Parcours :
La Tresena Republica, demòra fins a 1914 un regim fragil, obsedit per lo camp de la « reaccion » clericala e monarquica. Lo periòde es marcat per una propaganda intensa qu’a per tòca de desvolopar lo sentiment d’unitat nacionala, mas tanben per preparar la societat tota al « revenge » militari sus Alemanha.
Fàcia a la dificultat d’escafar l’estacament identitari dels franceses a lors terradors, los elèits republicans van moderar l’ideologia del còrs nacional unifòrme e apelar a l’amor de la « patria pichona », ja solubla – car voidada dels agents particularistas : lengas e revendicacions federalistas en tèsta – dins la « Grande Patrie »
Fàcia a la dificultat d’escafar l’estacament identitari dels franceses a lors terradors, los elèits republicans van moderar l’ideologia del còrs nacional unifòrme e apelar a l’amor de la « patria pichona », ja solubla – car voidada dels agents particularistas : lengas e revendicacions federalistas en tèsta – dins la « Grande Patrie »
Moment de fèsta comunitària e de representacions collectivas, los carnavals son simptomatics de l’estat social, economic e ideologic de la societat lengadociana. Dins aquestas fotografias del carnaval de Besièrs de 1892 , la succession de carris de la cavalcada es un dels marcadors de l’identitat d’aquesta societat del Lengadòc Bas de la fin del sègle XIX : al costat d’elements de tradicion - animals totemics, dança de trilhas, etc. - l’ascendent del progrès industrial e de la societat mercanda se fa sentir (desfilar de bicicletas, pompas idrolicas, maquinas agricòlas, etc.).
Lo pes de l’armada e del patriotisme es tanben plan present amb aquestes dos carris militaris. Sul primièr (a esquèrra) se pòt legir « Honneur et Patrie » mentre que l’autre es ondrat d’una « Marianne » del bras venjaire.