mediateca
Musèu
: Tèxtes, sons, vidèos, imatges, sites web : tota la documentacion numerica occitana recampada dins la Mediatèca d'Occitanica
mediateca
| Auteur | Rouquette, Yves (1936-2015) | |
|---|---|---|
| Editeur | CIRDÒC-Mediatèca occitana (Béziers) | |
| Date d'édition | 2016 | |
| Auteur(s) secondaire(s) | Baccou, Patrice. Collaborateur Divaret, Patrick. Illustrateur | |
| Sujet | Bodon, Joan (1920-1975) | |
| Période évoquée | 19.. | |
| Type de document | Collection texte électronique | |
| Langue | oci fre | |
| Format | application/pdf 20 kakémonos autoportants de 85 cmx200 cm | |
| Droits | CIRDÒC-Mediatèca occitana Yves Rouquette pour les textes Patrick Divaret pour les illustrations | |
| Réutilisation | Creative commons = BY - NC - ND | |
| Permalien | https://occitanica.eu/items/show/21046 | |
| Accéder à la notice au format | ||
Luènh de totes los prejutjats qu'òm pòt encara portar sus una literatura dicha regionala de França, l'universitari alemand Georg Kremnitz a probable lo mielhs exprimit la situacion dins la quala se tròba l'òbra, excepcionala a mai d'un títol, de l'escrivan roergàs Joan Bodon :
"Bodon es un dels mai grands escrivans del monde modèrne. S'aviá escrich dins una lenga majoritària la siá votz seriá percebuda de pertot." Dins la mòstra l'escrivan Ives Roquèta escriu de l'òbra de Joan Bodon que "la lenga d'òc al sègle XX n'a pas d'òbra a presentar al monde mai fòrta, mai ponhenta, mai tonica dins sa sinceritat amara, mai esteticament concertada tanben..."
Joan Bodon, que la siá òbra ne cèssa de ressonar per son extraordinària marginalitat emai universalitat a l'un còp, escrivan de l'inumana condicion, apareis per totes los mai totas las que lo descobrisson coma un gigant indenegable de la literatura contemporanèa.
Joan Bodon escriu per tal d'existir dins una vida que n'a pas cap de sens, tanplan coma l'Istòria. Mas Bodon escriu tanben per tal d'estar legit, dins una lenga simpla, clara, evidenta e dirècta.
Mòstra concebuda per Ives Roquèta, Patríc Divaret e Patrici Baccou en 1993 pel musèu de Sent Laurenç d'Òlt en Avairon. Es estada reactualizada en 2016 pel CIRDÒC.