2026 se dobrís sus una actualitat marcada per la creacion artistica occitana. Que siá literària, picturala o teatrala, e en despièit d’un contèxte constrench, lo CIRDOC - Institut occitan de cultura, en sosten als artistas se fa lo resson de sa vitalitat e de sa diversitat en propausant rendètz-vos variats al public (Nuèits de la lectura 2026, animacions a l’entorn del pintre setòri Pierre François…) o per son catalòg de la creacion, Tè ! En aquesta debuta d’annada, vos convidam a descobrir lo n°12, que las paginas se son enriquidas dels nòstres escambis amb las estructuras de l’espectacle viu en Occitània. 

Aqueste primièr trimèstre de 2026 veirà tanben florir los projèctes e experimentacions a l’entorn del patrimòni cultural immaterial, domeni sus lo qual nòstre establiment contunha de portar son expertesa mercés a programas europèus nombroses, e d’assegurar sa compreneson e sa transmission al près dels mai joves. 

Una annada que serà enfin marcada per rendètz-vos bèls, al quatre cantons de l’espaci occitan, al rencontre dels professionals e dels publics : la Passem, Escala a Sèta, 800 ans dels Polin de Pesenàs…

Tota la còla del CIRDOC - Institut occitan de cultura que vos desira una bona annada de 2026.  

A cada numèro, de novetats ! Dins las proposicions de libres, CDs o creacions de segur, mas tamben amb d’informacions novèlas, apondudas per vos mièlhs guidar dins las vòstras descobèrtas e causidas. D’en primièr, d’informacions suls publics ciblats, per las creacions. Presentas en linha sus la FaBrica, son d’ara enlà indicadas tanben per nòstras paginas per mai de clartat. Novetats tanben amb un novèl sistèma de hashtags per far ressortir las tematicas de cada creacion. Tè !, un otís qu’evoluís !

Qu’es aquò, Tè! ?

Tè ! es un catalòg pensat per acompanhar los professionals de la cultura (programators, mediatecaris, mediators...) dins lor descobèrta de la creacion occitana actuala. Un supòrt d'informacion mas tanben un otís practic, per elaborar sa programacion coma son plan d'acquisicion.

Al fial de las paginas, classadas per grandas tematicas mas que los contenguts dialògan entre els d'un domeni a l'autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion...), mas tanben quand se fa lo miralh de la granda diversitat de l'expression occitana dins totas sas formas dialectalas, del provençal al gascon en passent pel lengadocian. 

« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d'artistas inedits, tot en demorant al mai pròche de l'actualitat. 

Per fin de vos ajudar dins las vòstras causidas d'aquisicion e de programacion, aquelas presentacions seràn acompanhadas d'informacions tecnicas e de pictogramas que lo detalh es presentat sus la primièra pagina del catalòg. Caduna d'entre ela remanda tanben, a una presentacion en linha, al còr del portal de la creacion occitana actuala : fabrica.occitanica.eu, per una presentacion detalhat (e bilingüa).

E, plan segur, esitètz pas a sollicitar las equipas del CIRDÒC - Institut occitan de cultura per vos acompanhar dins las vòstras cèrcas, las vòstras presas de contacte, o per beneficiar dels servicis e otisses propausats dins lo quadre de l'ofèrta a las collectivitats (detalh en pagina 27 del catalòg).


Consultar totes los numèros del catalòg Tè! en linha : AQUI

Bona lectura e bona immersion !

Las luses de la davalada s’atudan pauc a pauc, e mentre qu’avançam cap a l’ivèrn, aquí que ven lo temps dels bilances pròpris an aqueste periòde de fin d’annada. L’escasença per l’establiment de clavar una annada particulara a mai d’un títol, marcada per los anniversaris crosats de sos 50 ans e de mai d’una figura de l’occitanisme contemporanèu : Marcela Delpastre, Max Roqueta, Ives Roqueta… Mas l’ivèrn es tanben per nosautres, e mai, l’escasença de preparar las sasons d'après, d’anticipar e de pensar collectivament al fuèlh de rota de las tres annadas que venon. Per l’ora, vos convidama totas e totes, a Pau coma a Besièrs, a venir celebrar als nòstres costats lo Nadalet, un moment de fèsta, de musica e de convivialitat per acabar 2025 coma cal.

- Los sendareus de l’auba. Martial PEYROUNY, Novelum - IEO Perigòrd, 2025. 

Una serada de rencontres e d'escambis a l'entorn d'aquesta novèla seleccion vos serà en mai propausada lo divendres 23 de genièr de 2026 al CIRDOC - Besièrs, dins lo quadre de las Nuèits de la lectura. 

Un prèmi portat pel despartament d'occitan de l'Universitat Paul-Valéry Montpelhièr III amb lo concors del CIRDÒC - Institut occitan de cultura.  

Fòrça engatjada dins la defensa de la cultura e de la lenga occitanas, foguèt pendent setze ans presidenta de l’IEO Puèi de Doma. Es una cronicaira activa dins diferentas publicacions occitanas e notadament la revista Parlem ! Vai-i qu’as paur !
Poetessa e romancièra en lenga d’òc, coneguda per son obratge Femnas sortit en 2008 (Ostal del libre), fa partida dels autors occitans revirats en francés dins lo recuèlh de novelas entitolat Nouvelles d’Occitanie publicat en 2022 (Magellan et cie). En 2024 es publicat Gambier – L’òme sens nom(IEO Edicions) son darrièr roman.

Los monuments que jalonan los nòstres paisatges, que sián urbans o rurals, castèls coma masets, anciana fabrica o font, constituïsson tan de punts d’amira istorics, artistics e culturals, testimònis del passatge del temps e de l’òbra umana. Dins la dralha del tèma nacional de las JEP de 2025, lo CIRDÒC - Institut occitan de cultura metrà lo patrimòni arquitectural a l’onor. L’escasença d’explorar la riquesa dels saber-faire e mestièrs, lor istòria e lors lexics tan coma las especificitats del repertòri de las arts decorativas dins l’espaci occitan. En aqueste periòde de dintrada, una atencion particulara serà portada als publics escolars, amb mantun rendètz-vos dedicat. Una dindrada plaçada jol signe de l’accion e de l’avenidor, alara que se renovèlan los quadres d’accions actats per una novèla convencion amb lo Rectorat de Montpelhièr.

 

EDICION NOVÈLA DEL CONCORS CREAOCCAT

Tot lo detalh del concors sul site de l'Euroregion Pyreneus-Mediterrània : ICI

L’estiu es, per la còla del CIRDÒC - Institut occitan de cultura, sinonim de rencontres amb los publics. Gràcia als festenals nombroses que se desplegan sul territòri occitan coma a de rendètz-vos professionals, l’establiment presenta sos otisses e services de valorizacion de l’escrit e de la creacion, tot coma sas accions en favor de la coneissença del patrimòni viu. E coma totjorn, es pendent aqueste periòde estival que se preparan las proposicions de la dintrada e notadament, lo grand rdv de las Jornadas Europèas del Patrimòni que ne poiretz descobrir lo detalh site per site.