Explorar los documents (5729 total)

Contributeur : CIRDOC - Institut occitan de cultura

Mir, Achille

Dins aqueste diccionari, trobaretz de milierats d’expressions lengadocianas recaptadas per Aquiles Mir (1822-1881), escrivan e felibre. Un vertadièr tesaur de paraulas, d’expressions e de dires populars. Tèxte original occitan en grafia classica (tirat de la primièra edicion en grafia dialectala) ambe la traduccion francesa integrala de totas las comparasons e expressions. Poderetz aital vos congostar del chuc de la lenga tala coma èra parlada per carrièras, a l’ostal o pels camps.

Pel simple plaser de la descobèrta o per aprendre e melhorar vòstra coneissença de la paraula populara occitana.

Malika VERLAGUET
Jean-Noël PELEN

PRESENTATION

Quand a sautat de l'autre costat, i aviá lo qui « a ni carn ni òs e corredins lo bòsc »... lo vent ! Lo vent que l'a levada e menada sus son esquina sopla e infinida.

L'envòl es l'istòria d'una femna qui, lo temps d'un sòmi, visita un passat fantasmagoric ont realitat e imaginari se confondon. De l'autre costat comença un viatge que se dobrís sus « tot un mond », ont los òmes e la tèrra semblan se fondre.

Sus las alas d'un aucèl estranh, descobrissèm, per tòcas impressionistas, un « país » que s'espandís de Cevenas al mont Losera, ont la lenga occitana corrís coma un riu e ont los òmes cantan e escultan las montanhas. Lo lop i perseguís inlassablament lo rainard. Òmes e bèstias nauts en colors cavalan suls camins, d'unes vivon dins lo cau d'un arbre, d'autres cèrcan a pescar la luna. De voler protegir un pesolh, un autre i pèrd son nas, pendent que los bons gènis s'escondon jol mantèl dels mendicaires, e qu'un òs se passeja d'ostal en ostal.

Per son raconte, la contaire met en votz los contes reculhits per de collector.a.s abans que s'atuda aquela tradicion orala populara.

EQUIPA ARTISTICA

Malika Verlaguet : contaira
En collaboracion amb l’etnològ Jean-Noël Pelen
Marion Lyonnais : Visual

FICHA TECNICA

Espectacle bilingüe occitan - francés

Tot public a partir de 7 ans

Durada : 01h10

Ficha tecnica simplificada (per tota sala importanta, mercés de contactar Sirventés)

Per tota audiéncia de mens de 100 personas : en acostic.

Lutz : Sovent 2 pès e 2 projectors (+ alongas) amb gelatina de color cauda (tipe ambrada) sufison.

Platèu : espaci de jòc d'environ 3mx3m, cadièras en arc de cercle de preferéncia. Fons negre.

CONTACT DIFFUSION

Agence artistique SIRVENTES
conte.rue@sirventes.com / 06 60 50 53 83

Dupont, Robèrt

L’Institut d’Estudis Occitans d’Arièja presenta un roman en occitan de Robèrt Dupont amb de dessenhs de Renat Meric. Loís Delbòsc conta la destinada d’un dròlle sens familha pendent la Segonda Guèrra Mondiala. Una istòria pertocanta que s’acaba plan.

Anaïs Vaillant
Gurvant Le Gac

PRESENTACION

Lo projècte D'Ici Dense es nascut d'un rencontre entre Anaïs Vaillant, antropològa desrasigada e del musician breton Gurvant Le Gac : d'una reflexion a doas voses diferenciadas dins lor experiéncia, d'un sentiment comun fàcia al moviment global d'una colonizacion de las culturas, dels paisatges e de l'intime pel capitalisme.

D'ici Dense, creacion musicala en duò, tissa entre eles los materials, escriches, experiéncias e racontes collectats al long del procediment creatiu per sos dos actors. Aqueles posan torn a torn, dins la poesia (René Char, Rotlant Pecot, Janluc Sauvaigo, Paol Keineg...), lor practica de las sciéncias umanas e de materials de cèrca tan coma dins la consultacion e la constitucion de collèctas sonoras, lo tot, per fin de crear un espaci collectiu de contemplacion de paisatges, ne desvelar aital lor parta colonizada e confrontar lors experiéncia de l'Aquí.

D'ici Dense es l'espaci ont las musicas e las lengas refusant lor pròpria desagregacion pel partatge, la transmission e lor mesa en abisme (cançons tradicionalas d'Occitània e de Bretanha, flaütas, percussions e magnetofòn).

INFORMACIONS PRACTICAS

Contacte difusion : FeM Collectiu

Site internet : https://www.fem-collectiu.com/

Mél. : femcollectiu@gmail.com

Courtial, Rosalina

PRESENTACION

Per aquel recital, la mezzo-soprano Rosalina Cortial, acompanhada a l'acordeon per Guillaume Fric e a la guitarra per Frédéric Lestang, propausa l'interpretacion de poèmas de Joan Bodon eissits de son recuèlh « Sus la mar de las galèras ». Mesas en musica dins las annadas 1970 pels actors de la Nòva cançon (Mans de Breish, Robert Marty...) son aquí presentadas sus de musicas del grop Fai Lum, dins de composicions novèlas. Aqueles poèmas son acompanhats de tèxtes d'autras plumas occitanas de las bèlas : Robert Marty, Sergi Carles, Joan Loís Cortial.

INFORMACIONS PRACTICAS

Contacte : Rosalina Cortial https://www.roselyne-courtial.fr/contact/

VERNY, Marie-Jeanne

PRESENTACION

Nascut a Nimes en 1922 dins una familha obrièra, Jòrgi Gròs, institutor adèpte de las tecnicas Freinet (qu'èra un amic personal), arrestèt pas jamai tota sa vida de practicar lo conte.

Son enfància es estada noirida d'occitan, lenga practicada en familha e dins la vesinança, mas tanben lenga literària d'Antoine Bigot, que fòrça Nimesencs qu'aimavan a recitar las faulas. L'autor es presentat aquí a travèrs sos contes, mas tanben pel biais d'un de sos romans, lo Batèu de Pèira (le "Bateau de pierre"). Una traduccion francesa d'aquel ven d'èsser editada.

INFORMACIONS PRACTICAS

Per mai de detalh o per contactar la conferencièra, s'adreiçar al CIRDÒC - Institut occitan de cultura : info@oc-cultura.eu

Daudet, Alphonse
Lagarda, Andrieu. Trad.

Quin plaser d’escotar La cabra de Monsen Seguin, Lo curat de Cucunhan, l’Elixir del Reverend Paire Gauchèr, La muòla del Papa, Lo secrèt de mèstre Cornilha o Las tres messas bassas. Dins una lenga linda e agradiva, Andrieu Lagarda nos balha una polida traduccion dels contes tirats de Les lettres de mon moulin d’Alphonse Daudet, òbra classica de la literatura francesa.

Illustracion de S. Vissière

Contes dits per Maria-Odila Dumeaux

Larradet, Benoit

Lo bearnés José Lostalet, vadut gaucho dens la pampa argentina, ne sabarà pas jamei qu’un tròç de husta ei arribat a Punta Blanca. Quin poderé imaginar que son gessits de la medisha tèrra, eth e lo pau ? Annadas en darrèr, l’indian Talcaolpen qu’èra estat lo sol òmi qui avèva podut audir lo planh de l’avet. Ua epòca trespassada qui a engolit las dolors de l’un e de l’aute. Jamei aiga non cor capsús, un roman de Benoit Larradet d’escritura rica e sensibla sus l’anar deus òmis e autas destinadas au briu de las aigas.

Gouiran, Gérard
Raguin, Marjolaine. Éd.

Seguida deu Tòme Ièr parescut en 2016, aqueth volume qu’acaba la nosta publicacion deus principaus estudis publicats per Gérard Gouiran despuish las annadas ueitanta dens la Revue des Langues Romanes, dens Senefiance (revista deu CUERMA) e dens diferents actes de congrès e de collòquis, per çò qui ei de l’òbra de Bertran de Bòrn e deus autes trobadors deus sègles XIIau e XIIIau. Que s'i tornan préner los sirventés e los planhs de Bertran de Bòrn qui concerneishen las soas relacions dab los Plantagenêts e Richard Coeur de Lion, la Corona de França, las crotzadas e las relacions dab lo monde sarrasin. Ua dusau partida qu’ei consacrada a l’amor cortés e aus personatges femenins (la Bèra Auda, Flamenca, la Sarrasina Braslimonda, eroïna de Rotland a Saragòssa), coneguts per tiéner ròtles, en Occitània, hòrt superiors aus qui’us son reservats dens la França deu nòrd. La tresau e darrèra partida qu’ei consacrada au genre sirventés e a la posicion culturau e sociau deus trobadors e deus joglaires occitans, en especiau deu temps de las guèrras albigesas.

Loddo, Daniel

Cornemuse es-tu chèvre ? Ieu sabi un conte – moi je sais un conte… ou plutôt quatre. Suivez les histoires de Farandòla une chèvre têtue et courageuse qui refuse de se plier à la loi des hommes… Anem… Sautatz sus son esquina – sautez sur son dos e fai tirar ! En avant la musique ! Retrouvez chèvres, cornemuses, musiciens et instruments, êtres légendaires tel que le Drac et magiciens dans quatre contes à lire et à écouter !

Le livre : textes en occitan illustrés suivis de leur traduction française paginée. 60 pages
Le CD : contes en occitan dans un paysage sonore et musical. 55 mn
Textes de Daniel Loddo et illustrations de Coline Trubert.