enciclopedia

Actors : Personalitats, òbras, luòcs, expressions e practicas vivas : partissètz a la descobèrta de las riquesas del patrimòni gràcias a las fichas de l'Enciclopèdia del patrimòni cultural occitan
Licéncia Licence Ouverte
Marcel Amont, chanteur de music-hall et interprète béarnais
AuteurCIRDOC- Institut occitan de cultura
EditeurCIRDOC- Institut occitan de cultura
SujetAmont, Marcel (1929-2023)
Période évoquée19,,
Type de documentText
Languefre
oci
Formattext/html
DroitsCIRDOC- Institut occitan de cultura
RéutilisationLicence ouverte
Permalienhttps://occitanica.eu/items/show/59547
Création de la notice2023-03-10-LM
Accéder à la notice au format



Embed

Copy the code below into your web page

Amont, Marcel (1929-2023) [Article biografic]

Biografia sintetica de Marcel Amont, entà la soa contribucion a la cançon occitana


Aqueste omenatge n'evòca pas tant l'estela internacionau de music-hall, mes l'engatjament pionèr de l'artista e deu professionau de l’empont entà l'expression artistica de l'occitan.

Vadut Marcel Miramon a Bordèu en 1929 de pair e mair gessits de la Vath d'Aspa, Marcel Amont qu'encontra l'escaduda a París com cantaire de cabaret. Amic e collaborator deus noms màgers de la cançon francesa (Edith Piaf, Charles Aznavour, Georges Brassens) mes tanben de la generacion navèra (Maxime Le Forestier, Alain Souchon, Aldebert), n'a pas jamei deishat de har concèrts e qu'ei passat sus l’empont dinc aus sons 90 ans .


Que participa tanben a emissions televisadas, filmes de cinèma e qu’escriu libes, en especiau sus la soa identitat gascona e los sons soviers.


Les Chansons de la vallée d'Aspe, du Béarn et des Pyrénées, hèit en 1963 en çò de Polydor, qu'ei un disc precursor, davantejant la fondacion deu Hestau de Siròs e las granas collèctas oraus de la cançon tradicionau occitana.

Puish, a la mort de la soa mair, en 1976, Marcel Amont que desvolopa "sobte" ua activitat creatora en occitan. D'aquiu ençà que publica mantuns disques atau com libes qui dan pròva deu son estacament a las soas arraditz.


Discografia selectiva:

Chansons de la vallée d’Aspe, du Béarn et des Pyrénées, 1963 

Marcel Amont canta en biarnès, 1979

Marcel Amont conta en biarnès, 1981

Camarade vigneron, Un rayon de soleil, 1980

La Hestà!, 1981

Marcel Amont canta los poètas gascons, 1983, réédition Radio Païs 1997

Bibliografia selectiva:

Les plus belles chansons de Gascogne, éd. Sud Ouest, 2006

Comment peut-on être gascon! , éd. Atlantica, 2001

Préface de l’Anthologie de la chanson béarnaise d’André Hourcade, éd. Monhélios, 2006


En 1982, França 3 que'u consacra ua emission, “Marcel Amont que canta en bearnés”, en laquau evòca las trebucs economicas de las vaths e las evolucions deu monde rurau.

Hant aumenatge aus poètas com Jacob de Gassion (XVI s.), Xavier Navarrot o Simin Palay dens lo son disc Marcel Amont canta los poètas gascons, que s'interèssa tanben au repertòri popular tradicionau com ne testimònia lo recuelh de las Plus belles chansons de Gascogne. La soa òbra e lo son engatjament en favor de l'occitan que'u valò de recéber lo prèmi Cap e Tot de l'Institut Occitan en 2005 e d'estar recebut membre d'aunor de l'Academia de Bearn (léger ací lo son devis d'intronizacion).


Que defenè las lengas regionaus tanlèu que n'avèva l'escadença, dinc a har cantar lo public en bearnés au moment de las viradas "Atge tendre e cap de maco". Marcel Amont qu'ei defuntat lo 8 de mars 2023.

Sources et références

La République des Pyrénées, 9 mars 2023
La République des Pyrénées, 10 mars 2023
Archives télévisuelles de l'INA
Amont, Marcel, Les plus belles chansons de Gascogne, Sud-Ouest, 2006
Amont, Marcel, "Allocution d'intronisation comme membre d'honneur à l'Académie de Béarn", [2019]
"Marcel Amont et la redécouverte du Béarn", Notice de l'Escola Gaston Febus, 2019
"Marcel Amont, de Borce et d'Aspe", La République des Pyrénées, 24 juillet 2010
Amont, Marcel, Comment peut-on être gascon! , éd. Atlantica, 2001, en particulier pages 38-50