fabrica

Basa : Tota la creacion occitana
Licéncia Licence Ouverte
Denis Frossard

Denis Frossard

Domaine d'activité : Musicien Chanteur
Genre : Chanson Trad/Populaire
Secteur : Musique
Aire culturelle : Gascogne Monde
Occitan : Un peu
Support : Spectacle vivant
Date : 1975
Ligams




Cantaire guitarrista

Cantaire guitarrsita dens lo grop occitan Larvath de 1975 a 1985, au dehens deu quau enregistrarà 5 albums, Denis Frossard que comencèt a s'especializar dens la guitarra. Titulari deu DEM, qu'obtiénó lo 1èr prèmi de guitarra a l'Escòla Nacionau de Musica deu Mont dab Louis-Paul Juan, e contunhèt la soa formacion dab Denis Abatte, professor au conservatòri de Tarba. Passionat de musicas sud-americana e populara en generau, qu'a a son actiu mei d'ua experiéncia de formacions dens aqueth domeni, notadament dens la musica instrumentau de las Andas e la polifonia argentina. Après mei d'un estagi auprès de compositors concertistas com J. Cardoso, Ricardo Moyano, Raúl Maldonado o Alberto Ponce, e parallelament aus concèrts seus, que viatgèt tanben en Argentina ont encontrèt notadament lo concertista Carlos Martinez, e lo director de la fondacion Atahualpa Yupanqui, Roberto Chavero, que reconeishèren lo son tribalh d'interprèta e l'encoratgèren a perseguir sus la via de la composicion e de l'adobament.

Realizèt un CD dab adobaments per guitarra de las cançons d'Atahualpa Yupanqui, com composicions personaus, cd dont la parucion estó saludada peus magazines Espaces Latino, Trad Mag, e Guitarist acoustic. Lo navèth cd de guitarra d'America Latina qui vien de parèisher es consacrat aus ritmes los mai representatius dens la musica populara d'aqueths país (cueca, galopa, pasillo, chacarera...), tots ligats a la dança, e sovent pro vius e hestius...

Denis Frossard que tribalha autant plan sus la musica tradicionau occitana, en realizar adobaments per guitarra, armonizacions per guitarra e cant, e ua navèra apròcha dens l'execucion deus ritmes. Lo cd  Vrenhadas (prod. Menestrèrs Gascons) pareishut en 2009, prepausa ua represa de las grandas cançons deu repertòri (« Carnaval », « Los Junquets », « Hilhòta de delà l’aiga »...) en duò dab  Joan-Francés Tisnèr (cant), e peças d'ensemble o sòlos de guitarra sus musica tradicionau occitana, dab Crestian Josuèr (flauta de tres traucs), Marc Castané (acordeon, boha), e Valérie Chabanel (guitarra). La formula de  concèrt tirada d'aqueth tribalh que prepausa tots los títols deu cd e plan d'autes, dab lo cantaire e musicaire Joan-Francés Tisnèr, dens lo duò Dus de Canta.

"Tostemps dens aqueth domeni, qu'aprèsta ua navèra "vrenha" de danças o de cants a l'entorn de la transumància e deu viatge, dab la Brigada Menestrèrs, tant plan com d'autes musicians e cantaires deus Menestrèrs Gascons".

Fait partie de



Contactez nous a propos de cette page