Explorar los documents (15414 total)

Contributeur : CIRDOC - Institut occitan de cultura

Fèsta de l'Ase de Beçan / Hélène Morsly, realizatritz

Morsly, Hélène. Metteur en scène ou réalisateur.

L'Ase es l'animal dich totemic de Beçan (Erau).

Cada annada, la Sant Laurenç, la granda fèsta dels Beçanencs, se debana en agost, sus cinq jorns, dimenjada compresa. Las sortidas de l'Ase constituisson los moments fòrts d'aquelas jornadas tanben conegudas jol nom de « fèsta de l'Ase ». Lo dimenge n'es marcat per una messa e una benediccion en preséncia de l'animal que precedisson lo passa-carrièra en vila.

Aqueles imatges filmats per Hélène Morsly los 9 e 10 d'agost de 2014 donan a veire aqueles rituals.

Innovacion pedagogica al conservatòri Besièrs Mediterranèa : talhièr intergeneracional a l'entorn del balèti occitan

Marion Ficat

Per l'annada 2015-2016, lo Conservatòri del dardalh departamental Besièrs Mediterranèa prepausa totes los dimècres a 17h30 un talhièr a l'entorn del repertòri tradicional coregrafic e musical occitan.

Dobèrt a totes, musicaires coma dançaires, començaires coma practicants confirmats, adultes coma enfants, aquel moment d'escambis prepausa de descobrir lo repertòri de las danças tradicionalas per la votz, lo còrs et lo ritme, d'aprene als musicaires a acompanhar los dançaires e a arrengar una musica o a improvisar a l'entorn del cant.

Es a una extraordinària immersion dins lo patrimòni musical e dançat del Lengadòc qu'aquel talhièr intergeneracional novèl vos convida!

Debuta dels talhièrs lo dimècres 23/09/2015 a 17h30 a la MJC Trencavel de Besièrs (13 a Baloard Duguesclin - 34500 Besièrs).
Inscripcions alprèp del conservatòri Besièrs Mediterraneà : 04.99.41.34.80 - http://www.beziers-mediterranee.fr/enseignement-artistique.html