Retour haut de page

Vidéoguide : Anne Clément, voix de femme [images animées]

Voir la notice détaillée
P17b_vignette.png

Le saviez-vous ?

Comédienne, auteure, metteur en scène, Anne Clément a composé et compose aujourd'hui encore un vaste panel d'œuvres qui illustrent et valorisent l'histoire et la culture occitanes. Le parcours de cette artiste coïncide avec les grands heures du théâtre d'oc contemporain. Membre du Teatre de la Carriera, elle a contribué au passage d'un théâtre militant vers un théâtre de civilisation, puisant dans l'histoire et les personnalités du pays d'oc, la matière de sa création.  

Appartient à :

Collection des vidéoguides de Saint-Hyppolite-du-Fort

Transcription :

Tèxte en occitan 

Femna de teatre, comediana, autora e meteira en scèna, Anne Clément encarna, sus scèna e en colissas, una figura màger del reviscòl de l'espectacle viu en occitan.
 
Frescament sortida del Conservatòri de Montpelhièr, Anne Clément rejonh los rengs del Teatre de la Carrièra. La companhiá percor las rotas d'Occitània, en interpretant un teatre militant, en francés e en òc, creat al contacte dels vinhairons, obrièrs, minaires locals...
 
A la fin dels ans 1970, la jove companhiá s'engatja progressivament dins un trabalh d'enquèsta e de recèrca, que posa dins lo patrimòni cultural e lingüistic occitan, e dins lo ric repertòri carnavalesc. Çò qu'èra un teatre militant ven un teatre de civilizacion.
 
Mentre que sus la scèna nacionala la paraula feminina se libèra, ocasion es balhada a las femnas de la Carrièra de donar lo vam a lor creativitat. A la davalada de 1978, la companhiá aficha dos espectacles escriches per Anne Clément e Marie-Hélène e Catherine Bonafé : Galina e Sasons de Femna. Aquesta darrièra pèça, que pòrta sus l'emancipacion d'una femna, es lo fruch d'un rencontre de sas autoras amb quinze abitantas de Sent Ipolit.
 
Es dins aquesta comuna cevenòla, brèç mairal, qu'Anne Clément contunha son aventura teatrala en fondant amb Jean Hébrard en 1988 una novèla companhiá : Gargamèla teatre.
 
Las creacions de la companhiá conjugan la recèrca d'un teatre popular, que posa sas raices dins la fèsta carnavalesca coma dins la poesia dels trobadors, amb de messages universals.
De creacions resolgudament modèrnas que menan la companhiá sus las rotas nòrd e sud-americanas, africanas...

Traduction française 

Nascuda en China, mens 3000 abans J-C, la sericicultura s'espandís progressivament dins l'Ancian Mond per ganhar França al sègle XIII.
 
Pasmens, la seda demòra a la Renaissença un produch de luxe. Enric IV confia alara a Olivier de Serres, senhor del Pradèl, lo suènh de desvelopar la sericicultura francesa.
 
En qualques annadas, las campanhas francesas, tot particularament las Cevenas, se cobrisson d'amorièrs blancs, plat favorit del manhan. Bancèls e faisses esculptan de terrassas dins lo païsatge cevenòl per aculhir arbres e manhanariás. La societat càmbia, e los vestits tradicionals s'enriquisson de seda.
 
Recipròcament, la sericicultura es influenciada per la lenga e las costumas localas. Lo mot francés «magnanerie» ven atal de l'occitan manhan. De taulièrs ont se dispausa las babas, en passant pel descoconatge dins un banh bolhent, e enfin lo filatge, la produccion de seda se conta en occitan.
 
Aquesta cultura es exigenta e fragila. Al sègle XIX, d'alhors, es victima d'una grèva epidèmia de pebrina que contamina los manhans. Louis Pasteur s'installa a Sent Ipolit per 5 ans. Ajudat de l'entomologista Jean-Henri Fabre, capita d'identificar las originas de l'infeccion. Lo mal es fach per un sector que deu, d'autre biais, afrontar cotonadas e teissuts sintetics produsits per la Revolucion industriala.
 
Uèi, la rota de la seda passa tornarmai per las Cevenas. Benlèu que vos menarà a Sent Ipolit per descobrir l'ecòmusèu, vertadièra manhanariá viventa.

 

Citer ce document

CIRDÒC-Mediatèca occitana, Kaleo design. Metteur en scène ou réalisateur, Anne Clément, voix de femme / CIRDÒC-Mediatèca occitana, Occitanica - Mediatèca Enciclopedica Occitana / Médiathèque encyclopédique occitane
http://www.purl.org/occitanica/5283

Contribuez

Tags autorisés : <p>, <a>, <em>, <strong>, <ul>, <ol>, <li>