Explorar los documents (15399 total)

Contributeur : CIRDOC - Institut occitan de cultura

Daniel Villanova

PRESENTACION

Lo pintoresc vilatge de Boronhan dintra en resisténcia contra lo govèrnament francés que decidét d'impausar a la populacion l'injeccion d'un produit misteriós « Le speaking Molière » per fin de celebrar los 400 ans de la naissença del grand Molière. Aquel produit va permetre a totes los franceses de s'exprimir en vèrs al long de l'annada. L'arma de la rebellion : una comèdia en cinc actes, en vèrs o en pròsa ! Daniel Villanova s'amusa aquí del nòstre monde actual en denonciant las erranças e las aberracions amb una vèrva emberlujanta en mesclant un pauc de francés, l'occitan e l'espanhòl.

Son totes los personatges de la comèdia villanovèsca qu'onòran lo grand Mèstre, aitant sul fons que sus la forma. "Retrombam dins mos espectacles l'esperit de trufariá", d'insomission que règna dins nòstres vilatges e qu'ai exacerbat."

L'escasença de faire un polit rencontre amb un actor comic e engatjat que se definís el-meteis coma essent un umorista anarquista que lo passat de comedia atisa l'intelligéncia.

EQUIPA ARTISTICA

Daniel Villanova : comedian, autor.

FICHA TECNICA

Sus demanda alprès de l'artista.

CONTACTE DIFUSION

Site internet de l'artista : https://www.danielvillanova.fr/

Miquèla Stenta

PRESENTACION

Pertot e de totes tempses, las femnas an parlat, escrich, agit, cantat. En país d'òc coma endacòm mai. Mas aicí, amb los fondaments socials e culturals que fan lor originalitat. Una paraula ancorada dins lor temps.

EQUIPA ARTISTICA

Conferencièra : Miquèla Stenta

CONTACTE DIFUSION

Contacte : Cèucle occitan setòri - oc.setori@gmail.com

Paulina Kamakine

PRESENTACION

Deishatz-ve portar dens l’Art de la creacion poetica acompanhats per la poetessa Paulina Kamakine.

EQUIPA ARTISTICA

Animatritz : Paulina Kamakine

FICHA TECNICA

Auprès deus artistas

CONTACTE DIFUSION

Contacte : Paulina Kamakine - loupetitauseth@gmail.com
Site internet : https://www.paulinakamakine.fr/

Paulina Kamakine
Geneviève Gallego

PRESENTACION

Que Deishatz emportar cap a las contradas poeticas de « l'Aute Demora » ; « l'Aute Que demora ».

Ua votz gascona dab en resson ua votz francesa — la de Genevièva Gallego — que'vs parlaràn de la fòrça deu ligam qui uneish tot èste dens Amor e la Mort.

Pensadas filosoficas e poeticas entermescladas ; l'òbra gascona de Paulina Kamakine, que vs'ei presentada de faiçon bilingua dab un acompanhament piano originau compausat per Jeanne Sémavoine.

Que’vs prepausam un moment de patz e de doçor portats per la beutat deus versets de Paulina Kamakine acompanhats per la votz de Genevièva Gallego e la musica de Jeanne Sémavoine.

Un long poemi d’amor e de mort que’ns dit l’absença crudèla mes tanben la presença esternèla de l’Aimat desapareishut. Las votz alternadas de l’Amador e de l’Amadora teishen e entreteishen un dialog d’amor e de joès, de dolor e de revòlta, de carn e d’amnas a jàmes ligadas.

EQUIPA ARTISTICA

Votz gascona : Paulina Kamakine
Votz francesa : Genevièva Gallego

FICHA TECNICA

Auprès deus artistas

CONTACTE DIFUSION

Contacte : Paulina Kamakine - loupetitauseth@gmail.com
Site internet : https://www.paulinakamakine.fr/

CIRDOC - Institut occitan de cultura

Per mancar pas res de sa programacion evenimenciala, lo CIRDOC – Institut occitan de cultura vos propausa un supòrt novèl, son programa trimestrial.

Lo primièr numèro vos propausa de descobrir los eveniments de venir pel site de Besièrs, pel periòde Setembre/Octobre/Novembre.

E per mancar pas un dels rdv propausat per l'establiment, pensatz a seguir la nòstra actualitat en linha mercés al nòstre open Agenda : https://openagenda.com/cirdoc

Design imatge de cobèrta : Clémence Estivals / https://clemencestivals.fr/

Garae Ethnopôle
CIRDOC - Institut occitan de cultura
UT2J

PRESENTACION

Natanael jos lo figier de Marcela Delpastre, par le duo Canet- Fraysse

Natanael jos lo figier es un convit al cant prigond, del biais universal e tan particular de Marcela Delpastre. Los artistas conjugan lor votz per balhar vida al tèxte, e desrevèlan aital, sa musicalitat naturala. Es la pulsacion del còr, la de la borrèia, que pòrta las vses entre tèrra e cèl, coma per un cant primièr, indian o lemosin.

Un eveniment en partenariat amb lo GARAE e l’UT2J, dins lo quadre de las jornadas d’estudis Marcelle Delpastre, une femme-monde - 23-25/10 a Tolosa e Carcassona.

INFORMACIONS PRACTICAS

GARAE Ethnopôle : 04 68 71 29 69

Adreça : 53 Carrièra de Verdun, 11000 Carcassona

Webinari de Sylvan Chabaud sul barròc occitan literari

Chabaud, Silvan (1980-....)

Per Silvan Chabaud (Mèstre de Conferéncias en Literatura occitana modèrna e contemporanèa a l’Universitat Paul Valery, laboratòri ReSO).

Als sègles XVI e XVII, la literatura occitana explòra de vias novèlas dins un periòde istoric trebolat, entre ombras e luses, guèrras de religions e descobèrtas scientificas, vanitats e plasers de viure. L’escrich occitan ven, entre Provença, Lengadòc e Gasconha e jos la pluma d’autors variats, un territòri d’experiéncias poeticas generosas e pivelantas. Aquel webinari vos menarà sus las peadas d’aqueles primièrs escrivans modèrnes.

Webinari eissut d'una collaboracion entre lo Rectorat de l'Acadèmia de Montpelhièr, lo CIRDÒC - Institut occitan de cultura e l'Universitat Paul Valéry - Montpelhièr 3.

Jean Fléchet

A l'entorn de 1840, Gaston acaba per daissar sa familha per se ganhar la vida suls camins en far l'orsalhièr... Rescontrarà a Tolosa un colportaire de libres, propagator de las idèias novèlas...

Un viatge initiatic entre conte e raconte d'aventuras, que fa part egala a la carn coma a l'esperit, al gost del terrador coma a la set de viatjar, a las necessitats de la vida individuala coma a l'avenir de la collectivitat.

[Resumit : EcranSud]

Le South West Trio est un trio de jazz dont le répertoire est constitué d’arrangements de mélodies et de chansons de la tradition occitane. Composé d’Alessandro Torsiello (Saxophones Ténor et Soprano), Denis Léogé (Contrebasse) et Jordi Léogé (Batterie), ce groupe revendique le rapport possible entre musique improvisée et airs Occitans en s’imprégnant du son des trios de Jazz moderne sans harmonie comme ceux de John Coltrane, Sonny Rollins ou Steve Grossman.

Mai d'infos : aquí.

Ives Durand conta a la Nòv'Estivada - Tè Vé Òc

Gros, Lise. Metteur en scène ou réalisateur

Emission del 1er d'agost de 2024

Ives Durand conta a la Nòv'Estivada

A Sebasac (12) una Estivada reviscolada se tenguèt en julhet de 2024. Aquel festenau occitan veguèt fòrça participaires per lei concèrts, balètis, films, libres e autrei taulièrs. Vos convidam per partejar un bèu moment de conte amb Ives Durand. Òsca a la còla que organizèt aquela fèsta granda !

Un reportatge de Lise Gròs

[résumé : Tè Vé Òc]