Lo Kevin e lo Jaufre, los dus conselhèrs « communicacion » deu President de la Republica, Manuel Cercací, qu'esperan a la pòrta deu bureu de l'Elisèu. Puish un tarabast, ua rambalhassa, un crit indeterminat, un brut eishord e en segui... lo silence.

Dens lo burèu presidenciau : pas degun ! O mèilèu pas nat este uman ! Pr'amor, ajocat sus l'esplena deu cadièrau deu capdau - lo Manual Cercací -, au som donc deu tròne de la Republica, un ausèth pintrat que'us gaitava deu son uelh arrond... un papagai.

(A tots ; 232)