fabrica
Agenda
: Tota la creacion occitana
fabrica
- Conferéncia d'Aurélien Bertrand del CIRDÒC
En 1930, Prosper Estieu publica un de sos darrièrs recuèlhs originals, Lo fablièr occitan, que recampa de faulas del monde entièr, traduchas en occitan. Emai siá pas estat pensat aital, apareis coma una emanacion originala de l’idèia de « convivéncia » dins la literatura occitana de la debuta del sègle XX.
Retrobam dins aquelas faulas la quita idèia de la « convivéncia » tala coma es definida a l'ora d'ara per Alem Surre-Garcia :
« L'art de viure ensems dins lo respècte de las diferéncias en tèrmes d'egalitat »
La conferéncia aurà per tòca de presentat l’origina e las rasons d’aquela seleccion literària fòrça originala que marca una data importanta dins l’òbra de Prosper Estieu.
- Vernissatge de la mòstra sus Prosper Estieu
Descobrissètz los retraches crosats de dos dels defensors mai importants de la lenga e de la cultura occitana : August Fourès e Prosper Estieu. Totes dos originaris del Lauragués, foguèron d’actors màgers de la Renaissença d’òc lengadociana del sègle XIX. Lor òbra literària e militanta, marcada per l’un per la fondacion del Felibritge roge e per lo segond per la del Collègi d’Occitània, venerabla institucion totjorn activa uèi, fa encara resson dins la cultura occitana contemporanèa.
Centre occitan Rochegude
28 rue Rochegude
81000 ALBI
Tel/Fax: 05-63-46-21-43