Parcours :
Tonelièr a Peiriac de Menerbés (Aude), Louis Barthas es mobilizat tre lo mes d’agost de 1914. Es d’en primièr garda al camp de presonièrs de guèrra de Mont-Loís (Pirenèus-Orientals) puèi partís al front en novembre de 1914 coma caporal al 218en RI de Narbona. Louis Barthas e son regiment son, long del conflicte, al mitan de totas las batalhas grandas, sovent en primièra linha.
Pendent sa mobilizacion, lo soldat Barthas pren de nòtas, escriu cada jorn los sovenirs sus de fuèlhs que garda amb el. Ten tanben una correspondéncia gaireben quotidiana amb la familha e lor demanda de conservar preciosament las letras. Barthas se pausa alara coma testimòni en consignant la cronica dels faches circonstanciats coma las umiliacions e las revòltas.
A la fin del conflicte, tornat dins Aude, Lous Barthas comença tre 1919 a redigir sos quasernets, 19 quasèrns d’escolans ont torna prene sas nòtas del front, sa correspondéncia e enriquís son raconte de cartas postalas crompadas o recuperadas dins las trencadas enemigas.
Descobert tornarmai e publicats dins las annadas 1970 per Rémy Cazals, los quasernets de guèrra de Louis Barthas foguèron un element important per l’istoriografia de la Primièra Guèrra mondiala. Los testimoniatges escriches sul moment, per de soldats non gradats e de primièra linha, directament ligats als eveniments son rars. Testimòni ordinari, Louis Barthas es per los istorians d’uèi, un testimòni extraordinari que retrai l’istòria de son escarrada menerbesa que, long del conflicte, parlan e pensan en occitan.
Pendent sa mobilizacion, lo soldat Barthas pren de nòtas, escriu cada jorn los sovenirs sus de fuèlhs que garda amb el. Ten tanben una correspondéncia gaireben quotidiana amb la familha e lor demanda de conservar preciosament las letras. Barthas se pausa alara coma testimòni en consignant la cronica dels faches circonstanciats coma las umiliacions e las revòltas.
A la fin del conflicte, tornat dins Aude, Lous Barthas comença tre 1919 a redigir sos quasernets, 19 quasèrns d’escolans ont torna prene sas nòtas del front, sa correspondéncia e enriquís son raconte de cartas postalas crompadas o recuperadas dins las trencadas enemigas.
Descobert tornarmai e publicats dins las annadas 1970 per Rémy Cazals, los quasernets de guèrra de Louis Barthas foguèron un element important per l’istoriografia de la Primièra Guèrra mondiala. Los testimoniatges escriches sul moment, per de soldats non gradats e de primièra linha, directament ligats als eveniments son rars. Testimòni ordinari, Louis Barthas es per los istorians d’uèi, un testimòni extraordinari que retrai l’istòria de son escarrada menerbesa que, long del conflicte, parlan e pensan en occitan.