Explorar los documents (15435 total)

UN DIALÒG DE LAS CULTURAS 

Rencontre entre un escrivan occitan 

e una artista sefarada

PRESENTACION

Descobrir la vidèo de la Barca : Aquí

Au long de las soas novèlas, Joan Loís Lavit que’ns hè caminar suus sendèrs de l’aventura, que sia futurista, d’anticipacion o ligada a la vita deu monde de la montanha. Violéncia e esvarge qu’i costejan gaujors e paurs deu temps de mainat, civilizacion pastorau o chepics amorós, amuishant la diversitat de la soa escritura. Un flòc de totas las colors de l’imaginari.

Occitanica · Es tròp cool : libre audio e musical - Escolans e liceans de Rodés & Humpty Dumpty

Quand un malmaridat optimista rescontra un lop tristonet dins un polit bòsc,  quand croza lo camin d’un fum d’amics novèls, quand cadun bota la pata a la pasta per coisinar de bons pichons plats, quand tot lo monde s’unís per organizar un eveniment bravament especial… ES TRÒP COOL !
L'istòria d'una quista joiosa e gormanda o quand un repais partejat es la solucion ideala per sortir de la desprima.

Un projècte realizat dins l’encastre dels projèctes PEC-CO e finançat per la region Occitània. Aquel libre musical numeric es la resulta d’un trabalh collaboratiu entre de liceans de terminala e d’enfants de mejana e granda seccion de doas escòlas de Rodés. Cadun amb sas competéncias ven realizar de tascas que permeton al projècte d’avançar amb lo sosten complici del grop Humpty Dumpty e de Gautièr COUFFIN per las illustracions. Per mantun escambi una dinamica se creèt entre pichons e belses, plaçant la lenga occitana al còr del projècte dins una desmarcha accionala.

Primièr, lo ligam entre los liceans e los mairalas se bastiguèt per de visioconferéncias regularas pendent que los liceans contèron d’istòrias (qu'existissián ja) amb l’ajuda de kamishibai. En retorn, per aqueles tempses de rencontres en linha, los pichons preparavan de cançons, d’illustracions mai d’expausats cortets. Aquel temps d’escambi ritualizat permetèt d’instaurar una dinamica comuna a l’entorn de l’objectiu central : produsir un conte en occitan qu’implicariá pichons e bèlses.

La segonda etapa constituiguèt lo vertadièr començament del projècte. Totjorn en visioconferéncia e guidats pels liceans, los escolans de mairala posquèron determinar lo debanament del conte en causissent los protagonistas, los enjòcs, los luòcs de l’accion mai las emocions dels personatges. Guidat en presencial per M. Olivier Daillut, animator pedagogic en occitan, e en visioconferéncia pels liceans, aquel talhièr permetèt la creacion de l’estructura precisa del conte.

Puèi, amb l’ajuda del grop Humpty Dumpty, los liceans creèron las paraulas de cinc cançons que correspondián a cinc etapas clau de l’istòria. Aquestas cançons foguèron escritas sus de riddims originals compausats per l’escasença per Humpty Dumpty.

Los musicians del grop Humpty Dumpty anèron dins las classas de mairala per faire descobrir las cançons als enfants e lor aprene los repics e d’unes coblets. En seguida d’aquestes talhièrs, los enfants de mairala se son entrainats amb lors ensenhairas a cantar las cançons en occitan ; parallèlament los liceans an seguit d’escriure lor conte e se son ensajats a lo dire. Per aquel temps de trabalh, los escambis mairalas/licèu se perseguiguèron. Lo grop Humpty Dumpty anèt al rencontre dels enfants de mairala per doas miègjornadas d’enregistrament de las cançons.

Enfin, lo grop Humpty Dumpty venguèt al licèu enregistrar  los liceans. Aquestes enregistraments portavan sul raconte complet del conte mai d’unes coblets de las cançons.

Francis Cournut es nascut a Sant-Africa en 1947. Retirat de La Pòsta, es un apassionat e un defensor de la lenga d’òc. Son militantisme s’exprima dins l’escrich de romans ont l’amistat e l’amor seguisson de camins sociologics. La relacion dels òmes entre eles es plan sovent sorga de conflictes. Es çò qu’inspira l’autor. Tornarai un jorn es son quatren roman. L’autor s’es transportat dins las annadas après-guèrra e a imaginat aqueste roman d’amor dins l’encastre bucolic d’aquel canton ont se tròban sas raiças. “Tornarai un jorn”, es çò que se disiá l’autor pendent tota sa vida activa que lo menèt luènh de son país naissedor. L’autor se risca de presentar l’ambient d’un vilatge pendent e après las orrors de la segonda guèrra. Evòca tanben qualques eveniments istorics que daissèron de nhafraduras prigondas dins las memòrias.

Cet ouvrage, destiné aux enseignants de maternelle, les accompagnera pour enseigner le provençal en classe, et permettra aux élèves d’entrer dans la langue dès le plus jeune âge. Il s’articule autour d’un livre du maître et d’un fichier pour l’élève,rassemblés dans un seul ouvrage.

Cette méthode propose des histoires, mais aussi des comptines, des jeux de doigts et formulettes pour commencer les apprentissages avec les trésors du patrimoine culturel et se familiariser avec les sonorités de la langue.

L’Euroregion Pirenèus-Mediterranèa (EPM) contunha de plaçar sos ciutadans al còr de son accion per un territòri resilient e durable. Aquesta annada encara, l'EPM lança sa crida a projèctes cultura #APC21.

Los fonses aportats per sos membres – la Region Occitània / Pirenèus-Mediterranèa, que n'assegura actualament la presidéncia, la Generalitat de Catalonha e lo Govern de les Illes Balears -venon sostenir la mesa en valor del patrimòni euroregional jos totas sas formas. 

Save the date ! Webinari d’informacion e contacte lo divendres 9 de julhet de 2021 !

L’#APC21 en qualques points :

- Quant? 125.000€ a repartir entre los projèctes retenguts. Finançament euroregional maximal : 60% del budget total de cada projècte sostengut, dins la limita de 25.000 € maximum per projècte.

- Qué ? Totas las disciplinas e expressions artisticas dels sectors de la cultura e de l'art : creacion, produccion, desvolopament, difusion, valorizacion e promocion del patrimòni. 

- Qui ? Sòcis eissits de cadun dels tres territòris membres de l'Euroregon. Interessats ? Rendètz-vos sus las rets socialas per cercar de possibles partenaris dels autres territòris membres : #EPMpartner

- Délais ? 9 de setembre de 2021, data limita de depaus dels dorsièrs per la Candidatura administrativa, abans instruccion del dorsièr detalhat en segonda fasa, se terminant lo 23 de setembre de 2021.

Mai d’info ? Reglament disponible sus : https://www.euroregio.eu/wp-content/uploads/APC-2021_APPEL-PROJETS_FR_Version_Finale-2.pdf e inscriptions pel webinaire del 9 de julhet, ont los representants dels 3 territòris membres de l'Euroregion presentaràn la crida a projècte (session bilingüa), los punts principals seràn expausats e donaràn luòc a de questions dobèrtas tan coma a un temps d'escambis dins diferentas « salas », permetent als diverses actors e assistents de se conéisser e de crear de sinergias.