Explorar los documents (15523 total)
Cie Sylex
Sylvie Balestra
Sylvie Balestra
PRESENTACION
Solo-rituel : creacion coregraficTre 3 ans
Brusiments de plumas, fregadisses de pèls e forraduras mormolhantas… Al centre d'un cercle de las figuras estranhas apareisson. Sola en scèna, la dançaira Sylvie Balestra convida los mai pichons a un coquin de ritual, una dança entrainanta dins la quala incarna un fabulós bestiari. Inspirada per una molonada de danças del mond (indiana, occitana, africana…), nos transpòrta dins un univèrs doç e plen de magia poblat de creaturas extraordinàrias.
Tigre, aucèl o encara caval… Figuras ibridas e animals fantastics prenon vida cadun son torn gràcias a un impressionant costum fach de pel, de lanas e de teissuts.
Al son de ritmes entrainants, nosautres aquí emportats per aquela dança poderosa, ancestrala e comunicativa. Un viatge gaujós e salvatge !
A l'entorn de la creacion :
Descobrir lo dorsièr complèt de presentacion : AQUIA l'entorn de la creacion :
Possibilitat de propausar de talhièrs en ligam
EQUIPA ARTISTICA
1 artista al platèuDança e coregrafia Sylvie Balestra
Dançaira en alternança Aude Le Bihan
Agach exterior Cyrielle Bloy
Costumièra Lucie Hannequin
Compositor David Cabiac
Creator lums Eric Blosse
Accompanhament e desvolopament Vanessa Vallée
FICHA TECNICA
Sus demanda alprès de la companhiáDATAS PASSADAS E A VENIR
CONTACTE DIFUSION
Cie le SylexSiège social
LA MONERIE
24310 PAUSSAC-ET-SAINT-VIVIEN
Site internet : https://sylex.fr/
Site internet : https://sylex.fr/
Fred Handy
PRESENTACION
Espectacle de contes, bilingüe
Tre 6 ans
Conteretat (contérité) es un mot inventat per una passion irresistibla : la de contar.
Fred Handy transmet los racontes de sos ancians, rics de veritat, de tendresa e d'umor. Amb el, partissèm suls camins de las legendas bearnesas, guidats per la votz d'un Pépé que jurava " Conti pas que d'istòrias realas ! Si que non, per qué contar d'istòrias !"
A l'entorn de la creacion :
Descobrir l'artista en vidèo : AQUI
EQUIPA ARTISTICA
Un artista al platèuFred Handy - contaire
FICHA TECNICA
Sus demanda alprès de l'artistaDATAS PASSADAS E A VENIR
Ciutat : 21/08/2024
Hèstas de Luchon : 08/2025
Salies-de-Béarn : 2025
CONTACTE DIFUSION
Fred Handy
Pagina instagram de l'artista : instagram.com/fredohandy
Cie La Marginaire
Romie Esteves
Florent Hubert
Romie Esteves
Florent Hubert
PRESENTACION
Concèrt-balèti poeticTre 10 ans
La Companhiá Les Chaudrons (André Minvielle) e la companhiá La Marginaire (Romie Esteves) imaginan un moment liric, poetic e festiu, una serada evolutiva entre concèrt e balèti, a l'entorn de Marcela Delpastre, granda poetessa e paisana lemosina qu'auriá agut 100 ans lo 25 de setembre de 2025.
Despartimentam las formas, maridam los còdis del recital, del concèrt e del bal dins una seguida singulara e susprenenta de musicas, de tèxtes e d'improvisacions bastida sul Cant de la tèrra de Mahler e de Delpastre. Un moment pensat en dos tempses, ont lo public es convidat a viure lo concèrt dins l'escota «concentrada » puèi a cabussar dins lo bal, que se pòt seguir en dançant o en escotant solament…
Aquel rencontre musical s'apièja sus l'ambicion d'un grand dialòg crosat : Lo dels instrumentistas al platèl (venent de las musicas oralas e improvisadas, o de las musicas escrichas, de repertòri), lo dels mots e de la musica, de las voses liricas e de las voses brutas, lo del public e dels artistas, e enfin lo de las figuras grandas que convidam a aquela celebracion : Marcelle Delpastre, que nos amassa totes, Gustav Mahler, (e per eles los chineses Mong-Kao-Ien, Wang Wei, André Minvielle).
A l'entorn de la creacion :
Descobrir lo dorsièr complèt de la creacion : Aquí
EQUIPA ARTISTICA
14 artistas al platèuRomie Esteves / Concepcion, Dir Artistica, Cant, Tèxte,
André Minvielle / Cant, Battariá, Tèxte
Juliette Minvielle / Clavièr, Cant, Tèxte
Marie Salvat / Violon, Cant, Tèxte
Samuel Bricault / Flaütas, Còr
Sylvain Devaux / Autbois, Cor anglés
Joséphine Besançon / Clarineta, còr
Noé Clerc / Accordeon
Volodia Van Keulen/ Violoncèla, còr
Lilas Réglat / Contrabassa
Hélène Escriva / Euphonium
Christophe Monniot / Saxofòn
Mathieu Ben Hassen / Percussion, còr
Fernand Ferrer, « Nino » / Bassa electrica
Florent Hubert / Arrengaments, Dramaturgia musicala
Bianca Chillemi / Direccion musicala
Rémi Tarbagayre / Son
FICHA TECNICA
Sus demanda alprès de Rémi Tarbagayreremitarbagayre@neuf.fr
Tel. 06 81 77 35 33
DATAS PASSADAS E A VENIR
16 septembre 2025 / Festival Mascaret Bordeaux
07 Mars 2026 / Philharmonie de Paris
15 Mars 2026 / Scène nationale du Sud-Aquitain
Juin 2026 / Clermont Auvergne Opéra
Juillet 2027 / Festival Haut Limousin, Villefavard
Août 2026 / Hestajada de las arts, Uzeste
CONTACTE DIFUSION
Cie La Marginairelamarginaire.com
DIFFUSION
contact@lamarginaire.com
06 83 26 03 01
Wilde, Oscar
Beziar, Pèire. Trad.
Beziar, Pèire. Trad.
L’american Mr Hiram B. Otis ven de crompar Canterville, proprietat dempuèi de sègles d’un nòble e rèirevièlh linhatge anglés. Tanlèu installada la familha, lo fantauma comença a far farlanda... Mas aqueste es pas al cap de sas penas. Quora patetic, quora risolièr, capleugièr o terrible, aquel conte mescla lo fantasc al fantastic. L’autor, amb son umor trufa trufant de dandi, se plai a escarnir los còdis socials de son epòca.
Colleccion Flor enversa ; 19
Colleccion Flor enversa ; 19
Maquiavèl, Nicolau
Massip, Joan. Trad.
Massip, Joan. Trad.
En 1615, a Ingolstadt (Bavièra), se cremèt en plaça publica l’efigia de l’italian Nicolau Maquiavèl (1469-1527). Las Glèisas de l’epòca son convençudas – e o procla- man – que Lo Prince, son òbra famosa, foguèt escrita per la quita man de Satan. Perqué un tal òdi al respècte del libre e son autor ? Perqué aquel obratge màger e universal, paregut al sègle XVIen, continua fins ara a sentir a sofre ? Las responsas se tròban, evidentament, dins son contengut : una istòria naturala consacrada, non pas als animals e a las plantas, mas a l’univèrs de la politica. « Istòria » que cal entendre, aicí, al sens grèc d’enquèsta, de descripcion. D’efièit Lo Prince descriu fredament, sense jutjar, lo menament dels afars politics. Observator de terren, son autor nos mòstra – en defòra dels filtres metafisic e moral – la logica intèrna de las causas, çò que mòu l’òme o la femna de poder, e cossí s’endevenon (o pas) amb los eveniments. Per aital nos mòstra una vertat que, emai la solfine, l’umanitat vòl ignorar.
Colleccion Flor enversa ; 18
Colleccion Flor enversa ; 18
Faure, Cristian
Clerc, Stéphane. Trad.
Clerc, Stéphane. Trad.
Genlut es pas un Farfadet Farsejaire coma los autres : sas blagas tomban totjorn a plat. En realitat, sap pas far de farsas ! Granlut, lo cap dels Farfadets Farsejaires, es a calòs de paciéncia. Exasperat, decidís de lo mandar chals umans per li donar una chança de far sas pròvas. Amb l'ajuda de doas drolletas desgordidas, va relevar totas las escomesas...
Anne-Lise Herbel
Yolande Cazenave
Yolande Cazenave
Nòta d'intencion :
Seguida a l'estagi “intervenents culturaus” associant cors de lenga occitana e practica deu teatre, ua enveja d'espectacle de palhassa associant jòc, « palhassa e creacion musicau » qu'ei vaduda en 2024.
L'auhèrta d'espectacles a destinacion deu plan joen public qu'ei limitada quitament plan rara tà çò deus espectacles en occitan.
Los professionaus de l'enfança petita qu'an un besonh de comptinas e cançons contemporanèas en occitan.
Conscientas d'aqueras mancas, que ns'a pareishut important de tribalhar sus la creacion d'un espectacle palhassa-musicau a destinacion deus 6 mes-6 ans en lenga occitana.
Que permet de promòver la lenga occitana autanlèu lo mei joen atge en jogant sus las soas sonoritats particularas (exemples : diftongues, triftongues), d'obrir los sens e har víver l'imaginari.
Los mainatges que descobriràn divèrs instruments utilizats dens las musicas tradicionaus de Gasconha e d'Occitània.
Qu'apareish primordiau d'acompanhar lo joen e plan joen espectator cap au monde de l'espectacle viu e deu sensible, de neurir l'imaginari, de viatjar individuaument dens un moment collectiu partatjat.
Abracat :
A la lor suspresa grana, duas hemnas que tròban un ueu davant la pòrta deu lor larèr. L'ueu, de qui ei ? L'ueu, a qui apartien ? Que parteishen miar l'enquèsta.
Aqueth espectacle qu'abòrda los tèmas de la quista e de la metamorfòsi. Qu'ei un conte en passejada on lo public ei au centre de la scenografia.
Palhassa musicau
De la ninoèra a la mairau (dejà jogat dinc au CM2)
Durada : 20 minutes
Lenga : Occitan gascon
Ua Produccion Cie Musiquejam dab l'ajuda deu Conselh Departamentau 64
Condicions de jòc :
Que's pòt jogar dirèctament dens las ninoèras e las escòlas o los arcuelhs de las RAM.
Espaci de jòc minimum : 7m d'obertura x 8m de pregondor entà ua mesura de 30 mainatges (public au centre de la scenografia)
Prevéder un espaci mei gran segon la mesura : 9m x 10m entà ua mesura dinc a 50 mainatges
Installacion : 1h abans l'espectacle
Tarifas : 550€ shens las despensas de transpòrt entà 1 representacion.
Que's pòt jogar 2 còps dens la matiada o la jornada, 800€ shens fresc de transpòrts.
Que poirà estar acompanhat d'ua mediacion culturau, talhèr palhassa-teatre a l'entorn de las emocions e de jòcs corporaus, iniciacion a danças tradicionaus.
Ua estima que serà enviada en acòrd dab las estructuras d'arcuelh.
Contacte :
Yolande : 06 85 68 32 53 – yolca64@gmail.com
Anne-Lise : al.herbel@gmail.com
Hergé
Vincenç Claverie
Vincenç Claverie
La revirada en occitan gascon de la banda-dessenhada Las jòias de la Castafiore.
Revirada hèita per Vincenç Claverie.
ISBN : 978-9-942-00211-2
Revirada hèita per Vincenç Claverie.
ISBN : 978-9-942-00211-2
CIRDOC - Institut occitan de cultura
A cada numèro, de novetats ! Dins las proposicions de libres, CDs o creacions de segur, mas tamben amb d’informacions novèlas, apondudas per vos mièlhs guidar dins las vòstras descobèrtas e causidas. D’en primièr, d’informacions suls publics ciblats, per las creacions. Presentas en linha sus la FaBrica, son d’ara enlà indicadas tanben per nòstras paginas per mai de clartat. Novetats tanben amb un novèl sistèma de hashtags per far ressortir las tematicas de cada creacion. Tè !, un otís qu’evoluís !
Qu’es aquò, Tè! ?
Tè ! es un catalòg pensat per acompanhar los professionals de la cultura (programators, mediatecaris, mediators...) dins lor descobèrta de la creacion occitana actuala. Un supòrt d'informacion mas tanben un otís practic, per elaborar sa programacion coma son plan d'acquisicion.
Al fial de las paginas, classadas per grandas tematicas mas que los contenguts dialògan entre els d'un domeni a l'autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion...), mas tanben quand se fa lo miralh de la granda diversitat de l'expression occitana dins totas sas formas dialectalas, del provençal al gascon en passent pel lengadocian.
« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d'artistas inedits, tot en demorant al mai pròche de l'actualitat.
Al fial de las paginas, classadas per grandas tematicas mas que los contenguts dialògan entre els d'un domeni a l'autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion...), mas tanben quand se fa lo miralh de la granda diversitat de l'expression occitana dins totas sas formas dialectalas, del provençal al gascon en passent pel lengadocian.
« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d'artistas inedits, tot en demorant al mai pròche de l'actualitat.
Per fin de vos ajudar dins las vòstras causidas d'aquisicion e de programacion, aquelas presentacions seràn acompanhadas d'informacions tecnicas e de pictogramas que lo detalh es presentat sus la primièra pagina del catalòg. Caduna d'entre ela remanda tanben, a una presentacion en linha, al còr del portal de la creacion occitana actuala : fabrica.occitanica.eu, per una presentacion detalhat (e bilingüa).
E, plan segur, esitètz pas a sollicitar las equipas del CIRDÒC - Institut occitan de cultura per vos acompanhar dins las vòstras cèrcas, las vòstras presas de contacte, o per beneficiar dels servicis e otisses propausats dins lo quadre de l'ofèrta a las collectivitats (detalh en pagina 27 del catalòg).
Consultar totes los numèros del catalòg Tè! en linha : AQUI
Bona lectura e bona immersion !
Consultar totes los numèros del catalòg Tè! en linha : AQUI
Bona lectura e bona immersion !
Chabaud, Silvan
Caminar es una pulsion creatritz que congrèa d’òbras d’art efemèras. Los passes traçan dins l’espaci de frasas aitanlèu escafadas. Escorreguda facha, lo caminaire espròva lo besonh de las gardar dins sa mementa, de colcar sul papièr (o tot autre supòrt) tant de sensacions, idèas, pantaissadas e païsatges que senon s’esvanirián dins l’oblit. Aquò’s çò que fa Silvan Chabaud. Aquel grand caminaire montanhòl nos manda de cartas postalas de sos meravilhaments jos la fòrma de poèmas esbleugits e meditatius. Percorrèm amb el sas cimas e luòcs d’eleccion : Ubaia Nauta (Paroart, Brec de Rubren), Pirenèus (Canigó, Cambra d’Ase, Arcozan, los Estanhós), Corsega (Tavignanu, Pinatellu), rius del mond (de Salagon, Vis e Lèrga a Bidassoa e Sant Laurenç). Cada luòc descobèrt es la font d’una meditacion urosa, una « adotz », coma se’n tròba tant dins nòstra toponimia. Adotz d’aiga e de poesia.
Mas cada rescontre es tanben una descobèrta de l’autre, una estapa de l’existéncia, coma los grands recampaments memorials e politics : sul Larzac en 2023 pels cinquanta ans de la Fèsta, sus l’autorota amb la CGT de Clarmont d’Erau, sus un empont amb lo sound system brancat.
Adotz es un quasèrn de viatge meravilhat suls camins de montanha e autras dralhas de vida.
Mas cada rescontre es tanben una descobèrta de l’autre, una estapa de l’existéncia, coma los grands recampaments memorials e politics : sul Larzac en 2023 pels cinquanta ans de la Fèsta, sus l’autorota amb la CGT de Clarmont d’Erau, sus un empont amb lo sound system brancat.
Adotz es un quasèrn de viatge meravilhat suls camins de montanha e autras dralhas de vida.