Explorar los documents (614 total)

Contributeur : CIRDOC - Institut occitan de cultura

Dordeins, Joan-Miquèu

Joan-Miquèu Dordeins que'ns balha un policièr qui debuta dab lo murtrer de dus estrangèrs, costat d'ua manifestacion en çò de la Republica deu Banthana.

Prumèr libe-revista qui perpausa articles en occitan o en catalan sus las granas questions actuaus. E dab l'espiar de mei d'ua disciplina: filosofia, arts, sciéncias sociaus, sciéncias duras….
Aqueth prumèr numèro qu'a com tèma la guèrra. Atau, que's pòt explorar las fòrmas de guèrra a l'Edat mejana, las frontèras motius recurrents de guèrra, lo ròtle de las armas dens un conflicte, las consequéncias de la mondializacion, o enqüèra la faiçon dont la guèrra ei descrivuda dens lo cinèma o la musica. Lo dossièr centrau que presenta las opinions d'Einstein, Freud e Fromm suu perqué de la guèrra.
Ua revista qui interpèla lo legidor e la legidora.

Bernard Manciet

Casaus perduts que's semblan aus tablèus de la Lana deu sègle XXau, poblats de hemnas e d'òmis observats per l'espiar tostemps viu e agut de l'escrivan Bernat Manciet. Un recuelh de novèlas on puntejan la doçor, l'ironia, mes tanben lo seriosèr deus gèstes e deus silencis d'ua umanitat despassada per la corruda desbaratada deu temps. Uns recits eishenges de nostalgia qui nse dan los arrebats d'un monde aus arpunts...

Illustracion de cubèrta : Jean-Louis Fauthoux

Hont : https://www.reclams.org/oc/catalogue/produit/33-casaus-perduts

Médiathèque de Bagnères-de-Bigorre

PRESENTACION

Creacion / lectura musicala

Adaptacion musicala de l'òbra eponima de Bernat Manciet per Yohann Villanua e Benjamin Bouyssou.

L'òbra de Bernat Manciet, Roncesvals, es editat per las edicions Reclams (2003), en version trilingüe : occitan (gascon), basc e francés.

Son subjècte es prigondament ancorat dins lo patrimòni pirenèus (la toponimia, en testimoniatge) e europèu. Desplega son raconte, que pòt s'aparentar per sa forma a una pastorala, aprèp la batalha que viu l'arrièra-garda de l'armada carolingiana aneantida per una armada constituida de Vascons e Basques menada per son cap Lop-sans, a la prima de 778. Lo rei, futur emperaire, Carles Magnus sollicita alprèp de Lop Sans, la despolha de son nebot, Roland, e son espada, Durandal. Respondent a aquel raconte, las fòrças naturalas de las tèrras de la Vasconia, las pèiras, la luna, los pastres... qu'escambin, comentan, donan sens a aquel eveniment.

Per Binaros, iniciatritz del projècte, lo rencontre entre l'autour gascon, que un còp es pas costuma, sortís de sas Lanas natalas amb aquel tèxte, e l'artista Yohann Villanua, èra natural. L'estil de las escrituras, las convocacions de las pèiras, de la luna, dels elements naturals de Pirenèus, l'aspècte ancorat a la tèrra del tèxte, podian pas que respondre al caractèr del pastre, poèta e interprèta, grand viatjaire qu'es Yohann Villanua.

Per aquela creacion, en abans primièra, Yohann Villanua s'enròda de musicians que l'acompanhan sus d'autres espectacles (Benjamin Bouyssoux, instruments tradicionals, e Yann Royer, batariá, percussions), e pel primièr còp, per la dançaira e plasticiana Arantxa Lannes.

INFORMACIONS PRATICAS

Dins lo quadre de la 25ena Prima dels Poètas, la Mediatèca Simone Veil de Bagnères de Bigorre rend omenatge a Bernat Manciet, que ne commemoram en 2023, le centenaire.

Lo divendres 24 març de 2023 a 18h15
4 rue Alsace Lorraine - 65200 Bagnères-de-Bigorres

Entrada liura dins la limita de las plaças disponiblas.

Dahu collectif

PRESENTACION

Creacion / lectura musicala

Adaptacion musicala de l'òbra eponima de Bernat Manciet per Yohann Villanua e Benjamin Bouyssou.

L'òbra de Bernat Manciet, Roncesvals, es editat per las edicions Reclams (2003), en version trilingüe : occitan (gascon), basc e francés.

Son subjècte es prigondament ancorat dins lo patrimòni pirenèus (la toponimia, en testimoniatge) e europèu. Desplega son raconte, que pòt s'aparentar per sa forma a una pastorala, aprèp la batalha que viu l'arrièra-garda de l'armada carolingiana aneantida per una armada constituida de Vascons e Basques menada per son cap Lop-sans, a la prima de 778. Lo rei, futur emperaire, Carles Magnus sollicita alprèp de Lop Sans, la despolha de son nebot, Roland, e son espada, Durandal. Respondent a aquel raconte, las fòrças naturalas de las tèrras de la Vasconia, las pèiras, la luna, los pastres... qu'escambin, comentan, donan sens a aquel eveniment.

Per aquela creacion, en abans primièra, Yohann Villanua s'enròda de musicians que l'acompanhan sus d'autres espectacles (Benjamin Bouyssoux, instruments tradicionals, e Yann Royer, batariá, percussions), e pel primièr còp, per la dançaira e plasticiana Arantxa Lannes.

EQUIPE ARTISTIQUE

Yohann Villanua
Benjamin Bouyssoux
Yann Royer
Arantxa Lannes

FICHA TECNICA

Sus demanda alprèp de l'equipa artistica.

CONTACTE DIFUSION

Dahu collectif
Site internet : https://www.dahucollectif.com/
Adreça mèl : contact@dahucollectif.com

Harrer, Elisa

Un cavalèr de Vassily Kandinsky que bondeish hòra de la tela soa.

Ua vop blua de Franz Marc que s’escapa d’un musèu de Bavièra.

Lo quatau Rei mague que’vs vien tustar a la pòrta un ser d’ivèrn…

Lo meravilhós que surgeish a còps dens la nosta vita vitanta au moment quan mensh ns’i atenem : que’n pòrtan testimòni aquestes onze racontes qui, se’s pòden léger independentament, ne’n constitueishen pas mensh un ensemble mercés a tot un jòc de reclams e de rebats e a la preséncia de personatges qui s’entercolan de l’un tà l’aute.

Association L' Aucèu Libre
Comité des fêtes de Salinelles
CIRDOC - Institut occitan de cultura

Los Rencontres de Salinelles de 2023 se desrotlaràn los 16, 17 e 18 de junh dins lo vilatjòt de Salinèlas, prèp de Someire (Gard).
Aculhit per la comuna dins l'irangeria e lo pargue del castèl, aquel eveniment es un temps d'escambi e de descobèrta a l'entorn de la literatura en lenga d'Òc, dins una perspectiva dobèrta e viva, que fa lo ligam entre los tèxtes grands de la tradicion literària d'Òc.

DIVENDRES 16/06/2023 - cap. St Julien : « Serada medievala » - 20h00

- Taula redonda animada per Gilda Caïti-Russo (Université Paul Valéry) amb los poètas e traductors Luc de Goustine e Yves Leclair, en collaboracion amb l'editor Pierre Mainard.

- Espectacle musical « Lo Cant de las pèiras » amb los estudiants dels Mastères d'Occitan e de Musicològia medievala de l'Universitat Paul Valéry dirigits per William Rose.

DISSABTE 17/06/2023

Matinada « Prosa D'uei : lo conte occitan » - Lavador de Salinèlas »

- 10h00 - Intervencion (conferéncia e discussion) - Le rôle et la place du conte dans la littérature occitane actuelle. Jean-Luc Doumenge

« Batèsta » de contes qu'opausarà contaires e contairas dels diferents orizons de l'espaci occitan.

- 13h-15h Pausa dejunar. Reservacion repais conselhada

Tantossada, Irangeria del castèl :

14h00 : Sièsto pouëtico.

Omenatge a Robert Lafont
Lecturas pels escolans de la Calandreta Aimat Serre e un ensemble d'estudiants, introduitas per Estelle Ceccarini.

- 14h30 : Sièsto pouëtico : centenari de la revista Òc

Frédéric Figeac, Bruno Pèiras, Mario Cubeddu, William Méalier, Magali Bizot-Dargent e Felip Angelau.

- 15h30 : Poètas d'òc, del tèxte a la cançon, de la cançon al tèxte Gaël Hemery et Eric Fraj

L'entrevista : pels escolans de la Calandreta Aimat Serre.

- 16h30 : Contes pels enfants : (jos la pergola)

- 15h30 : Jean-Paul Creissac, Frédéric Figeac, Franc Bardou legits pels poètas presents.

- 16h00 : Contes pels enfants : Catarina Ramonda

Performanças poeticas - Capèla Sant Julian

- 17h00 : « D'una paraula l'autra - Une traversée bilingue de l'œuvre de Marcelle Delpastre » (amb l’aimabla autorisacion de Jan dau Melhau). Concepcion e mesa en scèna : Erwan Le Roy-Arnaud, amb Thérèse Canet e Sylvie Beaujard, conselhièr literari Alexandre Le Roy-Arnaud. La Mobile Compagnie.

Serada festiva - Pargue del castèl

- 19h00 : Obertura oficiala : en preséncia dels elegits e de las institucions partenàrias

- 19H30 : animacion de l’espaci editors. Actualitats de l’edicion en lenga d’Òc.

- 20h00 : sala dels marronièrs (Taulas redondas professionalas limitadas ) Los editors occitans

A partir de 20H15 Repais foods trucks + animacion musicala musica d’Òc (CD)

21h00 - Concèrt Mauresca Sounds

PROGRAMA DEL DIMENGE 18 DE JUNH

« Debats actuals » - Irangeria del castèl

09h00 : La Mòda teissuts, imprimits e perfums, etc.

> Nouveaux usages de la langue occitane dans le commerce : Carmen Alén Garabato (Directrice du Laboratoire DIPRALANG - UPV Montpellier).

Suivie d'une causerie avec des acteurs et chefs d'entreprises du domaine : Les Indiennes de Nîmes, La Botte Gardiane, etc.

11h00 : Protestantisme e Occitània :
Sur La Huguenote de Robert Lafont : Claire Torreilles (Enseignante-chercheuse, UPV de Montpellier)

Protestantisme et Félibrige : Patrick Cabanel (Historien, Directeur d'études à l'École pratique des hautes études)

12h30 : Scèna dobèrta : réservée au moins de 25 ans, sur inscription préalable auprès des organisateurs.

INFORMACIONS PRATICAS

Durant los dos jorns : Salon del libre d’Òc / Exposicions

Editors, Librariás e Revistas

Credd’O, Édite-moi, Jorn, L’Aucèu libre, Aquò d’Aquí, Revista ÒC, Le Félibrige, Reclams, IEO-IDECO, Espaci Occitan deis Aups

Informacions : T/ 06 84 90 73 92 / 06 23 53 25 32
Facebook : LesRencontresdeSalinelles

Frossard, Denis

Dens aqueth raconte en imatges, Denis Frossard que'ns conta la vita pastorau a l'òra on aulhèrs e aulhèras son sovent saunejats com un mestièr dens lo vent deus soms. Qu'ei un beròis libe de fotografias e sustot un libe d'atmos, de descobèrta de gèstes jornalèrs de qui son un saber ancestrau.

CIRDOC - Institut occitan de cultura

Bernard Manciet qu'ei un escrivan originari de las Lanas, vadut a Sabres en 1923 e mort au Mont de Marçan en 2005.

Qu'avèva començat de publicar autanlèu l'Après-guèrra, sustot dens Reclams, la revista literària de Bearn e Gasconha dirigida per Miquèu de Camelat. Lo son prumèr poèma, « A le nèu », paraît à l’été 1945 (Reclams de Biarn e Gascougne, Annada 49, n° 07-09 - Garba-Seteme 1945). A partir de las annadas 1960 que si hè a la poesia, lo roman, l'ensai o enqüèra las pèças de teatre. Lo hiu conductor d'aquera òbra qu'ei l'occitan gascon « negue » (parlar negre) de las Lanas, dont se disè la « vop ».

Bernard Manciet que s’i hè tà la difusion de la creacion literària occitana. Que pren sustot la direccion de la grana revista de la modernitat literària occitana ÒC (fondada en 1923). Escrivan màger d’Euròpa modèrna, qu’ei reconeishut peu monde de las letras occitanas, francesas e internacionalas, e es en particular, publicat en çò de Gallimard.

Entà que totas las accions prepausadas dens l'encastre deu centenari que poscan beneficiar d'ua identificacion comuna, lo CIRDÒC - Institut occitan de cultura que met d'ara enlà a la lor disposicion un logo declinable en mantua color.

Tà'n saber mei sus l'autor.

LOS EVENIMENTS PASSATS E A VENIR DEU CENTENARI

MAI 2023

- dissabte 10 mai, 10h. Cafè gascon de Dacs (c.de Borda, Dacs) : conferéncia Com entrar dens l'obra deu Bernat Manciet. Durada 1h30.

Organizacion : Les Amis de Bernard Manciet.

JULHET 2023

- dissabte 1èr de julhet, 21h. Samatan, dens l'encastre deu hestau Total Festum. Espectacle Roncesvals de la tropa Dahu collectiu.

Organizat per la vila de Samatan.

SETEME 2023

- dijaus 14 de seteme, 17h. La Méca (Parvis Corto Maltese, quai de Paludate, 33800 Bordèu) : Creacion deu espectacle Sonets - La Manufacture verbale e projeccion deu filme de Patric La Vau.

- dissabte 16 de seteme, 15h30. Bibliotèca Quintaou (12r Albert-le-Barillier, Anglet)

Presentacion deu libre d'artista : Un livre hommage à Manciet

- dimèrcs 20 de seteme, 15h30. Bibliotèca Quintaou d'Anglet (12r. Albert-le-Barillier, 64600 Anglet) :
Lectura bilingüa : Poriqueta per Lucie Albert

- dissabte 23 de seteme, 11h. Bibliotèca Quintaou d'Anglet (12r. Albert-le-Barillier, 64600 Anglet)
Rencontre literari dab Frédéric Sudupé : Mes lettres à Bernard Manciet

- dissabte 23 de seteme, 17h. Teatre Quintaou d'Anglet (1 alèa de Quintaou, 64600 Anglet)

Projeccion deu filme de Patric La Vau : Bernat Manciet, un díder de huec (2023, 52min, oc/fr, produit peus Nuits Atypiques)

- dissabte 23 de seteme, 20h. Teatre Quintaou d'Anglet (1 alèa de Quintaou, 64600 Anglet)
Concèrt - performança : Lo dider de Guernica

- dissabte 23 de seteme, 21h. Teatre Quintaou d'Anglet (1 alèa de Quintaou, 64600 Anglet)

Espectacle : Sonets, le ciel s’arrête pur suspense…

- dissabte 23 de seteme, 21h. Sala de las fèstas de Sabres (40630 Sabres)

Espectacle : Libera, lectura teatralisada de L'enterrament a Sabres, per Isabèla Loubère.

- dimars 26 de seteme - 14 de deceme. Espace Uei en Gascogne (Centre culturel Tivoli, 1r d'Euskadi, 64600 Anglet) :

Exposicion PoéZiques, Bernard Manciet et la musique

- dimars 26 de seteme, 12h30. Bibliotèca Quintaou d'Anglet (12r. Albert-le-Barillier, 64600 Anglet) :
Projeccion : Rencontre avec Bernard Manciet chez lui à Trensacq

- dimèrcs 27 de seteme, 15h30. Bibliotèca Quintaou d'Anglet (12r. Albert-le-Barillier, 64600 Anglet) :
Talhèr d'escritura : Inspiracions poeticas per Morgane Tellechea

- dimèrcs 27 de seteme, 18h. Espaci Ausone, libraria Mollat (8 carrèra de la Vielha Torn, Bordèu.) : Entreten dab Katy Bernard a l'entorn de l'òbra de Bernard Manciet.

Organizacion : Los Amics de Bernard Manciet.

- 30 de seteme - 6 de genèr de 2024. Centre d'art contemporanèu d'Anglet - Villa Beatrix Enea (2r Albert-le-Barillier, 64600 Anglet)
Exposicion Bernard Manciet Au pays de l'esquive

- 30 de seteme - 6 de genèr de 2024. Centre d'art contemporanèu d'Anglet - Villa Beatrix Enea (2r Albert-le-Barillier, 64600 Anglet)

Exposicion Marges de silence

- dissabte 29 de seteme, a 16h. Bibliotèca Quintaou d'Anglet (12r. Albert-le-Barillier, 64600 Anglet)
Taula redonda Bernard Manciet et son œuvre

- dissabte 29 de seteme, vrèspe, mediatèca d'Aire (Passage des Cultures) : Conferéncia Bernard Manciet et la course landaise.

Organizacion : Les Amis de Bernard Manciet.

OCTOBRE 2023

- deu dijaus 5 au dimenge 8 d'octobre de 2023, dens l'encastre deu hestau Lo Mascaret de Bordèu : representacions de L'eau mate per la Cie Tiberghien.
Dijaus, divendres, dissabte : 21h.
Dimenge : 15h.
Au 12r de Lescure, 33000 Bordèu.

- divendres 13 d'octobre, 18h, Mediatèca André Labarrère (Pau) : representacion de Roncesvals segon l'òbra de Bernard Manciet, lectura musicala e coregrafica de La Cia des Hirondelles.

Grand public.

Organizacion : CIRDOC - Institut occitan de cultura.

Un eveniment propausat en dobèrtura de la segonda Jornada Escrivans, ua crotzada d'autors, dedicada a Bernard Manciet, lo dissabte 14 d'octobre, a la Ciutat.

Organizacion : CIRDOC - Institut occitan de cultura

- dissabte 14 octobre, Teatre municipal le Parnasse, Mamisan : Espectacle Sonets - La Manufacture verbale.
Organizacion : Vila de Mamisan

- dimars 17 d'octobre, 18h. Archius Departamentals de las Lanas (25, plaça deu 6e RPIMA, Mont de Marçan) : conferéncia-lectura dab Isabelle Loubère Promenade dans l'oeuvre de Bernard Manciet.

Organizacion : Les Amis de Bernard Manciet.

- divendres 20 d'octobre, 18h. Entresenhas a l'arcuèlh-libreria de la Ciutat : Conferéncia « Bernard Manciet par ciel et landes » per Sèrgi Javaloyès, escrivan occitan. Veire de l’amistat e venta de libres a la libreria Aqueras Montanhas.

Grand public.

Organizacion : CIRDOC - Institut occitan de cultura

- dimenge 22 d'octobre, 17h. Cinèma de Sabres (Cinèma L'estrade, 40630 Sabres) : Projeccion deu filme de Patric La Vau : Bernat Manciet, un díder de huec (2023, 52min, oc/fr, produit peus Nuits Atypiques)

- dimars 31 d'octobre, 19h. L'Estaminet (18r. Faza, 33730 Usèste) : Projeccion deu filme de Patric La Vau : Bernat Manciet, un díder de huec (2023, 52min, oc/fr, produit peus Nuits Atypiques)

NOVEME 2023

- dijaus 9 de noveme a 20h. Cinèma Le Méliès (15, pl. du Foirail, Pau) : Projeccion deu filme de Patric La Vau : Bernat Manciet, un díder de huec (2023, 52min, oc/fr, produit peus Nuits Atypiques)
Organizacion : CIRDOC - Institut occitan de cultura

- dissabte 18 de noveme, 18h. Teatre Quintaou d'Anglet (1 alèa de Quintaou, 64600 Anglet)
Votz e guitarra : Accidents

- divendres 24 de noveme, 17h. Centre d’art contemporain d’Anglet - Villa Beatrix Enea (2r Albert-le-Barillier - Anglet)
Lectura musicala : Un hiver

- divendres 24 de noveme, Teatre de Gascogne (190 Av. Camille Claudel, 40280 Sent Peir deu Mont): Espectacle Sonets - La Manufacture verbale.

- dissabte 25 de noveme, 20h. Teatre Quintaou d'Anglet (1 alèa de Quintaou, 64600 Anglet)
Adaptacion teatrala : L'eau Mate de la Cie Tierghien.

- dissabte 25 de noveme, glèisa de Trensac (40630 Trensac ) : Espectacle Sonets - La Manufacture verbale.

MARÇ 2024

- divès 15 de març de 2024, 18h. Archius Departamentaus de Lanas (25, plaça deu 6au RPIMa, 40000 Lo Mont de Marçan) : velhada poetica omenatge a Bernard Manciet dab presentacion deu dispositiu de curiositats archivisticas : L'Ostau de Bernard Manciet, seguit d'ua conferéncia contada "Passejada a duas votz dens l'òbra de Bernard Manciet", per Guy Latry e Isabelle Loubère.

- dijaus 21 de març de 2024, 20h30. Cinèma Vog (14r du Palais de Justice, 33430 Vasats) : Projeccion deu filme de Patric La Vau : Bernat Manciet, un díder de huec (2023, 52min, oc/fr, produit peus Nuits Atypiques)

- dissabte 23 de març de 2024. Mediatèca d'Aira (Pass. de las Culturas, 40800 Aira) : Projeccion deu filme de Patric La Vau : Bernat Manciet, un díder de huec (2023, 52min, oc/fr, produit peus Nuits Atypiques)

ABRIU DE 2024

- dijaus 11 d'abriu de 2024, Guéretoise de spectacle (6 Av. Fayolle, 23000 Guéret): Espectacle Sonets - La Manufacture verbale.

- dijaus 11 d'abriu de 2024, 18h30 Pabalhon, Ecomusée de Marquèze (Rota de la Gara, 40630 Sabres) : conferéncia Bernard Manciet : ua experiéncia alemanda (1947-1955) : despuish las prumèras òdas a Accidents, presentat per Guy Latry.

- dissabte 13 d'abriu, 10h, La Quincalheria, mediatèca intercomunau (33 carrèra Maubèc, 33210 Lengon), Conferéncia : « Descobrir Bernard Manciet per las soas òbras », Patrick Lavaud. Entresenhas : 05 56 62 33 39

- dijaus 18 d'abriu 2024, 18h30, lectura a duas vots : Elena, cie du Parler Noir. (Pabalhon, Ecomusée de Marquèze, Rota de la Gara, 40630 Sabres).

- dimenge 28 d'abriu, de 10h a 16h, Salle François Mauriac, Centre culturau deus Carmes, (8 plaça de las Carmes - 33210 Lengon) Talhèr vocau de creacion polifonica dab la Manufactura verbau.
Entresenhas : communication@nuitsatypiques.org - 05 57 36 49 07 - 06 45 80 74 40.
Inscripcions.

MAI DE 2024

- dijaus 2 de mai 2024, 18h30. (Pabalhon, Ecomusée de Marquèze, Rota de la Gara, 40630 Sabres). Conferéncia La paraula de Bernard Manciet dens las colleccions de l'ecomusèu, Jean Tucoo-Chala.

-dijaus 16 de mai 2024, 18h30. Conferéncia "l'Enterrament a Sabres : istòria d'ua òbra màger deu sègle XX", Guy Latry. Pabalhon, Ecomusée de Marquèze, Rota de la Gara, 40630 Sabres.

- divés 17 de mai, 20h30. Projeccion deu filme de Patrick Lavaud, en la soa preséncia : Bernat Manciet, un díder de huec (2023, 52min, òc/fr, produit per las Nueits Atipicas).
Prepausat per Ciné Passion, entrada 5 euros. Atrium (camin deu Castèth, 24380 Vergt).
Entresenhas : www.fetedesbatons.fr

- dissabte 18 de mai, 18h. Exposicion de libes e documents inedits.
Bibliotèca de Senta Alvère (22 carrèra de la Republica, 22510 Senta-Alvère).
Entresenhas : 05.53.73.55.97

- dimenge 19 de mai, 17h. Portrèit en libertat de Bernard Manciet per Laurent Labadie. Sant Laurenç deus Bastons.
Entresenhas : www.fetedesbatons.fr

- dimenge 26 de mai, de 10h a 16h, Salle François Mauriac, Centre culturau deus Carmes, (8 plaça de las Carmes - 33210 Lengon) Talhèr vocau de creacion polifonica dab la Manufactura verbau.
Entresenhas : communication@nuitsatypiques.org - 05 57 36 49 07 - 06 45 80 74 40.
Inscripcions.

- divendres 31 de mai de 2024, Rabairac (24600 Rabairac): Espectacle Sonets - La Manufacture verbale.

JUNH DE 2024

- dijaus 6 de junh de 2024, 18h30. Projeccion deu filme Bernat Manciet, un díder de huec de Patric La Vau : (2023, 52min, oc/fr, produit peus Nuits Atypiques). Seguit d'un escambi après projeccion.
Pabalhon, Ecomusée de Marquèze Rota de la Gara, 40630 Sabres.

- dijaus 13 de junh de 2024, 18h30. Ua passejada a duas votz dens l'òbra de Bernard Manciet per Guy Latry & Isabelle Loubère. Pabalhon, Ecomusée de Marquèze Rota de la Gara, 40630 Sabres.

- dijaus 20 de junh de 2024, 18h30. Presentacion deu libe d'Eric Audinet (edicions Confluéncias) e Bernard Marcadé (universitari, colleccionaire e traductor) : presentacion deu libe sus l'òbra picturau de Manciet. Pabalhon de l'Ecomusée de Marquèze Rota de la Gara, 40630 Sabres.

- dimarç 25 de junh de 2024, 20h. Teatre des Carmes (8 Cr des Carmes, 33210 Langon): Espectacle Sonets - La Manufacture verbale.

JULHET DE 2024

- dijaus 4 de julhet de 2024, 18h30 : espectacle Accidents, Cie deu Parlar Noir. Pabalhon, Ecomusée de Marquèze Rota de la Gara, 40630 Sabres.

AOST 2024

- dijaus 30 d'aost, 18h30. Espectacle L'Enterrament a Sabres, Cie du Parler Noir. Pabalhon, Ecomusée de Marquèze, Rota de la Gara, 40630 Sabres.

SEPTEME DE 2024

- divendres 20 de septeme de 2024, 20h30. Cinèma Rio (16 All. Jean Jaurès, 33210 Langon) : Projeccion deu filme de Patric La Vau : Bernat Manciet, un díder de huec (2023, 52min, oc/fr, produit peus Nuits Atypiques).

- deu 20 de seteme au 3 de noveme de 2024 : exposicion "Au país de l'esquiva", Centre culturau deus Carmes, (8 plaça de las Carmes - 33210 Lengon).

Que programatz un eveniment o un cicle d'eveniments a l'entorn de Bernard Manciet ? Que nos podètz har seguir las vòstas informacions e atrunas de comunicacion : s.juan@oc-cultura.eu

Cassagnet, Eva

Recuelh de poesia entaus mainats au torn deus animaus com la graulha, lo gat esquiròus o lo gatòt e d'autes tèmas de la natura (vent, sasons...) e de l'enfança.
Ua vidèo, accessibla per QR còde, dab los poèmas legits que completa lo libe.