Explorar los documents (15456 total)

PRESENTACION 

Un espectacle ritual en deambulacion e sus mesura que pren en compta lo patrimòni viu del luòc e lo patrimòni arquitectural en metent en valor l'animal totemic. 

Lo Théâtre des Origines posa son inspiracion dins los luòcs que son portaires de memòria, Traces # 1 es un espectacle-ritual “sus-mesura” que prene en compte :  

• Lo patrimòni viu del luòc que s'i produit ;

• Lo patrimòni arquitectural ;

• Lo patrimòni natural.

S'adapta als elements que son presents sul territòri e propausa d'aver un agach novèls sus d'elements particulars del PCI. 

A travèrs un canavàs teatral contemporanèu, una lectura antropologica e poetica es propausada, que permes de ligar la foncion e lo sens dels fenomèns patrimonials amb lors enjòcs actuals. La lenga occitana es integrada a l'espectacle-ritual coma element dramaturgica que permes de ne faire evoluar l'intriga.

 

“Melle Rosa es missionada dins lo vilatge pel GPGH (Grand Parlament dels Gents Uroses) per fin de mesurar l'indici de Bonur Interior Brut d'aquel. 
Efectivament, la rumor cor a Paris qu'aquel vilatjòt visquèsse dins un bonur inegalat. 
Un bonur que seriá ligat a la vivacitat de la cultura locala, a la transmission de sabers-far doblidats alhors mas sustot, mercés a l'esperit dels luòcs. 
Mas... en aquel sègle XXI, seriá encara possible ? Seriá una info o una intox ? 
Es ben çò que Melle Rosa va ensajar de descobrir... Arribada a destinacion, es aculhida en granda pompa per la guida de l'Ofici del Torisme, cargada de l'ajudar dins sa mission e de li transmetre la memòria de las pèiras e dels monuments. 

Per fin de plan menar son enquèsta, Melle Rosa s'arma de son baromètre e se lança dins l'aventura. Es alors que descobrís traças estranhas sul sol... Caldrà que Melle Rosa accepta de viatjar dins lo temps e l'espaci per tentar de resòlver lo mistèri dels estatjants !"

EQUIPA ARTISTICA

Escritura : Perrine Alranq

Mesa en carrièras e responsabilitat del processiu creatiu participatiu : Collectiu Théâtre des Origines

Comedians : Isabelle François, Marie Gaspa, Ania Wasniowska, Mathieu Vinsson, Perrine Alranq

Musicians : Saboï

Creacion vidèo : Martialou

Regidor general : Alexandre Krawczyk

Scenografia e costumes : Suan Czepczynski

Produccion e administracion : Maude Tornare

 

FICHA TECNICA

Sus demanda alprès del Théâtre des Origines

CONTACTE DIFUSION 

 

EXTRAITS VIDÈOS 

Descobrir l'espectacle en vidèo : aquí

CONTACTE DIFUSION 

Site internet de l'artista : https://danielchavaroche.jimdo.com/

PRESENTACION

Uèi coma dempuèi generacion, la borrèia ocupa los còrs e los esperits de milierats de personas. Es de la permanéncia e de la vivacitat de lors invencions que nais la necessitat de portar aquela dança sus scèna. Per la confrontacion d'aqueles eretatges e creacions, sas repeticions e sas rupturas, sa solemnitat e sa coquinariá, la borrèia se desvèla coma un vertadièr material espectacular. S'agís doncas de se prene al jòc de la borrèia e de seguir totas las perspectivas dobèrtas. La plasticitat de l'espaci, l'infinit ritmic, l'improvisacion, la simetria seràn coma aitant de capítols dins l'exploracion.

Sus scèna, las doas dançairas escrivan amb la borrèia un jòc sens relambi renovelat, qu'emprunta mantuns camins pròpris an aquela dança. Se tocar, s'alunhar, se jogar dels quadres e de las estructuras, tot en expausan resolument sa parentat estreita amb la musica. Partenària principala, tranfòrma atanben sos atavismes e sos reflèxes per venir del movement, se confond amb la dança. Es experimentala e bruitista puèi qu'exploita e traita lo son dels pès, de las pèrras, del paisatge, mas es tanben cantada e joiosa, elastica e improvisada, melodica e entestanta, perpetuant lo renovèlament infinit de las musicas de tradicions oralas.  

EQUIPA ARTISTICA

Cécile Delrue-Birot

Clémence Cognet 

François Dumeaux 

FICHA TECNICA

L'espectacle se debana sus un cairat de parquet de 25m2, finament e justament esclairat per desrevelar sa complexitat e l'istòria que s'i s'escrit. 

CONTACTE DIFUSION

Courriel : contact@brayauds.fr

Téléphone : 04 73 63 36 75

Son d'istòrias per portar la paraula de las femnas qu'èran presenta abans ela al meteis endreit, d'istòrias de sa familha o de son vilatge en Lausèra. Totas aquelas femnas de l'ombra a qui disiam tan sovent "Taisa-te !" alara qu'avián tan de causes de dire.  

Chantal Ferrier mèscla tres contes de Roger Lagrave (editor e figura cevenòla) als racontes qu'a escrit sus la transmission. I dit lor dever an aquelas femnas, sa libertat, per qué es a l'ora d'ara, una masca coma las autras. 

EQUIPA ARTISTICA

Chantal FERRIER - contaira

CONTACTE DIFUSION 

Chantal FERRIER

Site internet : https://chantalferrier.com/