Explorar los documents (15390 total)

E un que fa dètz ! Dempuèi ja quatre ans, cada sièis meses, Tè ! vos prepausa sas seleccions, sos còps de còr e suggestions. 240 paginas mai tard, nos impòrta totjorn de vos prepausar un supòrt al mai près dels besonhs, dels mediators, dels programators coma dels artistas ; un catalòg que siá d’en primièr lo rebat de la creacion occitana contemporanèa, de sa diversitat e de sas evolucions. Una vocacion al còr de las missions del CIRDÒC – Institut occitan de cultura que festeja per sa part sos cinquanta ans. Per l’escasença, un tirat-a-despart vos convida a descobrir los ligams estreits e variats que nos unisson al monde de la creacion. Bona lectura.

Qu’es aquò, Tè! ?

Al fial de las paginas, classadas per grandas tematicas mas que los contenguts dialògan entre els d'un domeni a l'autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion...), mas tanben quand se fa lo miralh de la granda diversitat de l'expression occitana dins totas sas formas dialectalas, del provençal al gascon en passent pel lengadocian. 

« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d'artistas inedits, tot en demorant al mai pròche de l'actualitat. 

Per fin de vos ajudar dins las vòstras causidas d'aquisicion e de programacion, aquelas presentacions seràn acompanhadas d'informacions tecnicas e de pictogramas que lo detalh es presentat sus la primièra pagina del catalòg. Caduna d'entre ela remanda tanben, a una presentacion en linha, al còr del portal de la creacion occitana actuala : fabrica.occitanica.eu, per una presentacion detalhat (e bilingüa).

E, plan segur, esitètz pas a sollicitar las equipas del CIRDÒC - Institut occitan de cultura per vos acompanhar dins las vòstras cèrcas, las vòstras presas de contacte, o per beneficiar dels servicis e otisses propausats dins lo quadre de l'ofèrta a las collectivitats (detalh en pagina 27 del catalòg).


Consultar totes los numèros del catalòg Tè! en linha : AQUI

Bona lectura e bona immersion !

Joan qu'ei un mainat pas mei gran qu’un sac de hroment. Mes Joan qu'ei atrevit e coratjós. Un dia, que pren lo camin de solhevant e que va tau país deus gigants entà descobrir lo secret tà pravar. E, tot lo long deu viatge, Joan que contrapassa los corbaishs, los becuts, l'Òmi verd e mantuns autes personatges gessits de l'imaginari gascon.

Conservar, preservar, collectar las formas escrichas e oralas de l'occitan per que constituïscan los ferments de la creativitat literària, artistica e sociala contemporanèa ; assegurar dins lo temps la permanéncia de la paraula e de la pensada occitanas per las projectar mièlhs dins l'avenidor. Es la via traçada cinquanta ans fa pels iniciaires del CIRDÒC – Institut occitan de cultura. L'enjòc es uèi per l'establiment de garantir l'accès a aquel patrimòni millenari per la mesa en òbra de tecnicas de conservacion e l'aquisicion de gèstes e de reflèxes los preservant dels sinistres. Es tanben, mai que jamai, rendre comprensible e ausible çò que l'es pas mai o qu'o foguèt fòra portada de las institucions, dels mèdias de granda difusion e de l'Istòria oficiala. Explicitar, explicar, explorar per delà las frontièras de tota mena, es afortir lo ligam entre territòris e esteticas.

Que l'an cobèrt de garlandas. Qu'ei Nadau e qu'ei malurós.

Per astre, qu'encontra a Camion-Dèishas. Lavetz, que comença ua aventura a la descobèrta de las estelas.

Aquel quasèrn es lo setzen de la colleccion poetica « Messatges » publicada jols auspicis de l'Institut d'estudis occitans en 1954.

Aquel quasèrn es lo quinzen de la colleccion poetica « Messatges » publicada jols auspicis de l'Institut d'estudis occitans en 1955.

Aquel quasèrn es lo catorzen de la colleccion poetica « Messatges » publicada jols auspicis de l'Institut d'estudis occitans en 1955.