Explorar los documents (15243 total)

Dissabte 12 d'octobre, lo CIRDÒC - Institut occitan de cultura e las edicions Reclams qu'organizan au Musèu de Shalòssa (Monthòrt), l'eveniment ESCRIVANS - ua crotzada d'autors, jornada literària.

Objectius de la jornada :

Aquera jornada professionau destinada aus autors qu'a per mira de sostiéner la creacion literària occitana e har espelir de navèras plumas.

Los autors - confirmats com debutants - qu'accediràn a temps d'escambis e de practicas e que seràn metuts en preséncia d'especialistas e actors deu maine de las letras e de l'edicion.

Aquera navera edicion estarà dedicada a la sciéncia-ficcion. 

Programa : 

Dissabte 12 d'octòbre : 

INFORMACIONS PRACTICAS 

Inscripcion gratuita a la jornada deu 12 d'octòbre (inscripcions obèrtas fins al 20/09 inclús) via lo formulari : abrac.at/escrivans2024 o per mél per cas : s.juan@oc-cultura.eu 

E per tota question : s.juan@oc-cultura.eu   

Ramon, Pau, Marc e Mercè se prepausen deféner as animaus, autant es mautractadi coma es que son en perilh d’extincion. Era tropa ac viuerà coma ua grana aventura e descorbirà era amistat, era generositat, era solidaritat... e, sustot, que fòrça causes petites pòden arribar a hèr-ne ua de grana. Novèlla d’aventures.

Doas joventas vivon amassa una vida tranquilla al campèstre. A dich de veire molons e molonadas de nenons al l’entorn, an enveja de ne’n aver un, elas tanben, un que siá plan a elas. Lor cal un pauc se copar lo cap, segur, mas fin finala, lo nenon arriba a l’ostal…

Un pichon album illustrat, bilingüe : tèxtes franceses e occitan lengadocian cap e cap. Revirada occitana de Marie-Pierre Sclafer.

Dins lo grand bòsc sorne dei mila rores, a l’ora que toei lei pichòts fadets son ja endormits, n’i a un que seis uelhs rèstan grands duberts. Es Foleton que capita pas de s’endormir. A paur dau negre…

« Abal c'est un groupe de six chanteurs, chanteuses et percussionnistes dont l'univers sonore mêle poésies et polyphonies, fantaisies et polyrythmies pour créer un vacarme enchanté qui charme l'esprit et fait chavirer les cœurs.

Los numèros se seguisson e se semblan pas, portant cadun son esclairatge sus una facieta diferenta de la creacion occitana. Totjorn estrambordanta e abondosa, contunha, als quatre cantons d’Occitània, de prepausar formas e formats novèls, en tot explorar de novèls territòris intellectuals o questionar son ric eiretatge multi-secular. Al somari d’aquel numèro 9 justament, obratges especializats e espectacles vos convidan a tornar descobrir l’istòria dels territòris occitanofòns. Per aquesta edicion, la Revolucion francesa mas tanben lo ric patrimòni oral que daissa pas de noirir la creacion contemporanèa.

Qu’es aquò, Tè! ?

Al fial de las paginas, classadas per grandas tematicas mas que los contenguts dialògan entre els d'un domeni a l'autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion...), mas tanben quand se fa lo miralh de la granda diversitat de l'expression occitana dins totas sas formas dialectalas, del provençal al gascon en passent pel lengadocian. 

« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d'artistas inedits, tot en demorant al mai pròche de l'actualitat. 

Per fin de vos ajudar dins las vòstras causidas d'aquisicion e de programacion, aquelas presentacions seràn acompanhadas d'informacions tecnicas e de pictogramas que lo detalh es presentat sus la primièra pagina del catalòg. Caduna d'entre ela remanda tanben, a una presentacion en linha, al còr del portal de la creacion occitana actuala : fabrica.occitanica.eu, per una presentacion detalhat (e bilingüa).

E, plan segur, esitètz pas a sollicitar las equipas del CIRDÒC - Institut occitan de cultura per vos acompanhar dins las vòstras cèrcas, las vòstras presas de contacte, o per beneficiar dels servicis e otisses propausats dins lo quadre de l'ofèrta a las collectivitats (detalh en pagina 27 del catalòg).


Consultar totes los numèros del catalòg Tè! en linha : AQUI

Bona lectura e bona immersion !

Amb aqueste novèl raconte, Sèrgi Viaule nos mena suls sendarèls del massís del Mont-Blanc. La Virada del Mont-Blanc es segurament la bocla pedèstra mai presada d'Euròpa. Se tracha d'una escorreguda de 170 quilomètres de mejana e nauta montanha a travèrs tres Estats (França, Itàlia e Soïssa). Una virada que compta de passatges a mai de 2.500 mètres d'altitud. Una caminada que cadun es convidat d'endralhar al seu ritme. L'autor la tracèt en onze jorns. Totes los que l'an boclada son d'acòrdi per dire qu'aquela virada es una experiéncia marcanta. Sèrgi Viaule afortís l'aver complida « coma una necessitat d'equilibri psicologic e fisic. Coma lo besonh de respondre favorablament a la crida lancejanta de la montanha que de longa pòrti en ieu. Una sollicitacion permanenta qu'ausissi coma un mormolh breçolaire ». Un còp de mai, amb una escritura al present e a la primièra persona, l'autor mena lo legeire dins l'accion.

L'istòria dels sègles XII e XIII en Lengadòc se presenta coma un miralh a mantuna facieta que s'i passejam dins un intervalle espaciotemporal, e que la vida de Maria de Montpelhièr ne serà nòstre fial conductor.

En efèit, Maria s'inscriu dins lo linhatge de las nautas figuras femeninas occitanas que va d’Almodis de la Marche (1023-1071), comtessa de Barcelona, puèi a Ermengarda, vescomtessa de Narbona (1127-1196).

Als sègles XII e XIII, vesèm se desvolopar un movement occitano-iberic basat sus una dobèrtura culturala e filosofica apelada Convivéncia, pròcha de çò que nomenam a l'ora d'ara : Alteritat.

D'aquela movença naisserà la « Civilization dels Trobadors ».

Convèrsa crozada de Pèire Joan Bernard e d'Alem Surre-Garcia puèi rencontre-dedicàcia de son darrièr obratge "Convivéncia" (Tròba vox, 2024), permetràn d'explorar l'Edat Mejana occitan a travèrs d'una de sas figuras femeninas emblematicas.

Un eveniment en partenariat amb l'associacion HCL34.

14h15 : Acuèlh dels participants

14h30 : Presentacion del 17en Rencontre del Patrimòni istoric

Jean-Louis LACROIX President de HCL34, Maguy CHAPOT-BLANQUET

Descobèrta de l'exposicion del CIRDOC " La granda revirada. L'occitan, lenga de traduccions "

15h00 : Convèrsa a l'entorn de " Maria de Montpelhièr (c. 1182-1213), al miralh de la societat dels sègles XII et XIII" amb Pèire Joan Bernard (archivista) e Alem Surre-Garcia (istorian, escrivan)

16h15 : Presentacion-dedicàcia de l'obratge La Convivéncia (Ed.Tròba Vox, 2024) per son autor Alem Surre-Garcia

16h45 : Clausadura de la jornada - refrescaments

INFORMACIONS PRACTICAS

Lo dimècres 9/10 a 14h30 - CIRDOC (Besièrs)
Adreça : 1 bis bd Du Guesclin, 34500 Béziers cedex 
Infos e reservacions : secretariat@oc-cultura.eu / 04.67.11.85.13.