Explorar los documents (15420 total)

Connaissance, description, historique, reportages, contes, dictons, poèmes, vocabulaire et proverbes en lenga nòstra accompagnés d'un lexique.

Perqué lo Camèl ten una plaça de las primièras dins lo patrimòni cultural immaterial de Besièrs ?

Dins aquel entreten filmat en 2012 al CIRDÒC, Serge Boyer, mediator del patrimòni al Musèu del Besierenc, torna sus la legenda e l'istòria de l'animal totemic, e sus la plaça dins la vida de la ciutat d'aquel Camèl qu'es marcat de la devisa "Sèm fòrça".

Filmat aquí per Hélène Morsly en 2014, lo Polin, l'animal totemic de Pesenàs (34), ven cada annada lo 2 d'agost per aculhir los enfants del país exiliats, que poguèron pas festejar carnaval amb el.

La realizatriz Hélène Morsly a filmat aquí la mòrt rituala del Buòu de Mesa (34), un animal plan popular del bestiari lengadocian.

Es totjorn lo 19 d'agost que se pòt veire la mesa a mòrt del Buòu sus l'Esplanada. La fola i es immensa per assistir a la mòrt simbolica de l'animal totemic, que tornarà nàisser de sas cendres pendent lo Corso de Mesa al mes de mai seguent.

Lo buòu de de Mesa es plan conegut dels abitants d'Erau : se fa partida dels eveniments locals e que se mòstra dins d'escasenças divèrsas coma los tornegs d'ajustas, a l'escasença d'una eleccion o d'un enterrament, es subretot al moment del Corso florit dels 1èr e 8 de mai e pendent la fèsta de Mesa que se pòt veire. La mesa a mòrt del buòu se ten lo diluns a l'entorn del 19 d'agost, per la Sant-Ilari. Aquel jorn, la populacion locala mas tanben los toristas son nombrós per assistir a l'eveniment. Lo Buòu es una de las bèstias mai impressionantas del bestiari lengadocian. Poderós e imprevisible, suspren e perseguís los que se meton sus son camin. Es totjorn sus l'esplanada que se pòt veire la mesa a mòrt del buòu. La fola i es immensa per assistir a la mòrt simbolica de l'anima totemic, que renaisserà de sas cendres al mès de mai que ven.