats : « Aciu, siu bien. Jo que n’èi pas jamèi avut de vacanças, son mas vacanças. E adara, me deishi víver ». »

Tà'n saber mei

« Filmat pendent los dus datrèirs mes de la vita, Andrèu Faugère parla de las servituds deu bordilatge e de lus transformacions de l'agricultura, de la sociabilitat paisana d'autes còps, de sa complicitat dab la natura e de sa passion de la caça, de sa defensa deus camins comunaus e tanben deu vielhèir e de la mòrt. Filmat en occitan e au ritme lent d'un òmi vielh de 98 ans, aqueth documentari es un omenatge caloròs a un praube bordilèir de las Lanas de Gasconha, petit de talh mès grand d'esperit e de conviccions. »

Tà'n saber mei

« Bastard, bastard, hèit a la sèga, vasut au parc. »

Vasut « bastard » en 1950, lo Jan-Claudi Bouin creishot a Usèste dens una familha on i avè quate generacions qu’avèn l’occitan coma lenga principala de communicacion. Après aver escasut au concors de la Pòsta, arriba a París lo 6 de mai de 1968 e s’estanca de trabalhar dus jorns après. Quate ans pus tard, demissiona de la Pòsta per viatjar e véser lo monde. Après aver traversat l’Euròpa e lo Saharà, trabalhat en Africa, passat de longs mes en India e au Nepal, se’n torna a Usèste e ven talhaire de pèira tot en continuant, mantuns mes dens l’annada, de viatjar en Asia o en America deu sud, sol o en familha. Fidèu a sos engajaments de joenessa, viu adara dens un ostau en bòi bastit de sas mans dab materiaus de recuperacion e hòrt d’ingeniositat. E per coronar lo tot, ven de tornar trobar son frair de pair.

Tà'n saber mei